ថៃត្រៀមដំឡើងពន្ធនាំចូល២០% លើថាមពលអគ្គិសនី នឹងជះឥទ្ធិពលអ្វីខ្លះដល់អាជីវកម្ម?
នៅទីបំផុតគណៈកម្មការនិយ័តកម្មថាមពលនៃប្រទេសថៃ បានប្រកាសថា នឹងដំឡើងពន្ធនាំចូល ២០% លើថាមពលអគ្គិសនីសម្រាប់ការប្រើប្រាស់ក្នុងក្រុមហ៊ុនអាជីវកម្…
«សហរដ្ឋអាមេរិកនៅទីនេះចាំគាំទ្រអាហ្វ្រិកលើបញ្ហាគ្រប់យ៉ាង» នេះជាការលើកឡើងរបស់ប្រធានាធិបតីអាមេរិក លោក ចូ បៃឌិន ប៉ុន្ដែលោកមិនបានបញ្ជាក់ច្បាស់អំពីបញ្ហាអ្វីខ្លះនោះទេ។ លោកបៃឌិន អះអាងយ៉ាងដូច្នេះនៅចំពោះមុខដឹកនាំប្រទេសមកពីតំបន់អាហ្វ្រិកទាំង ៤៩ បូករួមទាំងថ្នាក់ដឹកនាំនៃសហភាពអាហ្វ្រិកផងដែរ។ លោកបៃឌិន បន្ថែមថា៖ អាហ្វ្រិកមានចំណែកនៅគ្រប់រឿងរ៉ាវទាំងអស់របស់ពិភពលោក។ បញ្ហាដែលគេកំពុងពិភាក្សាដោះស្រាយបច្ចុប្បន្នក៏អាហ្រ្វិកអាចរួមចំណែកបានដែរ។
ការលើកឡើងបែបនេះ គឺសហរដ្ឋអាមេរិកមិនលាក់បាំងឆន្ទៈចង់ពង្រឹងភាពជាដៃគូជាមួយអាហ្វ្រិកឡើយ បើទោះបីជា ក្រុមប្រទេសនៅអាហ្វ្រិកចោទអាមេរិកថាបោះបង់ពួកគេចោល មិនខ្វាយខ្វល់ក៏ដោយ។
ជាមួយនឹងជំហរចង់បង្កើនភាពជាដៃគូរវាងភាគីទាំងពីរឡើងវិញ រដ្ឋបាលលោក ចូ បៃឌិន បាន ប្រកាសផ្តល់កញ្ចប់ថវិកា៥៥ពាន់លានដុល្លារសម្រាប់គម្រោងនានា នៅប៉ុន្មានឆ្នាំខាងមុខ រួមមានក្នុងវិស័យ ឌីជីថល ហេដ្ឋារចនាសម្ព័ន្ធ សុខាភិបាល និងថាមពល។ ដោយឡែក វិស័យឯកជននៅអាមេរិក ក៏បានប្រកាសពីកិច្ចសន្យាវិនិយោគតម្លៃ ១៥ពាន់លានដុល្លារ ក្នុងស្ទើរគ្រប់ផ្នែក រាប់ទាំងផ្នែកបច្ចេកវិទ្យាជាន់ខ្ពស់ផងដែរ។
ខុសប្លែកពីអ្វីដែលប្រទេសចិនកំពុងរីករាយរកស៊ីជាមួយអាហ្វ្រិក ចិនមិនសូវយកចិត្តទុកដាក់ពីបញ្ហាលទ្ធិប្រជាធិបតេយ្យឡើយ។ ទោះបីជំនួបលើកនេះ គេឃើញមានមេដឹកនាំផ្តាច់ការពីអាហ្រ្វិកខ្លះត្រូវបានអញ្ជើញមកចូលរួមក៏ដោយ តែអាមេរិកនៅតែយកចំណុចលទ្ធិប្រជាធិបតេយ្យមកនិយាយជាមួយមេដឹកនាំទាំងនេះ អមជាមួយកញ្ចប់ជំនួយ និងវិនិយោគរបស់ខ្លួន។
លោក លោកចូ បៃឌិន បានប្រាប់មេដឹកនាំអាហ្វ្រិក ឱ្យការគាំទ្រលទ្ធិប្រជាធិបតេយ្យ ការគោរពនីតិរដ្ឋ ការប្តេជ្ញាចិត្តចំពោះសិទ្ធិមនុស្ស និងរដ្ឋាភិបាលដែលមានទំនួលខុសត្រូវ។ ប្រធានាធិបតីរូបនេះ បានប្រកាសពីទឹកប្រាក់ ១០០លានដុល្លារសម្រាប់សន្តិសុខ និងវិនិយោគ។ រីឯ កញ្ចប់ថវិកា ៧៥លានដុល្លារ ទៀត ដើម្បីទប់ទល់នឹងការដើរថយក្រោយរបស់លទ្ធិប្រជាធិបតេយ្យនៅអាហ្វ្រិក រួមទាំងការពង្រឹងអាជ្ញាធរជាតិបោះឆ្នោត និងសង្គមស៊ីវិលនៅអាហ្វ្រិកផងដែរ។
ក្រៅតែពីជំនួយជាទឹកប្រាក់ទាំងនេះ អាមេរិកបានបង្ហើបគាំទ្រ សហភាពអាហ្វ្រិក (African Union) ឱ្យក្លាយជាសមាជិកអចិន្ត្រៃយ៍នៃក្រុមប្រទេសមានសេដ្ឋកិច្ចជឿនលឿនទាំង២០ ឬហៅកាត់ថា G20 ថែមទៀតផង។ ការបន្ថែមសហភាពអាហ្រ្វិកទៅក្នុងG20 នឹងផ្តល់ឱ្យតំបន់មួយក្នុងចំនោមតំបន់ដែលមានការរីកចម្រើនលឿនបំផុតនៃពិភពលោក នូវសម្លេងកាន់តែធំជាងមុន។ ការមានកៅអីG20 អាចជួយប្រទេសនៅអាហ្រ្វិកមួយចំនួន ដែលបច្ចុប្បន្នភាគច្រើនមិនមានសិទ្ធិទទួលបានការរៀបចំបំណុលឡើងវិញ ក្រោមផែនការ G20 ឱ្យទទួលបានសិទ្ធិមួយនេះ។
សូមជម្រាបថា បច្ចុប្បន្នក្នុងចំណោមប្រទេសមកពីទ្វីបអាហ្រ្វិកទាំង ៥៥ មានតែប្រទេសអាហ្វ្រិកខាងត្បូងមួយប៉ុណ្ណោះ ដែលជាសមាជិករបស់ G20 ហើយគិតត្រឹមខែកក្កដាឆ្នាំនេះ មាន៣ប្រទេស ដែលស្ថិតក្រោមផែនការរៀបចំរចនាសម្ព័ន្ធបំណុលឡើងវិញរបស់ G20 គឺប្រទេសឆាត អេត្យូពី និងហ្សំបៀ។
