កំពូលមេដឹកនាំពិភពលោកធំៗរួមទាំងរុស្ស៊ី និងកូរ៉េខាងជើងនឹងចូលរួមពិធីព្យុះហយាត្រាយោធានៅប្រទេសចិន
ក្រសួងការបរទេសចិន បានទម្លាយឱ្យដឹងថា នៅខែកញ្ញា ដ៏ខ្លីខាងមុខនេះ កំពូលមេដឹកនាំពិភពលោកធំៗរួមទាំងប្រធានាធិបតីរុស្ស៊ី លោក វ៉្លាឌីមៀ ពូទីន …
ការបណ្ដុះបណ្ដាលដែលរៀបចំឡើងនៅក្នុងខេត្តព្រះសីហនុនេះ មានការអញ្ជើញចូលរួម ជាអធិបតី ដោយឯកឧត្ដមបណ្ឌិត ឈន សុភាព រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ តំណាងដ៏ខ្ពង់ខ្ពស់របស់ឯកឧត្ដមអគ្គបណ្ឌិតសភាចារ្យ អូន ព័ន្ធមុន្នីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ អមដោយឯកឧត្តមបណ្ឌិត យ៉េត វីណែល អនុរដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និងជាអគ្គលេខាធិការរង នៃអគ្គលេខាធិការដ្ឋានគណៈកម្មាធិការដឹកនាំការងារកែទម្រង់ការគ្រប់គ្រងហិរញ្ញវត្ថុសាធារណៈ (អ.គ.ហ.) និង ឯកឧត្តម នួន សំបូរ អគ្គនាយកនៃអគ្គនាយកដ្ឋានទ្រព្យសម្បត្តិរដ្ឋ និងចំណូលមិនមែនសារពើពន្ធ។
គោលបំណងចម្បងនៃសិក្ខាសាលានេះ រួមមាន៖
(១) ផ្ដល់ការបណ្ដុះបណ្ដាលបច្ចេកទេសបន្ថែមអំពីការប្រើប្រាស់ប្រព័ន្ធបច្ចេកវិទ្យាព័ត៌មានគ្រប់គ្រងបញ្ជីសារពើភណ្ឌទ្រព្យសម្បត្តិរដ្ឋ ជំនាន់ថ្មី បន្ទាប់ពីប្រព័ន្ធនេះត្រូវបានប្រកាស់ដាក់ឱ្យប្រើប្រាស់ជាផ្លូវការកាលពីថ្ងៃទី១៨ ខែធ្នូ ឆ្នាំ២០២៤ ក្រោមអធិបតីភាពដ៏ខ្ពង់ខ្ពស់របស់ ឯកឧត្តមអគ្គបណ្ឌិតសភាចារ្យឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ។
(២) បណ្តុះបណ្តាលគ្រូបង្គោលនៃមន្ទីរសេដ្ឋកិច្ចនិងហិរញ្ញវត្ថុរាជធានី-ខេត្ត ដើម្បីត្រៀមផ្ដល់ការបណ្តុះបណ្តាលបន្ត នៅពេលប្រព័ន្ធនេះត្រូវបានពង្រីកការប្រើប្រាស់ដល់រដ្ឋបាលក្រុង ស្រុក ឃុំ សង្កាត់នាពេលខាងមុខ។
(៣) ពិនិត្យ និងពិភាក្សាអំពីវឌ្ឍនភាព និងបញ្ហាប្រឈមនៃការរៀបចំបញ្ជីសារពើភណ្ឌទ្រព្យសម្បត្តិរដ្ឋ និងការគ្រប់គ្រងទ្រព្យសម្បត្តិរដ្ឋជារួម ដើម្បីកំណត់ជាវិធានការសម្រាប់ដោះស្រាយបន្ត។
សូមគូសបញ្ជាក់ថា រាជរដ្ឋាភិបាលបាននិងកំពុងពង្រឹងជាបន្តបន្ទាប់លើការគ្រប់គ្រងទ្រព្យសម្បត្តិរដ្ឋ ដើម្បីធានាឱ្យការគ្រប់គ្រង និងការប្រើប្រាស់ទ្រព្យទាំងឡាយរបស់រដ្ឋ ប្រកបដោយប្រសិទ្ធភាព ស័ក្ដិសិទ្ធភាព តម្លាភាព និងគណនេយ្យភាព។ តាមរយៈកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ការកែទម្រង់ការគ្រប់គ្រងទ្រព្យសម្បត្តិរដ្ឋកំពុងមានវឌ្ឍនភាពគួរកត់សម្គាល់។ ក្នុងក្របខ័ណ្ឌនៃផែនការសកម្មភាពរួម ដំណាក់កាលទី៤, ការពង្រឹងការគ្រប់គ្រងទ្រព្យសម្បត្តិរដ្ឋ ត្រូវបានកំណត់ និងផ្ដោតលើវិធានការគន្លឹះៗ រួមមានជាអាទិ៍៖
