ក្រុមហ៊ុន លី ហួរ អេស ប៊ី អាយ អ៊ិនសួរេន ចុះអនុស្សរណៈយោគយល់ ជាមួយមន្ទីរពេទ្យកុមារ អង្គរ ដើម្បីគាំទ្រសុខភាពកុមារ

តាមរយៈការចុះហត្ថលេខាលើអនុស្សរណៈយោគយល់នេះ ក្រុមហ៊ុន លី ហួរ អេស ប៊ី អាយ អ៊ិនសួរេន នឹងផ្ដល់ប្រាក់បរិច្ចាគ ៧៥០ រៀលសម្រាប់គ្រប់បណ្ណធានារ៉ាប់រងមួយច្បាប់ ដែលបានលក់ក្នុងរយៈពេល ចាប់ពីថ្ងៃទី ១៣ ខែមិថុនា ឆ្នាំ ២០២៥ ដល់ថ្ងៃទី ១២ ខែមិថុនា ឆ្នាំ ២០២៦។ ប្រាក់បរិច្ចាគសរុបនឹងបែងចែកពាក់កណ្តាលទៅអោយមន្ទីរពេទ្យកុមារ អង្គរ និងពាក់កណ្តាលទៀតទៅឱ្យមន្ទីរពេទ្យកុមារគន្ធបុប្ផា។

ការចូលរួមចំណែកនេះពិតជាស្តែងឱ្យឃើញនូវស្មារតីទទួលខុសត្រូវសង្គមរបស់ក្រុមហ៊ុន ក្នុងគោលបំណងលើកកម្ពស់ជីវភាព និងសុខភាពកុមារកម្ពុជា។ ស្របពេលកំពុងផ្តល់នូវសេវាធានារ៉ាប់រង ដែលមានទំនុកចិត្ត និងភាពងាយស្រួលដល់អតិថិជន ក្រុមហ៊ុនសង្ឃឹមយ៉ាងមុតមាំក្នុងកិច្ចបន្តចូលរួមក្នុងសកម្មភាពសង្គមផ្សេងៗទៀតនាពេលខាងមុខ។