តើការប្រែប្រួលតម្លៃជ្រូករស់នៅលើទីផ្សារមានការរួមចំណែកកំណត់ថ្លៃពីក្រុមហ៊ុនធំៗឬយ៉ាងណា?
តម្លៃជ្រូករស់នៅលើទីផ្សារកម្ពុជា មានការប្រែប្រួលឡើងចុះគួរឱ្យកត់សម្គាល់នៅប៉ុន្មានឆ្នាំចុងក្រោយនេះ ដែលជំរុញឱ្យកសិករចិញ្ចឹមជ្រូកខ្នាតតូចភាគច្រើន…
លោក ឌុក ពិសិដ្ឋ ប្រធានសមាគមកាហ្វេកម្ពុជា បានគូសបញ្ជាក់ថា គិតត្រឹមឆ្នាំ២០២៥ ផ្ទៃដីដាំដុះកាហ្វេនៅកម្ពុជា មានប្រមាណ៨០០ហិកតាប៉ុណ្ណោះ តែនៅក្នុងឆ្នាំ២០២៦ នេះ សមាជិកសមាគមកាហ្វេកម្ពុជា នៅក្នុងខេត្តមណ្ឌលគីរី នឹងបង្កើនផ្ទៃដីដាំកាហ្វេបន្ថែមប្រហែល៣០០ហិកតា និងនៅខេត្តរតនគិរី ប្រមាណ៣០០ហិកតា ខណៈនៅតំបន់អូសោមខេត្តពោធិ៍សាត់ប្រមាណ២០ហិកតា និងនៅខេត្តប៉ៃលិន ប្រមាណ៣០ហិកតា។ តែយ៉ាងណាអ្នកជំនាញរូបនេះអះអាងថា ទំហំនេះនៅពុំទាន់គ្រប់គ្រាន់នៅឡើយទេ ដោយកម្ពុជា ត្រូវការផ្ទៃដីចន្លោះពី៨ពាន់ទៅ១ម៉ឺនហិកតាទៀត ទើបអាចផ្គត់ផ្គង់គ្រប់តាមតម្រូវការពីទីផ្សារ។ បើតាមលោក ឌុក ពិសិដ្ឋ មកទល់ពេលនេះ គ្រាប់កាហ្វេមិនទាន់សម្អាត ឬមិនទាន់កែច្នៃមានតម្លៃប្រមាណ១ម៉ឺន៦ពាន់រៀលក្នុង១គីឡូក្រាម។
ដោយឡែក លោក ស៊ា ឆៃលីន នាយកប្រតិបត្តិក្រុមហ៊ុនអចលនទ្រព្យ ឆៃលីន ស៊ា រៀលធី កត់សម្គាល់ឃើញថា នៅមួយរយៈចុងក្រោយនេះ មានអ្នកវិនិយោគជាបន្តបន្ទាប់បានស្វែងរកដីចម្ការ ដើម្បីដាំកាហ្វេនៅក្នុងខេត្តមណ្ឌលគិរី និងបណ្ដាខេត្តស្ថិតក្នុងប៉ែកឦសាន ដោយសារទីតាំងនៅក្នុងភូមិសាស្រ្តនេះមានសក្ដានុពលខ្ពស់ចំពោះដំណាំកាហ្វេ និងការធ្វើកសិកម្ម។ បើតាមអ្នកជំនាញរូបនេះ មកដល់ពេលនេះ តម្លៃដីចម្ការនៅតំបន់មួយចំនួនក្នុងខេត្តប៉ែកភូមិភាគឦសាន នៅមានតម្លៃសមរម្យនៅឡើយ ដែលស័ក្ដិសមសម្រាប់ការវិនិយោគធ្វើកសិកម្ម។
បើតាមការវាយតម្លៃរបស់ប្រធានសមាគមកាហ្វេកម្ពុជា នៅក្នុង១ឆ្នាំ កម្ពុជា មានតម្រូវការប្រើប្រាស់គ្រាប់កាហ្វេប្រមាណ២ម៉ឺនតោន ខណៈនៅក្នុងឆ្នាំ២០២៥ កន្លងទៅ ទិន្នផលកាហ្វេរបស់កម្ពុជាអាចប្រមូលផលបានប្រមាណជាង១ពាន់តោនប៉ុណ្ណោះ៕
អត្ថបទ៖ បូ ដូឡា