(ទី១) ការកសាងក្របខ័ណ្ឌគតិយុត្តពាក់ព័ន្ធ ក្នុងការអនុវត្តច្បាប់ស្ដីពីការគ្រប់គ្រង ការប្រើប្រាស់ និងការចាត់ចែងលើទ្រព្យសម្បត្តិរដ្ឋ ដែលត្រូវបានប្រកាសដាក់ឱ្យអនុវត្តក្នុងឆ្នាំ២០២០ ក្នុងនោះ ក៏រួមមានការរៀបចំនិងការដាក់ឱ្យអនុវត្តឯកសារគោលស្ដីពីការកែទម្រង់ការគ្រប់គ្រងទ្រព្យសម្បត្តិរដ្ឋ ដែលឯកសារនេះ នឹងត្រូវដាក់ឱ្យអនុវត្តនាពេលខាងមុខ។
(ទី២) ការពង្រឹងការគ្រប់គ្រងទ្រព្យសម្បត្តិរដ្ឋជាអចលនវត្ថុ តាមរយៈការជំរុញការធ្វើប័ណ្ណកម្មសិទ្ធិដីរដ្ឋ ដែលបានចុះក្នុងបញ្ជីសារពើភណ្ឌទ្រព្យសម្បត្តិរដ្ឋ ឱ្យបានរួចរាល់ចប់សព្វគ្រប់ឱ្យបានឆាប់។ ជារួម ទាំងចំនួនទីតាំងដីរដ្ឋដែលបានកត់ត្រាក្នុងបញ្ជីសារពើភណ្ឌទ្រព្យសម្បត្តិរដ្ឋ ទាំងដីដែលមានប័ណ្ណកម្មសិទ្ធិ មានការកើនឡើងគួរកត់សម្គាល់។ ចំពោះទីតាំងផ្សេងទៀតដែលពុំទាន់មានប័ណ្ណកម្មសិទ្ធិ, អាជ្ញាធរកាន់កាប់ ក៏បាននិងកំពុងដាក់ពាក្យស្នើសុំធ្វើប័ណ្ណកម្មសិទ្ធិជាបន្តបន្ទាប់។
(ទី៣) ការពង្រឹងការរៀបចំបញ្ជីសារពើភណ្ឌទ្រព្យសម្បត្តិរដ្ឋ, តារាងកើនឡើង និងថយចុះប្រចាំឆ្នាំ ឱ្យបានគ្រប់ចំនួន ទាន់ពេលវេលា និងគ្រប់ជ្រុងជ្រោយ តាមរយៈការធ្វើទំនើបកម្មប្រព័ន្ធគ្រប់គ្រង និងការកសាងសមត្ថភាព ដែលក្នុងនោះ ប្រព័ន្ធបច្ចេកវិទ្យាព័ត៌មានគ្រប់គ្រងបញ្ជីសារពើភណ្ឌទ្រព្យសម្បត្តិរដ្ឋ ត្រូវបានអភិវឌ្ឍ និងកែលម្អជាបន្តបន្ទាប់ ព្រមទាំងបានដាក់ឱ្យអនុវត្តនៅគ្រប់អង្គភាពប្រើប្រាស់ និងអាជ្ញាធរគ្រប់គ្រង ទាំងថ្នាក់ជាតិ និងថ្នាក់ក្រោមជាតិ។ ទន្ទឹមនេះ ក្រោមការគាំទ្រពីកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ការបណ្ដុះបណ្ដាលកសាងសមត្ថភាពប្រើប្រាស់ប្រព័ន្ធនេះ ក៏ត្រូវបានរៀបចំជាបន្តបន្ទាប់ និងជាប្រចាំជូនដល់អង្គភាពដែលមានការពាក់ព័ន្ធ។
ការពង្រឹងការគ្រប់គ្រងបញ្ជីសារពើភណ្ឌទ្រព្យសម្បត្តិរដ្ឋ គឺជាអាទិភាពមួយនៃការកែទម្រង់ការគ្រប់គ្រងទ្រព្យសម្បត្តិរដ្ឋ ដើម្បីឆ្ពោះទៅបង្កើនគណនេយ្យភាពសមិទ្ធកម្ម ដែលជាគោលដៅចម្បងនៃកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ។ ក្នុងកម្មវិធីបិទសិក្ខាសាលា, ឯកឧត្តមបណ្ឌិត យ៉េត វីណែល តំណាងដ៏ខ្ពង់ខ្ពស់ ឯកឧត្ដមអគ្គបណ្ឌិតសភាចារ្យ ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ បានលើកឡើងអំពីសមិទ្ធផលនៃកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈកន្លងមករបស់រាជរដ្ឋាភិបាល ពិសេស វឌ្ឍនភាពគន្លឹះនៃការកែទម្រង់ការគ្រប់គ្រងទ្រព្យសម្បត្តិរដ្ឋ ដោយក្នុងនោះ បានរំលឹកដល់ថ្នាក់ដឹកនាំ និងមន្រ្តីទទួលបន្ទុកនៃអាជ្ញាធរកាន់កាប់ និងអង្គភាពប្រើប្រាស់ទ្រព្យសម្បត្តិរដ្ឋទាំងអស់ ត្រូវរួមចំណែកធ្វើការកែទម្រង់បន្ថែមទៀត ដើម្បីពង្រឹងការគ្រប់គ្រងទ្រព្យសម្បត្តិរដ្ឋ ដោយចូលរួមអនុវត្តរាល់ច្បាប់ លិខិតបទដ្ឋានគតិយុត្ត គោលនយោបាយ យុទ្ធសាស្រ្ត ផែនការសកម្មភាពនានា ប្រកបដោយស្មារតីម្ចាស់ការទទួលខុសត្រូវខ្ពស់។
