អនុប្រធានសភាពាណិជ្ជកម្មអឺរ៉ុបប្រចាំនៅប្រទេសវៀតណាម បានលើកឡើងថា កិច្ចព្រមព្រៀងពាណិជ្ជកម្មសេរី អឺរ៉ុបវៀតណាមបានចាប់ផ្តើមហើយ ចាប់ពីដើមខែសីហានេះ ក៏ប៉ុន្តែមានតែ ២% ប៉ុណ្ណោះនៃ សហគ្រាសក្នុងស្រុកជាង ៨ពាន់កន្លែង បានយល់ពីលក្ខខណ្ឌនៃកិច្ចព្រមព្រៀងនេះ ហើយប្រមាណជា ២០% ទៀត គ្រាន់តែដឹងដំណឹងអំពីកិច្ចព្រមព្រៀងនេះប៉ុណ្ណោះ។
អ្នកជំនាញរូបនេះ បន្តថា អ្វីដែលសំខាន់ជាងនេះទៅទៀត គឺពួកគេត្រូវតែយល់ដឹងពី អត្ថន័យនៅក្នុងកិច្ចព្រមព្រៀងនេះ និងលក្ខខណ្ឌរបស់វា ជាពិសេស សម្រាប់សហគ្រាសវាយនភណ្ឌ ត្រូវតែដឹង នឹងសម្រេចចិត្តថាតើ គួរគោរពតាមច្បាប់នៃប្រភពដើមឬអត់ ដើម្បីទទួលបានការអនុគ្រោះពន្ធពិសេសពី កិច្ចព្រមព្រៀងនេះ។
អត្ថបទទាក់ទង!
បច្ចុប្បន្ននេះ សម្ភារសំខាន់ៗសម្រាប់វិស័យវាយនភណ្ឌវៀតណាម គឺនាំចូលមកពីប្រទេសចិន ដូច្នេះហើយ បើសិនជាមិនមានការផ្លាស់ប្តូរប្រភពអ្នកផ្គត់ផ្គង់នោះទេ គឺមិនអាចបំពេញទៅតាមលក្ខខណ្ឌច្បាប់នៃប្រភពដើមនោះឡើយ។
លើសពីនេះទៅទៀត ច្បាប់នៃប្រភពដើមរបស់កិច្ចព្រមព្រៀងមួយនេះ គឺមានភាពស្មុគស្មាញខ្លាំងណាស់ ដូច្នេះហើយ អំឡុងពេលមានវិបត្តិកូវីដ-១៩នេះ សហគ្រាសផលិតម៉ាសវៀតណាម មិនមានលក្ខណៈសម្បត្តិគ្រប់គ្រាន់ ដើម្បីនាំចេញទៅកាន់តែទីផ្សារអឺរ៉ុបនោះទេ បើទោះបីជា មានតម្រូវការម៉ាសច្រើនយ៉ាងណាក៏ដោយ។
បន្ថែមលើនេះ អាជីវកម្មជាច្រើន នៅតែពុំទាន់យល់ពីអនាម័យចំណីអាហារ និងលក្ខខណ្ឌសុវត្ថិភាព នៅពេលដែលធ្វើការជាមួយនឹងដៃគូអឺរ៉ុប។
មន្រ្តីជាន់ខ្ពស់នៃក្រសួងឧស្សាហកម្ម និងពាណិជ្ជកម្មវៀតណាម បានគូសបញ្ជាក់ថា វៀតណាម រំពឹងនឹងអាចយកឈ្នះដាច់ប្រទេសបង់ក្លាដេស ក្លាយជាប្រទេសផ្គត់ផ្គង់សម្លៀកបំពាក់ និងវាយនភណ្ឌធំជាងគេលំដាប់ទី ២ លើសកលលោក បន្ទាប់ពីកិច្ចព្រមព្រៀងជាមួយអឺរ៉ុបចូលជាធរមាន។
យ៉ាងណាក៏ដោយ បើសិនជាគ្មាន អាជីវកម្មគាំទ្រដល់ វិស័យវាយនភណ្ឌ និងសម្លៀកបំពាក់ក្នុងស្រុកនោះទេ ប្រាកដណាស់ គោលដៅនេះ គឺពិបាកនឹងអាចសម្រេចទៅបាន។
គួររម្លឹកបន្តិចថា ចាប់ពីដើមខែសីហានេះទៅ កិច្ចព្រមព្រៀងពាណិជ្ជកម្មសេរីរវាង អឺរ៉ុប និងវៀតណាម បានចូលជាធរមានហើយ ដែលវានឹងមានការលើកលែងពន្ធរហូតដល់ទៅ ៩៩% សម្រាប់ទំនិញនាំចេញ-នាំចូលរវាងគ្នា៕
None
