កិច្ចព្រមព្រៀង RCEP ត្រូវបានចុះហត្ថលេខាកាលពីខែវិច្ឆិកាឆ្នាំ២០២០ ដោយប្រទេសចំនួន ៥ នៅតំបន់អាស៊ីប៉ាស៊ីហ្វិករួមមានជប៉ុន ចិន កូរ៉េខាងត្បូង អូស្ត្រាលី និងញូហ្សេលែន បូករួមនឹងប្រទេសក្នុងសមាគមអាស៊ាន ១០ ប្រទេសផ្សេងទៀត។
កិច្ចព្រមព្រៀងពាណិជ្ជកម្មសេរីគ្រប់ជ្រុងជ្រោយតំបន់ នឹងបង្កើតតំបន់ពាណិជ្ជកម្មសេរីគ្របដណ្តប់ប្រហែល ៣០ ភាគរយនៃផលិតផលក្នុងស្រុកសរុបនៃពាណិជ្ជកម្មសរុបរបស់ពិភពលោក។
បើតាមភាគីជប៉ុន កិច្ចព្រមព្រៀងនេះ នឹងក្លាយជាកិច្ចព្រមព្រៀងពាណិជ្ជកម្មលើកដំបូងរបស់ជប៉ុនដែលបានចូលរួមជាមួយប្រទេសចិន ដែលជាដៃគូពាណិជ្ជកម្មទ្វេភាគីធំជាងគេរបស់ខ្លួន ហើយក៏នឹងចូលរួមជាមួយកូរ៉េខាងត្បូងដែលជាដៃគូពាណិជ្ជកម្មទ្វេភាគីធំជាងគេលំដាប់ទីបី។
អត្ថបទទាក់ទង!
មែនទែនទៅ ជប៉ុននឹងទទួលផលចំណេញច្រើនពីកិច្ចព្រមព្រៀងនេះ ព្រោះប្រទេសសមាជិកដូចជាចិន និងកូរ៉េខាងត្បូង សុទ្ធតែជាប្រទេសដៃគូពាណិជ្ជកម្មទ្វេភាគីធំៗរបស់ខ្លួន ដូចនេះកិច្ចព្រមព្រៀងនឹងជួយលើកលែងរនាំងពន្ធគយលើទំនិញជាង ៩១% ព្រមទាំងជួយធានាបានពីវិធានការទូទៅស្តីពីការវិនិយោគ និងកម្មសិទ្ធិបញ្ញាដើម្បីជំរុញភាពជាដៃគូពាណិជ្ជកម្មសេរីថែមទៀត។
រដ្ឋាភិបាលជប៉ុនរំពឹងថា កិច្ចព្រមព្រៀងពាណិជ្ជកម្មនេះ នឹងជួយជំរុញផលិតផលក្នុងស្រុកសរុបរបស់ជប៉ុន ២,៧% និងអាចបង្កើតការងារបានចំនួន ៥៧ម៉ឺនកន្លែង។
សូមបញ្ជាក់ថា កិច្ចព្រមព្រៀងពាណិជ្ជកម្មសេរីគ្រប់ជ្រុងជ្រោយតំបន់ចូលជាធរមាននៅ ៦០ថ្ងៃបន្ទាប់ពីវាត្រូវបានផ្តល់សច្ចាប័នដោយសមាជិកអាស៊ានចំនួន ៦ និងប្រទេសចំនួន ៣ ផ្សេងទៀត។ គិតត្រឹមថ្ងៃពុធសទី២៨សប្តាហ៍ សិង្ហបុរីក្លាយជាប្រទេសទី១ ដែលបានផ្តល់សច្ចាប័នរួចរាល់ ខណៈចិនដែលជាប្រទេសផ្តួចផ្តើមកិច្ចព្រមព្រៀងនេះឡើង បានបញ្ចប់នីតិវិធីសម្រាប់ការផ្តល់សច្ចាប័នរួចហើយ។
ដោយឡែក សម្រាប់កម្ពុជាវិញ ក៏កំពុងត្រួតពិនិត្យ និងរៀបចំនីឯកសារ នៃកិច្ចកិច្ចព្រមព្រៀង RCEP នេះ ដើម្បីឲ្យរដ្ឋសភាអនុម័តក្នុងនៅក្នុងឆ្នាំនេះផងដែរ៕
None
