តើក្រុមហ៊ុន និងក្រុមអ្នកផ្តល់សេវាវាយតម្លៃអចលទ្រព្យ ដែលបន្តលួចវាយតម្លៃបឋមដល់អតិថិជនអាចរងពិន័យយ៉ាងដូចម្តេច?
និយ័តករអាជីវកម្មអចលនវត្ថុ និងបញ្ចាំ បានសម្រេចឈប់ឱ្យក្រុមហ៊ុន និងក្រុមអ្នកផ្តល់សេវាកម្មវាយតម្លៃអចលនវត្ថុ ផ្តល់តម្លៃបឋមដល់អតិថិជនជាគ្រឹះស្ថានធ…
លោកស្រី អាន សុធីតា នាយិកាគ្រប់គ្រងក្រុមហ៊ុន PropNex Cambodia បានវាយតម្លៃថា ចរន្តទិញលក់ខុនដូនៅក្នុងឆ្នាំ២០២៤ កន្លងទៅ នៅតែបន្តកើតមានជាហូរហែ ដោយទទួលបានការគាំទ្រពីវិនិយោគិនបរទស និងពលរដ្ឋក្នុងស្រុក ពិសេសចំពោះគម្រោងខុនដូដែលមានតម្លៃសមរម្យ និងបានសាងសង់រួចរាល់ ពោលគឺគម្រោងខុនដូដែលមានតម្លៃក្រោម២០ម៉ឺនដុល្លារ គឺមានចរន្តទិញលក់គួរឱ្យកត់សម្គាល់ ខណៈគម្រោងខុនដូរដែលមានតម្លៃលើសពី២០ម៉ឺនដុល្លារ ហាក់មិនសូវមានការគាំទ្រពីអតិថិជននោះទេ។
ជាមួយគ្នានេះ លោក ខន គង្គា នាយកប្រតិបត្តិក្រុមហ៊ុន ERA Cambodia សង្កេតឃើញថា ទីផ្សារទិញលក់ខុនដូនៅកម្ពុជា បច្ចុប្បន្នហាក់មានកំណើនវិជ្ជមានឡើងវិញគួរឱ្យកត់សម្គាល់ ដែលជួយគាំទ្រដោយវិនិយោគិនបរទេស ដែលបង្ហាញឱ្យឃើញថា ទីផ្សារខុនដូរនៅកម្ពុជា នៅតែមានដង្ហើមរស់។ តែយ៉ាងណាសម្រាប់ចរន្តទិញលក់ពីវិនិយោគិនក្នុងស្រុក អ្នកជំនាញរូបនេះកត់សម្គាល់ឃើញថា ហាក់ពុំទាន់មានសកម្មភាពកម្រើកឡើងវិញនៅឡើយទេ។
យ៉ាងណាមិញសម្រាប់ស្ថានភាពវិស័យអចលនទ្រព្យកម្ពុជា នៅក្នុងឆ្នាំ២០២៥នេះវិញ ទាំងលោកស្រី អាន សុធីតា និងលោក ខន គង្គា សុទ្ធតែបានវាយតម្លៃថា វិស័យអចលនទ្រព្យនៅកម្ពុជានឹងមិនមានកំណើនខ្លាំងនោះទេ ដ្បិតថា ចន្តរទិញលក់ និងការផ្គត់ផ្គង់នឹងស្រូបយកពីទីផ្សារដែលមានស្រាប់។ មួយវិញទៀត វិស័យនេះមានការរីកចម្រើនបានលឿន ឬយ៉ាងណានោះ គឺអាស្រ័យលើស្ថានភាពសេដ្ឋកិច្ច និងការគាំទ្រពីវិស័យផ្សេងៗទៀត។
គួរជម្រាបថា យោងតាមការស្រាវជ្រាវពីក្រុមហ៊ុនជំនាញក្នុងវិស័យអចលនទ្រព្យ ការផ្គត់ផ្គង់ខុនដូនៅរាជធានីភ្នំពេញ កាលពីឆ្នាំ២០២៣ មានប្រហែល ៣ម៉ឺនយូនីត ឬស្មើនឹងជិត១០០អគារ ហើយចំនួននេះត្រូវបានប៉ាន់ប្រមាណថា នឹងអាចកើនដល់ប្រមាណ៨ម៉ឺនយូនីត នៅឆ្នាំ២០២៥នេះ៕
