កំពូលមហាសេដ្ឋី អេឡិន ម៉ាស់ ដែលបានចំណាយថវិកាយ៉ាងហោចណាស់២៥០លានដុល្លារជួយគាំទ្រយុទ្ធនាការបោះឆ្នោតរបស់លោក ត្រាំ កាលពីឆ្នាំមុន និងជាអតីតអ្នកកាន់កាប់ការងារដ៏រសើបជាច្រើនកាលពីដើមអាណត្តិពាក់ព័ន្ធនឹងការកាត់បន្ថយការចំណាយខ្ជះខ្ជាយបានអះអាងថា ច្បាប់កាត់បន្ថយពន្ធថ្មី និងសំណើថវិកាដែលបានឆ្លងផុតសភា ហើយបច្ចុប្បន្នកំពុងស្ថិតក្រោមការពិភាក្សាក្នុងព្រឹទ្ធសភានឹងកាត់បន្ថយការឧបត្ថម្ភធនដែលផ្តល់អត្ថប្រយោជន៍ដល់ក្រុមហ៊ុន Tesla ដែលជាក្រុមហ៊ុនផលិតរថយន្តអគ្គិសនីរបស់លោក និងអាជីវកម្មបៃតងជាច្រើនទៀត។
តែយ៉ាងណាកំពូលមហាសេដ្ឋីមានជាងគេបំផុតលើពិភពលោករូបនេះ បានបង្ហោះសារនៅលើបណ្តាញសង្គម X សុំទោសចំពោះការរិះគន់នេះ ហើយថា ការរិះគន់នេះដោយសារលោកមិនអាចទ្រាំទ្រនឹងអ្វីដែលរដ្ឋបាលលោក ត្រាំ កំពុងធ្វើ។ ទន្ទឹមនេះលោក ម៉ាស់ ក៏បានរិះគន់គម្រោងចំណាយដ៏ច្រើនដែលរដ្ឋបាលរបស់លោក ត្រាំ កំពុងស្នើឡើងផងដែរ ព្រោះលោកយល់ថា ជាការចំណាយមិនចាំបាច់ ដែលអាចធ្វើឱ្យគាំទ្របាត់បង់ទំនុកចិត្ត។
យ៉ាងណាមិញក្រុមមន្ត្រីរបស់លោក ត្រាំ មកពីគណបក្សសាធារណរដ្ឋបានចាត់ទុកការរិះគន់របស់លោក ម៉ាស់ វាអាចជះឥទ្ធិពលអវិជ្ជមានមួយសម្រាប់គម្រោងចំណាយ ដែលរដ្ឋបាលលោក ត្រាំ កំពុងស្នើឡើង។ តែយ៉ាងណាពួកគេជឿជាក់ថា សមាជិកសភានឹងជឿលើលោក ត្រា ជាងលោក ម៉ាស់៕
ដោយៈ សរ សុជាតិ
