តើភាពតានតឹងផ្នែកពាណិជ្ជកម្មរវាងអាម៉េរិក និងចិន អាចថយចុះដែរ ឬទេ?
នៅមួយរយៈចុងក្រោយភាពតានតឹងផ្នែកពាណិជ្ជកម្មរវាងសហរដ្ឋអាម៉េរិក និងចិន ដែលបង្កឡើងដោយការដំឡើងពន្ធដាក់គ្នាទៅវិញទៅមកបានឡើងកម្តៅយ៉ាងខ្លាំង ដែល…
នៅឯកិច្ចប្រជុំប្រចាំឆ្នាំរបស់ខ្លួនជាមួយធនាគារពិភពលោក មូលនិធិរូបិយវត្ថុអន្តរជាតិ បានការព្យាករថា សេដ្ឋកិច្ចអាម៉េរិកនឹងសម្រេចបានកំណើនក្នុងរង្វង់១,៨% នៅឆ្នាំ២០២៥ នេះ ដែលទាបជាងការព្យាកររបស់ខ្លួនកាលពីខែមករា ០,៩% ដោយសារតែសង្គ្រាមពន្ធគយដ៏ក្តៅគគុក ។
ទន្ទឹមនេះ IMF ក៏បានបន្ទាបការព្យាករកំណើនសេដ្ឋកិច្ចចិន មកនៅត្រឹមរង្វង់៤% ផងដែរ ដោយទាបជាងមុន០,៦% បើធៀបនឹងគោលដៅកំណើនផ្លូវការប្រមាណ៥% របស់ប្រទេសនេះ។ សម្រាប់តំបន់ចាយប្រាក់អឺរ៉ូឯណោះវិញ មូលនិធិរូបិយវត្ថុអន្តរជាតិ ក៏បានបន្ទាបការព្យាកររបស់ខ្លួន០,២% មកនៅត្រឹម០,៨% ផងដែរ។
សរុបជារួមមូលនិធិរូបិយវត្ថុអន្តរជាតិ បានបន្ទាបការព្យាករកំណើនសេដ្ឋកិច្ចពិភពលោកសម្រាប់ឆ្នាំ២០២៥ មកនៅត្រឹមរង្វង់២,៨% ដោយធ្លាក់ចុះ០,៥% ហើយសម្រាប់ឆ្នាំ២០២៦ មូលនិធិ IMF ក៏បានបន្ទាបការព្យាករកំណើនសេដ្ឋកិច្ចពិភពលោក០,៣% មកនៅត្រឹម៣% ផងដែរ។
មូលនិធិរូបិយវត្ថុអន្តរជាតិ បានអះអាងថា ការដាក់ពន្ធគយរបស់សហរដ្ឋអាម៉េរិក ពេលនេះ គឺខ្ពស់ជាងអំឡុងពេលវិបត្តិសេដ្ឋកិច្ចដ៏អាក្រក់បំផុតក្នុងប្រវត្តិសាស្ត្រក្នុងទសវត្សរ៍ឆ្នាំ១៩៣០ ទៅទៀត ខណៈដែលពន្ធសងសឹកដាក់ដោយបណ្ដាប្រទេសជាដៃគូពាណិជ្ជកម្មធំៗបានជំរុញឱ្យអត្រាពន្ធហក់ឡើងខ្ពស់ខ្លាំងពេញពិភពលោក៕
ដោយ: តែម សុខុម
