តំបន់ភាគខាងត្បូងប្រទេសវៀតណាម គឺជាទីតាំងផលិតកម្មសម្រាប់ក្រុមហ៊ុនសាជីវកម្មពិភពលោកជាច្រើន ដោយសារតំបន់នេះទាក់ទាញបានក្រុមហ៊ុនផលិតកាន់តែច្រើនដែលកំពុងស្វែងរកទីតាំង ដើម្បីបញ្ចៀសពីសង្គ្រាមពាណិជ្ជកម្មរវាងសហរដ្ឋអាមេរិក និងចិន។ ប៉ុន្តែ ចាប់តាំងពីមានការផ្ទុះរីករាលដាលនូវជំងឺកូវីដ១៩មក គេមើលឃើញថា ការធ្លាក់ចុះនៃចំនួនបុគ្គលិកបានអូសបន្លាយយ៉ាងយូរ ហើយអាចនឹងបណ្តាលឱ្យមានការរង្គោះរង្គើដល់ខ្សែចង្វាក់ផ្គត់ផ្គង់សកលផងដែរ។
តាមការស្ទង់មតិនាពេលថ្មីៗនេះបង្ហាញថា ទោះបីជាការរីករាលដាលនៃកូវីដ១៩ ត្រូវបានទប់ស្កាត់ក៏ដោយ ក៏ទីក្រុងហូជីមិញនៅតែអាចប្រឈមនឹងការខ្វះខាតកម្មកប្រមាណ ៨ម៉ឺន ៧ពាន់នាក់ នៅក្នុងត្រីមាសទី១ ឆ្នាំនេះ ខណៈតំបន់ភាគខាងត្បូងទាំងមូល អាចប្រឈមនឹងការខ្វះខាតកម្មករប្រមាណជាង ១០ម៉ឺននាក់។
សូមជម្រាបថា វៀតណាមបានដាក់ចេញវិធានការបិទខ្ទប់យ៉ាងតឹងរ៉ឹងលើទីក្រុងហូជីមិញ
និងផ្នែកផ្សេងទៀតនៃតំបន់ភាគខាងត្បូងប្រទេសកាលពីរដូវក្តៅឆ្នាំមុន
ដើម្បីទប់ស្កាត់ការឆ្លងរាលដាលកូវីដ១៩
ពោលគឺចំពេលមានរលកនៃការឆ្លងដែលបណ្តាលមកពីមេរោគបំប្លែងថ្មីឌែលតាចូលលុកលុយខ្លាំង។
អំឡុងគ្រាមេរោគឌែលតា អុកឡុកខ្លាំង
ប្រទេសវៀតណាមក៏បានឲ្យកម្មករក៏ត្រូវស្នាក់នៅក្នុងរោងចក្រ
និងក្រុមហ៊ុនរបស់ពួកគេ ដើម្បីចៀសវាងការបិទទ្វាររោងចក្រ
ឬក្រុមហ៊ុនផងដែរ។ ប៉ុន្តែមានកម្មករតិចតួចប៉ុណ្ណោះដែលអាចធ្វើការនៅក្នុងរោងចក្របាន
ដែលជាហេតុនាំឱ្យមានការបាត់បង់ការងារជាច្រើន។
អត្ថបទគួរអាន
ដោយឡែក បញ្ហាប្រឈមធ្ងន់សម្រាប់ជនចំណាកស្រុកដែលមិនអាចត្រឡប់ទៅផ្ទះវិញបាន ដោយសារការទប់ស្កាត់ជំងឺកូវីដ១៩នោះ បានជាប់គាំងក្នុងស្ថានភាពលំបាកអស់ជាច្រើនខែដោយគ្មានប្រាក់ចំណូល។
តែយ៉ាងណាមិញ ក្រោយអាជ្ញាធរបានអនុញ្ញាតឱ្យជនចំណាកស្រុកត្រឡប់ទៅផ្ទះវិញហើយនោះ កម្មករជាច្រើនហាក់មានការស្ទាក់ស្ទើរក្នុងការត្រឡប់ទៅធ្វើការនៅទីក្រុងវិញ ដោយបារម្ភថា ជីវិតរបស់ពួកគេអាចត្រូវបានធ្លាក់ចុះក្នុងភាពលំបាកម្តងទៀតដោយរលកថ្មីនៃមេរោគឆ្លង។ ក្រៅតែពីខ្វះកម្លាំងពលកម្មហើយ ថ្មីៗនេះ វិវាទការងារនៅវៀតណាមក៏កំពុងតែកើនកម្ដៅផងដែរ ដោយសារការប៉ះទង្គិចគ្នា បានកើតចេញពីភាពយឺតយ៉ាវនៃការដំឡើងប្រាក់ឈ្នួលអប្បបរមា និងប្រាក់រង្វាន់ផ្សេងៗដល់កម្មករ។
សូមជម្រាបថា ការវិនិយោគបរទេសនៅអាស៊ីអាគ្នេយ៍បានកើនឡើងក្នុងប៉ុន្មានឆ្នាំថ្មីៗនេះ ជាពិសេសក្នុងប្រទេសវៀតណាម ដោយសារក្រុមហ៊ុនពិភពលោកផ្លាស់ប្តូរផលិតកម្មចេញពីប្រទេសចិន ដោយសារសង្គ្រាមពាណិជ្ជកម្មរបស់ខ្លួនជាមួយសហរដ្ឋអាមេរិក។ ប៉ុន្តែ ប្រសិនបើបញ្ហាកង្វះកម្លាំងពលកម្មក្លាយជាជំងឺរ៉ាំរ៉ៃ នោះក្រុមហ៊ុនជាច្រើននៅក្នុងតំបន់នេះក៏អាចពិចារណាផ្លាស់ប្តូរផលិតកម្មទៅកន្លែងផ្សេងផងដែរ៕
None
