ទីម័រខាងកើត ដែលត្រៀមចូលជាសមាជិកអាស៊ាន កំពុងរងបាតុកម្មយ៉ាងខ្លាំងក្លាពីក្រុមនិស្សិត
ទីម័រខាងកើត ដែលត្រៀមចូលជាសមាជិកអាស៊ានទី១១ នាពេលខាងមុខ កំពុងប្រឈមនឹងបាតុកម្មយ៉ាងខ្លាំងក្លាពីក្រុមនិស្សិត ដែលមិនពេញចិត្តនឹងការគ្រប់គ្រងស…
ក្រុមហ៊ុន Lotte Group របស់កូរ៉េខាងត្បូង បានស្នើសុំដកខ្លួនចេញពីគម្រោងទីក្រុងអេកូឆ្លាតវៃ ដែលមានតម្លៃ៨៨៤លានដុល្លារនៅទីក្រុងហូជីមិញ ដោយលើកឡើងពីការពន្យារពេលបទប្បញ្ញត្តិ ការកើនឡើងថ្លៃដើម និងឧបសគ្គផ្លូវច្បាប់ ដែលមិនអាចដោះស្រាយបាន ដែលបង្កឱ្យមានការព្រួយបារម្ភក្នុងចំណោមវិនិយោគិន និងសមាជិកសភាជាន់ខ្ពស់របស់វៀតណាម អំពីផលប៉ះពាល់សេដ្ឋកិច្ច និងកេរ្តិ៍ឈ្មោះរបស់ខ្លួន។
គម្រោងដ៏ល្បីល្បាញនេះ ត្រូវបានអនុម័តក្នុងឆ្នាំ២០១៧ ដោយសង្ឃឹមថា នឹងក្លាយជាទីក្រុងឆ្លាតវៃដែលប្រើទុនចម្រុះជាប្រវត្តិសាស្ត្រ។ ទោះបានបើកការដ្ឋានសាងសង់នៅឆ្នាំ២០២២ រួចហើយក៏ដោយ ប៉ុន្តែគម្រោងដែលមានទំហំជាង៧ហិកតាមួយនេះ មិនមានការអភិវឌ្ឍន៍គួរឱ្យកត់សម្គាល់នោះទេ។
សំណើសុំដកខ្លួនរបស់ក្រុមហ៊ុន Lotte កាលពីខែសីហា នេះធ្វើឡើងក្រោយពីមានការអនុម័តចុងក្រោយរបស់ទីក្រុងនេះអំពីតម្លៃប្រើប្រាស់ដីនៅក្នុងខែមិថុនា ដែលកំណត់យកតម្លៃ៦៧០លានដុល្លារ។ ក្រុមហ៊ុន Lotte បានអះអាងថា ការយឺតយ៉ាវក្នុងការដំណើរការវាយតម្លៃដីរបស់រដ្ឋាភិបាលបានបណ្តាលឱ្យមានការផាកពិន័យលើការទូទាត់យឺតយ៉ាវរាប់លានដុល្លារ ជាការចំណាយមួយដែលក្រុមហ៊ុននេះបាននិយាយថា វាហួសពីសមត្ថភាពរបស់ខ្លួន៕
ដោយ៖ សុខ មង្គល
