ឥណ្ឌា ក្លាយជាមហាអំណាចសេដ្ឋកិច្ចធំបំផុតទី៤ របស់ពិភពលោក ហើយប្រទេសណាខ្លះជាប់ក្នុងចំណោមមហាអំណាចសេដ្ឋកិច្ចធំបំផុតទាំង១០ នៅឆ្នាំនេះ?

បានបន្តរីកចម្រើនទៅមុខជាលំដាប់ ហើយពេលនេះ មហាអំណាចសេដ្ឋកិច្ចកំពូលទាំង១០ នេះ ផលិតបាននូវទិន្នផលសេដ្ឋកិច្ចភាគច្រើនរបស់ពិភពលោកជាមួយនឹងផលិតផលក្នុងស្រុកសរុប (GDP) ដែលមានទំហំរាប់ទ្រីលានដុល្លារអាម៉េរិកឯណោះ។ នេះបើយោងតាមការចុះផ្សាយរបស់សារព័ត៌មាន Times of India។

យោងតាមរបាយការណ៍ចុងក្រោយរបស់មូលនិធិរូបិយវត្ថុអន្តរជាតិ បានបង្ហាញថា មហាអំណាចសេដ្ឋកិច្ចកំពូលទាំង១០ របស់ពិភពលោក រួមមានសហរដ្ឋអាម៉េរិក នៅតែជាមហាអំណាចសេដ្ឋកិច្ចធំបំផុតទី១ ជាមួយនឹងទំហំផលិតផលក្នុងស្រុកសរុបជាង៣០,៥ទ្រីលានដុល្លារ, ​ចិន ដែលមានប្រជាជនសរុបជាង១,៤ពាន់លាននាក់ ជាប់ចំណាត់ថ្នាក់លេខ២ ជាមួយទំហំ GDP ជាង១៩,២ទ្រីលានដុល្លារ, លេខ៣ បានទៅលើអាល្លឺម៉ង់ ដែលជាបងធំអឺរ៉ុប ជាមួយទំហំ GDP ជាង៤,៧ទ្រីលានដុល្លារ, ចំណែកលេខ៤ បានទៅលើឥណ្ឌា ដែលមានប្រជាជនសរុបជាងគេបំផុតជាង១,៤ពាន់លាននាក់ ជាមួយនឹងទំហំ GDP ជិត៤,២ទ្រីលានដុល្លារ។

ចំណែកលេខ៥ បានទៅលើជប៉ុន ជាមួយនឹងទំហំ GDP ជិត៤,២ទ្រីលានដុល្លារ, លេខ៦ បានទៅលើអង់គ្លេសជាមួយនឹងទំហំ GDP ជាង៣,៨ទ្រីលានដុល្លារ, លេខ៧ បានទៅលើបារាំង ជាមួយនឹងទំហំ GDP ជាង៣,២ទ្រីលានដុល្លារ, លេខ៨ បានទៅលើអ៊ីតាលី ជាមួយនឹងទំហំ GDP ជាង២,៤ទ្រីលានដុល្លារ, លេខ៩ បានទៅលើកាណាដា ជាមួយនឹងទំហំ GDP ជាង២,២ទ្រីលានដុល្លារ និងលេខ១០ បានទៅលើប្រេស៊ីល ជាមួយនឹងទំហំ GDP ជាង២,១ទ្រីលានដុល្លារ៕

ដោយ: តែម សុខុម