សេចក្ដីថ្លែងការណ៍របស់រដ្ឋសភា ដែលបានចេញផ្សាយបន្ទាប់ពីសម័យប្រជុំលើកទី៥ នីតិកាលទី០៦ បានឲ្យដឹងថា សមាជិកសភាចំនួន ១១៤ រូប បានចូលរួមក្នុងសម័យប្រជុំសភានេះ និងបានអនុម័តជាឯកច្ឆន្ទលើច្បាប់គ្រប់គ្រងល្បែងពាណិជ្ជកម្មនេះ។
ឯកឧត្តម អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានបញ្ជាក់ថា ច្បាប់នេះ បានកំណត់ដើមទុនអប្បបរមាសម្រាប់ការវិនិយោគនៅក្នុងកាស៊ីណូ និងផ្ដល់នូវវិធានការដើម្បីប្រយុទ្ធប្រឆាំងនឹងការលាងលុយកង្វក់ និងហិរញ្ញប្បទានភេរវកម្ម។
អត្ថបទទាក់ទង
សម្រាប់ប្រទេសកម្ពុជា កាស៊ីណូ គឺត្រូវបានផ្ដល់អាជ្ញាបណ្ណ ដើម្បីប្រតិបត្តិការ ក្នុងន័យជួយទាក់ទាញភ្ញៀវទេសចរបរទេស ហើយកាស៊ីណូ មិនត្រូវបានអនុញ្ញាតឲ្យប្រជាជនកម្ពុជា ចូលលេងល្បែងស៊ីសងនោះឡើយ។
បើតាមការអះអាងរបស់មន្ត្រីជាន់ខ្ពស់របស់ក្រសួងសេដ្ឋកិច្ច និងហិរញ្ញវត្ថុ បានឲ្យដឹងថា គិតមកទល់ពេលនេះ រាជរដ្ឋាភិបាលកម្ពុជាបានផ្ដល់អាជ្ញាបណ្ណអាជីវកម្មកាស៊ីណូសរុបចំនួន ១៩៣ អាជ្ញាបណ្ណហើយ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
