#វិស័យ សេដ្ឋកិច្ច

វិស័យកសិកម្ម ដែលជាឆ្អឹងខ្នងនៃសេដ្ឋកិច្ចថៃ កំពុងធ្លាក់ចូលក្នុងវិបត្តិបំណុលយ៉ាងធ្ងន់ធ្ងរ។ លទ្ធផលសិក្សាចុងក្រោយមួយបានទម្លាយឱ្យដឹងថាកសិករថៃ ជាងពាក់កណ្តាលទូទាំងប្រទេសកំពុងជាប់បំណុលវ័ណ្ឌកដែលមិនអាចដោះរួចឡើយ បើទោះបីជាខិតខំសងមួយជីវិតក៏ដោយ។ កត្តាវ័យជរា និងចំណូលតាមរដូវកាលបានក្លាយជាឧបសគ្គចម្បង ដែលធ្វើឱ្យពួកគេអាចបង់បានត្រឹមតែការប្រាក់ ប៉ុន្តែមិនអាចរំលស់ប្រាក់ដើមបាន។នេះបើយោងតាមការចុះផ្សាយរបស់កាសែត Bangkok Post នៅថ្ងៃទី៦ខែឧសភា។