ធនាគារក្នុងស្រុក កំពុងបង្កើនការវិនិយោគពង្រីកហេដ្ឋារចនាសម្ព័ន្ធឌីជីថលកាន់តែខ្លាំង ដើម្បីពង្រឹងសមត្ថភាពប្រកួតប្រជែង

ឆ្លើយតបទៅនឹងការរីកចម្រើននៃវិស័យធនាគារ និងកំណើនអ្នកប្រើប្រាស់កើនឡើង ធនាគារក្នុងស្រុក​ កាន់តែច្រើន​បាននិងកំពុងពង្រឹង និងពង្រីកការវិនិយោគលើហេដ្ឋារចនាសម្ព័ន្ធឌីជីថល​របស់ខ្លួន​កាន់តែខ្លាំង។ ជាក់ស្ដែង ធនាគារ ប្រ៊ីដ ដែលជាធនាគារពាណិជ្ជធំមួយ ស្ថិតក្រោមសម្ព័ន្ធក្រុមហ៊ុនយក្ស វើលដ៍ប្រ៊ីដ គ្រុប ថ្មីៗនេះ ទើបតែបានដាក់ឲ្យប្រើប្រាស់នូវ​បច្ចេកវិទ្យាថ្មីរបស់ខ្លួន គឺកម្មវិធីទូរស័ព្ទដៃ BRIDGE Mobile ដែលមានមុខងារពិសេសជាច្រើនក្នុងការធ្វើប្រតិបត្តិការហិរញ្ញវត្ថុ​តាមទូរសព្ទ​ចល័តបាន​យ៉ាងងាយស្រួល និងសុវត្ថិភាពខ្ពស់។

លោក Richard Liew អគ្គនាយកប្រតិបត្តិធនាគារប្រ៊ីដ បានបញ្ជាក់ថា «ចាប់តាំងពីថ្ងៃបើកដំណើរការ​ជាផ្លូវការ​​នៅពាក់កណ្ដាល​ឆ្នាំ ២០២៣មក ធនាគារ ប្រ៊ីដ បានខិតខំប្រឹងប្រែងឥតឈប់ឈរ ដើម្បី​ធ្វើយ៉ាងណា​​ដាក់ឲ្យប្រើប្រាស់​កម្មវិធីធនាគារតាមទូរសព្ទដៃ BRIDGE Mobile ឲ្យបានឆាប់បំផុត សម្រាប់​បំពេញសេចក្ដីត្រូវការរបស់អ្នកប្រើប្រាស់។ នៅទីបំផុត ដូចការគ្រោងទុក ធនាគារ ប្រ៊ីដ បាន​ប្រកាសដាក់ឲ្យប្រើប្រាស់​កម្មវិធី BRIDGE Mobile ដោយជោគជ័យនៅចុងឆ្នាំ២០២៤នេះ។»

លោក Richard Liew បន្ថែមថា កម្មវិធី BRIDGE Mobile មានផ្តល់ជូននូវមុខងារដ៏សម្បូរបែប ដែលអាចឱ្យអតិថិជនគ្រប់គ្រងហិរញ្ញវត្ថុបាន​យ៉ាងងាយស្រួល ដូចជា អាចបញ្ចូលលុយទូរសព្ទ, ទូទាត់ទំនិញផ្សេងៗតាមរយៈស្កេនទូទាត់តាម KHQR, ផ្ទេរប្រាក់ទៅធនាគារផ្សេងទៀត​នៅក្នុងស្រុក​តាមប្រព័ន្ធបាគង ឬផ្ទេរប្រាក់ទៅគណនីដទៃរបស់ធនាគារប្រ៊ីដ, ពិនិត្យមើលសមតុល្យ​សាច់ប្រាក់ អត្រាប្តូប្រាក់ ស្វែងរកទីតាំងសាខាធនាគារប្រ៊ីដ និងកន្លែងដាក់ម៉ាស៊ីន ATM ក៏ដូចជាកម្មវិធី​ផ្តល់​ជូនពិសេសៗជាច្រើនទៀត។

ជាមួយគ្នានេះ លោក ភី វាសនា នាយកនាយកដ្ឋានសេវាធនាគារឌីជីថល បានគូសបញ្ជាក់ដែរថា ជាមួយនឹង​​បច្ចេកវិទ្យាទំនើបចុ​ងក្រោយ កម្មវិធី BRIDGE Mobile របស់ធនាគារ ប្រ៊ីដ បានផ្តល់ជូននូវ​បទពិសោធន៍​សេវាធនាគារ​ចល័ត ដែលសុវត្ថិភាព និងមានប្រសិទ្ធិភាព ព្រមជាមួយនឹង​ការបំពាក់​នូវ​មុខងារបច្ចេកវិទ្យាទំនើប​ពង្រឹងលើផ្នែកសុវត្ថិភាព​ស្កេនផ្ទៃមុខ ឬម្រាមដៃជាដើម។​

លោកអ្នកដែលមានគណនីធនាគារ ប្រ៊ីដ អាចទាញយកកម្មវិធីទូរសព្ទ​ដៃចល័តរបស់​ធនាគារប្រ៊ីដ​នៅលើ​កម្មវិធី ​Apple store និង Play Store ដើម្បីទទួលយកបទពិសោធន៍​ក្នុងការប្រើប្រាស់​សេវាធនាគារជំនាន់ថ្មី ដែលធ្វើឱ្យធនាគារប្រ៊ីដបន្តពង្រីកខ្លួនយ៉ាងរហ័សក្នុងវិស័យបច្ចេកវិទ្យា។​ សម្រាប់ព័ត៌មានបន្ថែមអំពីកម្មវិធីទូរសព្ទដៃជំនាន់ថ្មី​លោកអ្នកអាចចូលមកកាន់គេហទំព័រ https://shorturl.at/Sutmx