ក្រសួងសុខាភិបាលប្រាប់ពីរោគសញ្ញា និងវិធីបង្ការជំងឺភ្នែកក្រហម ដែលកំពុងកើនឡើងគួរឱ្យកត់សម្គាល់
ក្រសួងសុខាភិបាលកត់សម្គាល់ឃើញថា ជំងឺឆ្លងភ្នែកក្រហមកំពុងកើតថ្មីគួរឱ្យកត់សម្គាល់នៅតាមបណ្តាខេត្តមួយចំនួននៅកម្ពុជានៅមួយរយៈចុងក្រោយ ដែលជំងឺបង្ក…
ថ្លែងនៅក្នុងព្រឹត្តិការណ៍នោះ អ្នកឧកញ៉ា លី ហួរ ប្រធាននាយកប្រតិបត្តិ លី ហួរ គ្រុប បានមានប្រសាសន៍ថា អ្នកឧកញ៉ាពិតជាមានក្តីសោមនស្សរីករាយណាស់ ដែលក្រុមហ៊ុន ហូ ថៃ ហ្វាយណែន ខូអិលធីឌី ផ្តល់ទំនុកចិត្តចូលរួមវិនិយោគជាដៃគូយុទ្ធសាស្រ្តអាជីវកម្មក្នុងវិស័យហិរញ្ញវត្តុជាមួយក្រុមហ៊ុន លី ហួរ លីស៊ីង ខណៈដែលប្រទេសកម្ពុជាកំពុងមានសុខសន្តិភាព ស្ថិរភាព និងសក្តានុពលសេដ្ឋកិច្ចរីកចម្រើនខ្លាំងនៅក្នុងតំបន់ និងមានការអភិវឌ្ឍឥតឈប់ឈរ។ លើសពីនេះ ប្រទេសកម្ពុជាក៏មានសក្តានុពលធនធានមនុស្សខ្លាំងក្នុងវិស័យហិរញ្ញវត្ថុ ក៏ដូចជាវិស័យផ្សេងៗទៀត ដែលជួយជំរុញដល់ការរីកចម្រើនសេដ្ឋកិច្ចជាតិកម្ពុជាទាំងមូល។
អ្នកឧកញ៉ា លី ហួរ ប្រធាននាយកប្រតិបត្តិ លី ហួរ គ្រុប
ដោយឡែក ឧកញ៉ា លី សុភ័ក្ត ប្រធានក្រុមប្រឹក្សាភិបាលក្រុមហ៊ុន លី ហួរ លីស៊ីង ក៏បានមានប្រសាសន៍ដែរថា ក្រុមហ៊ុន ហូថៃ ហ្វាយណែន ខូអិលធីឌី (Hotai Finance Co.,Ltd) ជាក្រុមហ៊ុនភតិសន្យាហិរញ្ញវត្ថុនាំមុខគេក្នុងតំបន់ ហើយក្រុមហ៊ុននេះ បានបង្កើតឡើងតាំងពីឆ្នាំ១៩៩៩ ដែលផ្តោតសំខាន់ទៅលើសេវាកម្មបង់រំលស់រថយន្ត គ្រឿងចក្រ និងសម្ភារៈបរិក្ខារផ្សេងៗជាច្រើនទៀត។ ក្រុមហ៊ុននេះក៏បានចុះបញ្ជីក្នុងទីផ្សារភាគហ៊ុនក្នុងឆ្នាំ២០១៩ ផងដែរ។
ឧកញ៉ា លី សុភ័ក្ត ប្រធានក្រុមប្រឹក្សាភិបាលក្រុមហ៊ុន លី ហួរ លីស៊ីង
ឧកញ៉ា លី សុភ័ក្ដលើកឡើងយ៉ាងដូច្នេះថា «ការផ្តល់ទំនុកចិត្តចូលរួមវិនិយោគរួមគ្នាជាដៃគូយុទ្ធសាស្រ្ត ជាមួយ ក្រុមហ៊ុន លី ហួរ លីស៊ីង ភីអិលស៊ី នេះ ជាមោទនភាពមួយរបស់ខ្ញុំបាទក៏ដូចជាថ្នាក់ដឹកនាំទាំងអស់ផងដែរ ហើយវាក៏ជាកត្តាជំរុញទឹកចិត្តបន្ថែមអោយខ្ញុំ និងក្រុមការងាររឹតតែខិតខំប្រឹងប្រែង ដើម្បីអភិវឌ្ឍខ្លួនទទួលបានការវិនិយោគថ្មីៗបន្ថែមទៀត។»
ជាមួយគ្នានេះ លោកប្រធាន LIU YUANSHENG ក្រុមហ៊ុន ហូថៃ ហ្វាយណែន ខូអិលធីឌី បានមានប្រសាសន៍ថា កិច្ចសហការរួមគ្នារវាងក្រុមហ៊ុនទាំងពីរ គឺដើម្បីស្វែងរកឧត្តមភាព និងភាពច្នៃប្រឌិតថ្មីៗឥតឈប់ឈរនៅក្នុងអាជីវកម្ម។ លោកបន្ថែមថា កិច្ចសហប្រតិបត្តិការនេះ តំណាងឱ្យការចាប់ផ្តើមនៃសមិទ្ធិផល ដែលសម្រេចបាន និងក្តីស្រមៃកាន់តែច្រើន។
លោក LIU YUANSHENG ប្រធានក្រុមហ៊ុន ហូថៃ ហ្វាយណែន ខូអិលធីឌី
