តើពលករខ្មែរធ្វើការនៅថៃ បានរួមចំណែកជួយជំរុញកំណើនសេដ្ឋកិច្ចកម្ពុជា យ៉ាងណាដែរ?
ក្រុមអ្នកជំនាញបានចាត់ទុកការធ្វើការងារនៅប្រទេសថៃ របស់ពលករកម្ពុជា បានក្លាយជាប្រភពទុនមួយដ៏សំខាន់សម្រាប់ទ្រទ្រង់ជីវភាព និងសេដ្ឋកិច្ច តាមរយៈក…
លោក ស៊ា ឆៃលីន អនុប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា យល់ឃើញថា ការកើនឡើងទំហំនាំចូលដែក និងដែកថែបរបស់កម្ពុជា នៅក្នុងរយៈពេល៥ខែឆ្នាំ២០២៥ ជាសញ្ញាវិជ្ជមានមួយសម្រាប់វិស័យសំណង់កម្ពុជា ហើយកត្តានេះបានឆ្លើយតបពីគម្រោងសាងសង់ដែលបានអនុម័តពីស្ថាប័នពាក់ព័ន្ធក្នុងឆ្នាំ២០២៤ កន្លងមក ចាប់ផ្ដើមមានដំណើរការសាងសង់ហើយ។ បើតាមអ្នកជំនាញរូបនេះ ការកើនឡើងការនាំចូលដែក និងដែកថែបនេះ ពិបាកក្នុងការបែងចែកថា ចូលទៅសាងសង់ផ្នែកណាខ្លះ តែយ៉ាងណាបរិមាណទំហំដែកកើនឡើងនេះ វាជាការរីកចម្រើនផ្នែកសំណង់ និងអចនលទ្រព្យនៅកម្ពុជា។
ជាមួយគ្នានេះ លោក ឃូ សុខឡៃ អ្នកគ្រប់គ្រងទូទៅរបស់សាជីវកម្ម ពិស្ណុការ បានចាត់ទុកកំណើននាំចូលដែក និងដែកថែបយ៉ាងគំហុកនៅ៥ខែឆ្នាំនេះ គឺបានបង្ហាញពីតម្រូវការសាងសង់កើនឡើងក្នុងវិស័យសំណង់នៅកម្ពុជា។ បើតាមអ្នកគ្រប់គ្រងទូទៅរូបនេះ ការកើនឡើងការនាំចូលដែក និងដែកថែប បានឆ្លុះបញ្ចាំងពីសកម្មភាពសំណង់នៅក្នុងទីផ្សារកម្ពុជា នៅតែមានដំណើរការល្អប្រសើរ បើធៀបនឹងឆ្នាំមុន។
បើយោងតាមទិន្នន័យពីអគ្គនាយកដ្ឋានគយ និងរដ្ឋាករកម្ពុជា នៅក្នុងរយៈពេល៥ខែ ឆ្នាំ២០២៥ កម្ពុជា បាននាំចូលដែក និងដែកថែប មានទំហំទឹកប្រាក់ជិត៤០០លានដុល្លារកើនឡើងជិត៦០% បើធៀបនឹងរយៈពេលដូចគ្នាកាលពីឆ្នាំ២០២៤។
គួរបញ្ជាក់ថា នៅពេញមួយឆ្នាំ២០២៤ កន្លងទៅ ការនាំចូលដែក និងដែកថែប ដើម្បីបម្រើដល់ការសាងសង់ក្នុងទំហំទឹកប្រាក់៦៣១លានដុល្លារ មានការកើនឡើងជិត៧០% បើធៀបនឹងរយៈពេលដូចគ្នាកាលពីឆ្នាំ២០២៣៕
អត្ថបទ៖ ជា ម៉ារ៉ា
