ក្រុមហ៊ុននាំចេញស្វាយកំពុងបានផ្លាស់ប្ដូរទិសដៅទីផ្សារចេញពីថៃ ងាកទៅរកប្រទេសផ្សេង ចំពេលបញ្ហាជម្លោះព្រំដែននៅជាប់គាំង
ខណៈរដូវប្រមូលផលស្វាយ កែវរមៀតខុសរដូវ កំពុងចាប់ផ្ដើមជាបណ្ដើរ ក្រុមហ៊ុនបញ្ជាទិញស្វាយមួយចំនួន កំពុងត្រៀមបង្វែរទិសដៅទីផ្សារនាំចេញរបស់ពួកគេ …
ការលើកឡើងរបស់លោក ម៉ូឌី នេះ បានធ្វើនៅក្នុងសុន្ទរកថាទៅកាន់ជនរួមជាតិក្នុងឱកាសនៃទិវាបុណ្យឯករាជ្យជាតិរបស់ខ្លួននៅថ្ងៃទី ១៥ ខែកក្កដានេះ ចំពេលទីក្រុងញូវដែលី កំពុងតស៊ូនឹងពន្ធគយរបស់ប្រធានាធិបតីអាម៉េរិក លោក ដូណាល់ ត្រាំ ដែលបានដាក់លើទំនិញឥណ្ឌា និងបរាជ័យក្នុងការចរចាពាណិជ្ជកម្មទ្វេភាគី ដែលភាគច្រើន ដោយសារតែការខ្វែងគំនិតគ្នាចំពោះការនាំចូលផលិតផលកសិកម្ម និងផលិតផលទឹកដោះគោរបស់អាម៉េរិក។
លោក ម៉ូឌី បាននិយាយក្នុងសុន្ទរកថា ប្រចាំឆ្នាំរបស់លោកពីកំពែងក្រហមក្នុងទីក្រុងញូវដែលីថា កសិករ អ្នកនេសាទ និងអ្នកចិញ្ចឹមគោ គឺជាអាទិភាពចម្បងរបស់ឥណ្ឌា ដូច្នេះហើយរូបលោក នឹងឈរធ្វើជាជញ្ជាំងប្រឆាំង នឹងគោលនយោបាយណាមួយដែលគំរាមកំហែងដល់ផលប្រយោជន៍របស់ពួកគេ។ លោកសង្កត់ធ្ងន់ថា ឥណ្ឌានឹងមិនធ្វើសម្បទាននូវអ្វីមួយ ដែលប៉ះពាល់ដល់ផលប្រយោជន៍របស់កសិកររបស់ឥណ្ឌាឡើយ។
សូមរំលឹកថា កាលពីសប្តាហ៍មុនលោក ត្រាំ បានដាក់ពន្ធបន្ថែម ២៥% លើទំនិញឥណ្ឌា ដោយសារឥណ្ឌា នៅតែបន្តនាំចូលប្រេងពីរុស្ស៊ី ដែលបានបង្កើនភាពតានតឹងរវាងប្រទេសទាំងពីរ ខណៈពន្ធនាំចូលថ្មីនេះ នឹងដំឡើងពន្ធលើការនាំចេញរបស់ឥណ្ឌាមួយចំនួនឡើង ដល់កម្រិតខ្ពស់រហូតដល់៥០% ឯណោះ។
ពន្ធគយនេះ បានគំរាមកំហែងដល់ការចូលទៅកាន់ទីផ្សារនាំចេញដ៏ធំបំផុតរបស់ឥណ្ឌា ដែលការនាំចេញសរុបមានចំនួនជិត៨៧ពាន់លានដុល្លារក្នុងឆ្នាំ២០២៤ ដោយប៉ះពាល់ដល់វិស័យមួយចំនួនដូចជាវាយនភណ្ឌ ស្បែកជើង ត្បូង និងគ្រឿងអលង្ការជាដើម។
ដោយ៖ សុខ មង្គល
