វិស័យពាណិជ្ជកម្ម

តើសេដ្ឋកិច្ចថៃ អាចរងសម្ពាធយ៉ាងណាពីវិធានការពន្ធគយទ្វេភាគីរបស់លោក ដូណាល់ ត្រាំ?


វិធានការដាក់ពន្ធគយទ្វេភាគីលើប្រទេសនាំទំនិញចូលទៅកាន់ទីផ្សារសហរដ្ឋអាម៉េរិក ដែលផ្តួចផ្តើមឡើងដោយរដ្ឋបាលលោក ដូណាល់ ត្រាំ ដែលគ្រោងប្រកាសនៅថ្ងៃទី២ មេសា ត្រូវបានស្ថាប័នជំនាញនៅក្នុងប្រទេសថៃ ជឿជាក់ថា វានឹងធ្វើឲ្យប៉ះពាល់ដល់ការនាំចេញទំនិញរបស់ថៃ ទៅកាន់សហរដ្ឋអាម៉េរិក។ ការវាយតម្លៃបែបនេះធ្វើឡើងក្រោយស្ថាប័ននេះមើលឃើញថា ថៃជាប្រទេសដែលមានអតិរេកខ្ពស់ជាមួយសហរដ្ឋអាម៉េរិក ពោលគឺកាលពីឆ្នាំ២០២៤ ថៃ មានអតិរេកពាណិជ្ជកម្មជាមួយអាម៉េរិក ជិត៤៦ពាន់លានដុល្លារ កើនឡើងជិត៥ពាន់លានដុល្លារ បើធៀបនឹងឆ្នាំ២០២៣។
វិស័យពាណិជ្ជកម្ម
ដោយ

ការិយាល័យគោលនយោបាយ និងយុទ្ធសាស្ត្រពាណិជ្ជកម្មថៃ បានព្រមានថា ការនាំចេញទំនិញរបស់ប្រទេសថៃ អាចប្រឈមនឹងហានិភ័យ ដោយសារគោលនយោបាយពាណិជ្ជកម្មរបស់រដ្ឋបាលលោក ដូណាល់ ត្រាំ។ អគ្គនាយកនៃលេខាធិការដ្ឋានគោលនយោបាយ និងយុទ្ធសាស្រ្តពាណិជ្ជកម្មថៃ លោក ផនផុង ណៃយ៉ាថាកន (Poonpong Naiyanapakorn) បានវាយតម្លៃថា ការនាំចេញទំនិញរបស់ថៃ ទៅកាន់ទីផ្សារសហរដ្ឋអាម៉េរិក អាចប្រឈមនឹងការដំឡើងពន្ធពីលោក ដូណាល់ ត្រាំ ដោយសារប្រទេសនេះជាប់ចំណាត់ថ្នាក់ទី១១ ក្នុងចំណោមប្រទេសដែលមានអតិរេកពាណិជ្ជកម្មជាមួយសហរដ្ឋអាម៉េរិក។

ជាក់ស្តែងនៅក្នុងឆ្នាំ២០២៤ កន្លងទៅប្រទេសក្បែរខាងកម្ពុជា មួយនេះ សម្រេចបានអតិរេកពាណិជ្ជកម្មជាមួយសហរដ្ឋអាម៉េរិក រហូតដល់ជិត៤៦ពាន់លានដុល្លារ មានការកើនឡើងពីជិត៥ពាន់លានដុល្លារបើធៀបនឹងឆ្នាំ២០២៣។

អ្នកជំនាញរូបនេះជឿជាក់ថា ប្រសិនបើអាម៉េរិក ពិតជាដាក់ពន្ធលើប្រទេសថៃ មែននោះ វានឹងធ្វើឱ្យប៉ះពាល់ដល់ការនាំចេញទំនិញមួយចំនួនរបស់ថៃ រួមមានកុំព្យូទ័រ ទូរសព្ទចល័ត បន្ទះស្រូបពន្លឺព្រះអាទិត្យ សំបកកង់ ម៉ាស៊ីនបំលែងថាមពល សៀគ្វីអេឡិចត្រូនិក និងម៉ាស៊ីនត្រជាក់ជាដើម។ បន្ថែមលើនេះសហរដ្ឋអាម៉េរិក អាចជំរុញឱ្យប្រទេសថៃ នាំចូលផលិតផលដែលមានពន្ធនាំចូលខ្ពស់ ជាពិសេសផលិតផលកសិកម្ម និងអាហារ។ ទន្ទឹមនេះ សហរដ្ឋអាម៉េរិក ក៏អាចនឹងចាត់វិធានការត្រួតពិនិត្យការនាំចូល និងកំណត់ស្តង់ដាសុវត្ថិភាពលើទំនិញនាំចេញរបស់ប្រទេសថៃ ផងដែរ។

ក្រៅពីបញ្ហាពន្ធ លោក ផនផុង មើលឃើញថា ប្រទេសថៃ អាចប្រឈមនឹងការចាត់វិធានការប្រឆាំងការលក់បង្ខូចថ្លៃ និងកាតព្វកិច្ចប្រឆាំងទំនិញរបស់សហរដ្ឋអាម៉េរិក ផងដែរ ដោយសារផលិតផលថៃ មួយចំនួនរួមមានដែក និងផលិតផលកែច្នៃពីដែក បន្ទះស្រូបពន្លឺព្រះអាទិត្យ និងសារធាតុគីមី កំពុងត្រូវបានស៊ើបអង្កេតក្រោមវិធានការទាំងនេះ។ បន្ថែមលើនេះ សហរដ្ឋអាម៉េរិក អាចកំណត់គោលដៅប្រទេសថៃ ជាប្រទេសដែលប្រើសម្រាប់ផ្លាស់ប្តូរការនាំចេញទំនិញរបស់ចិន ទៅកាន់សហរដ្ឋអាម៉េរិក ដែលអាចបណ្តាលឱ្យមានការដាក់ពន្ធបន្ថែមទៀតលើប្រទេសថៃ៕

ដោយៈ សរ សុជាតិ




អត្ថបទបន្ទាប់


ពន្ធគយទ្វេភាគីរបស់លោក ត្រាំ នឹងផ្តោតលើប្រទេស ដែលយកពន្ធលើទំនិញអាម៉េរិក

ប្រធានាធិបតីអាម៉េរិក លោក ដូណាល់ ត្រាំ បានអះអាងកាលពីចុងសប្តាហ៍មុនថា ពន្ធគយទ្វេភាគី ដែលលោកគ្រោងប្រកាសនៅសប្តាហ៍នេះ នឹងផ្តោតលើប្រទេសដែលបាន…

ផែនការទាញយកធនធានរ៉ែកម្រតម្លៃ១,៥ទ្រីលានដុល្លាររបស់អាម៉េរិក មិនទាន់មានបន្លឺនៅឡើយទេ

សហរដ្ឋអាម៉េរិក ដែលមានផ្ទៃក្រឡាជិត១០លានគីឡូម៉ែត្រការ៉េ ជាប្រទេសមួយដែលសម្បូរដោយធនធានរ៉ែជាច្រើន ហើយសូម្បីតែរ៉ែកម្រលីចូម ដែលកំពុងមានតម្រូវ…
More

Related Stories


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