កម្ពុជាបច្ចុប្បន្នកំពុងស្ថិតក្នុងដំណាក់កាលនៃកំណើនសេដ្ឋកិច្ច ហើយសក្តានុពលនៃការប្រើប្រាស់ទីផ្សារ និងការពង្រីកអាជីវកម្មនៅទីនេះនៅតែមានទំហំធំ។ នៅពេលអនាគត ក្រុមហ៊ុន ហូថៃ ហ្វាយណែន ខូអិលធីឌីនិង ក្រុមហ៊ុន លីហួរ លីស៊ីង នឹងមានកិច្ចសហប្រតិបត្តិការួមគ្នាបន្ថែមទៀត។ ក្រុមហ៊ុន ហូថៃ ហ្វាយណែន ខូអិលធីឌី នឹងផ្តល់នូវបទពិសោធន៍ជោគជ័យក្នុងការអភិវឌ្ឍអាជីវកម្ម រួមផ្សំជាមួយមូលដ្ឋានគ្រឹះប្រតិបត្តិការក្នុងស្រុកដ៏ស៊ីជម្រៅរបស់ក្រុមហ៊ុន លីហួរ លីស៊ីង។ នៅក្រោមសម្ព័ន្ធភាពដ៏រឹងមាំ ពិតជាអាចបង្កើតការអភិវឌ្ឍប្រកបដោយប្រសិទ្ធភាពមួយដ៏ធំទូលំទូលាយ និងនាំមកនូវភាពរីកចម្រើនយ៉ាងខ្លាំងដល់អាជីវកម្ម ហើយបន្ទាប់មកនឹងជោគជ័យនៅជំនួញថ្មីៗបន្តទៀត។
សូមបញ្ជាក់ថា ក្រុមហ៊ុន លី ហួរ លីស៊ីង ភីអិលស៊ី បានបង្កើតឡើងក្នុងឆ្នាំ២០១៥ ដោយបាន ចុះបញ្ជីលេខ០០០០០៦៩៤ ជាមួយក្រសួងពាណិជ្ជកម្ម ដើម្បីជំរុញឲ្យមានសេវាកម្មភតិសន្យារថយន្តនៅលើទីផ្សារកម្ពុជា។ ក្រុមហ៊ុន លី ហួរ លីស៊ីង បានបោះជំហ៊ានយ៉ាងលឿន ដោយធនាគារជាតិនៃកម្ពុជាបានផ្តល់អាជ្ញាបណ្ណជាផ្លូវការ នៅថ្ងៃទី ០៨ ខែមេសា ឆ្នាំ២០១៦ ព្រមទាំងបង្កើតសេវាកម្មភតិសន្យាម៉ូតូនៅឆ្នាំ២០១៧ និងសេវាកម្ម Lease-back នៅឆ្នាំជាបន្តបន្ទាប់ទៀត ដោយបង្កើនដើមទុនពីមួយឆ្នាំទៅមួយឆ្នាំផងដែរ។ ក្នុងឆ្នាំ២០២៣នេះ គឺក្រុមហ៊ុនគម្រប់ខួប៨ឆ្នាំ ហើយក្រុមហ៊ុននៅតែបន្តនិរន្តរភាព ប្រកបដោយចក្ខុវិស័យវែងឆ្ងាយ និងយូរអង្វែងដើម្បីអោយក្លាយជាមជ្ឈមណ្ឌលបង់រំលស់ឈានមុខគេនៅកម្ពុជា។ ដោយមើលឃើញពីភាពលូតលាស់ឥតឈប់ឈររបស់ក្រុមហ៊ុន មជ្ឈដា្ឋនដៃគូសហការបានចាប់អារម្មណ៍វិនិយោគរួមគ្នាដើម្បីពង្រីកសក្តានុពលក្រុមហ៊ុនកាន់តែធំទូលាយទូទាំងប្រទេស។
ចំណែកឯ ក្រុមហ៊ុន ហូថៃ ហ្វាយណែន ខូអិលធីឌី (Hotai Finance Co.,Ltd) ជាក្រុមហ៊ុនភតិសន្យាហិរញ្ញវត្ថុនាំមុខគេក្នុងតំបន់ ហើយក្រុមហ៊ុននេះបានបង្កើតឡើងតាំងពីឆ្នាំ១៩៩៩ ដែលផ្តោតសំខាន់ទៅ
លើសេវាកម្មបង់រំលស់រថយន្ត គ្រឿងចក្រ និងសម្ភារៈបរិក្ខារផ្សេងៗជាច្រើនទៀត។ ក្រុមហ៊ុននេះក៏បានចុះបញ្ជីក្នុងទីផ្សារភាគហ៊ុនក្នុងឆ្នាំ២០១៩ ផងដែរ។ ក្រុមហ៊ុន ហូថៃ ហ្វាយណែន ខូអិលធីឌី (Hotai Finance Co.,Ltd) គឺជាក្រុមហ៊ុនអាជីវកម្មលក់និងបង់រំលស់ និងជួលសម្រាប់យានយន្ត និងឧបករណ៍ផ្សេងៗ។ អាជីវកម្មបង់រំលស់ភាគច្រើនទាក់ទងនឹងយានយន្ត។ ការបង់រំលស់សម្រាប់អាជីវកម្មយានជំនិះគឺពាក់ព័ន្ធនឹងការផ្តល់គម្រោងបង់រំលស់សម្រាប់សាធារណជនក្នុងការទិញរថយន្តថ្មី និងប្រើរួច។ អាជីវកម្មភតិសន្យាគឺចូលរួមក្នុងការផ្តល់សេវាកម្មជួលសម្រាប់ឧបករណ៍ជាច្រើនប្រភេទ ផលិតផលពាក់កណ្តាលសម្រេច ឬវត្ថុធាតុដើមក្នុងទម្រង់នៃការជួល។
None
