ធនាគារពិភពលោកអះអាងថា ប្រទេសក្រីក្រកំពុងដោះស្រាយបំណុល៧៤១ពាន់លានដុល្លារទាំងត្រដាបត្រដួស
ធនាគារពិភពលោកបានអះអាងថា នៅពេលនេះប្រទេសក្រីក្រកំពុងស្ថិតក្នុងស្ថានភាពហានិភ័យខ្ពស់ខាងផ្នែកសេដ្ឋកិច្ច ដោយសារពួកគេត្រូវរ៉ាប់រងដោះស្រាយបន្ទុកប…
មនុស្សជិត១ពាន់នាក់ បានស្លាប់នៅប្រទេសឥណ្ឌូនេស៊ី ថៃ វៀតណាម និងម៉ាឡេស៊ី នៅប៉ុន្មានសប្តាហ៍ចុងក្រោយនេះ ក្រោយព្យុះកំណាចបានបង្កឱ្យមានទឹកជំនន់ និងការបាក់ដី។ ក្រុមអ្នកវិភាគនៅទីក្រុងហ្សាការតា ប្រទេសឥណ្ឌូនេស៊ី បានប៉ាន់ប្រមាណថា ផលប៉ះពាល់ដល់សេដ្ឋកិច្ចឥណ្ឌូនេស៊ី ពីការបំផ្លិចបំផ្លាញទាក់ទងនឹងអាកាសធាតុនេះនឹងមានទំហំជាង៤ពាន់លានដុល្លារ។
សមាគមធានារ៉ាប់រងបន្តរបស់ប្រទេសសិង្ហបុរី (SRA) ដែលគាំទ្រក្រុមហ៊ុនធានារ៉ាប់រងក្នុងការគ្រប់គ្រងហានិភ័យបាននិយាយថា តួអង្គឧស្សាហកម្មធានារ៉ាប់រង រដ្ឋាភិបាល និងសមាគមអាជីវកម្មត្រូវកសាងគម្រូធានារ៉ាប់រងថ្មី ដែលមានតម្លៃសមរម្យ ដើម្បីបង្រួមគម្លាតការពារ និងពង្រឹងភាពធន់នៅក្នុងតំបន់។
ក្រុមប្រឹក្សាធានារ៉ាប់រងអាស៊ាន ដែលជាវេទិកាតំបន់សម្រាប់ថ្នាក់ដឹកនាំក្នុងវិស័យនេះ ឥឡូវបានទទួលស្គាល់ថា បញ្ហាដែលបណ្ដាលមកពីអាកាសធាតុលែងជាព្រឹត្តិការណ៍ធម្មតាទៀតហើយ ប៉ុន្តែវាជាកត្តាជំរុញហានិភ័យរចនាសម្ព័ន្ធ។
លោក ប៊ូឌី ហេរ៉ាវ៉ាន (Budi Herawan) ប្រធានសមាគម AAUI បានប្រាប់នីកេអាស៊ីថា ពេលនេះសមាគមជាសមាជិកទាំងអស់កំពុងពិនិត្យមើលឡើងវិញនូវការផ្តល់ការធានារ៉ាប់រងចំពោះគ្រោះថ្នាក់ទាក់ទងនឹងគ្រោះមហន្តរាយ។ លោកបានបន្តថា ការធ្វើបែបនេះ គឺដើម្បីធានាបានថា គោលនយោបាយនាពេលខាងមុខបានឆ្លុះបញ្ចាំងពីការចែករំលែកហានិភ័យកាន់ល្អប្រសើរ តម្រូវការត្រៀមបង្ការគ្រោះមហន្តរាយកាន់តែរឹងមាំសម្រាប់អ្នកធានារ៉ាប់រង៕
ដោយ៖ សុខ មង្គល
