រុស្ស៊ីក្លាយជាទីផ្សារធំទី៣ សម្រាប់ការទូទាត់ប្រាក់យន់របស់ចិន ចំពេលរងទណ្ឌកម្មពីលោកខាងលិច
ប្រទេសរុស្ស៊ីបានជាប់ចំណាត់ថ្នាក់លេខ ៣ ក្នុងបញ្ជីប្រទេសដែលមានប្រើប្រាស់ប្រាក់យន់ ដែលជារូបិយបណ្ណជាតិរបស់ប្រទេសចិនសម្រាប់ការទូទាត់ជាសាកល ប៉…
ទីក្រុងម៉ាកាវ ដែលជាមជ្ឈមណ្ឌលឧស្សាហកម្មល្បែងដ៏ធំនោះ កំពុងរងនូវការខាតបង់យ៉ាងខ្លាំងនៅអំឡុងពេលកូវីដ១៩រាតត្បាតខ្លាំងពិសេសនៅពាក់កណ្ដាលឆ្នាំមកនេះ ការខាតបង់ក្នុងវិស័យល្បែងនៅម៉ាកាវបានឈានដល់២ពាន់លានដុល្លារអាមេរិក។ ការបន្ដធ្លាក់ចុះរបស់ទីក្រុងម៉ាកាវនៃវិស័យកាស៊ីណូនេះ កើតឡើង នៅគ្រាដែលអាជីវកម្មកាស៊ីណូនៅក្នុងទីក្រុង Las Vegas សហរដ្ឋអាមេរិកឯណោះវិញ កំពុងតែមានជីវិតរស់ឡើងវិញគួរឲ្យកត់សម្គាល់ ដោយសារអាមេរិកក៏ដូចជាប្រទេសភាគច្រើនទៀតបានទម្លាក់វិធានការការពារកូវីដ១៩របស់ពួកគេស្ទើរតែទាំងអស់ទៅហើយនាពេលនេះ។
ប៉ុន្តែកាស៊ីណូចំនួន ៤១ កន្លែងនៅទីក្រុងម៉ាកាវកំពុងរងនូវការធ្លាក់ចុះប្រាក់ចំណូលយ៉ាងខ្លាំង ដោយសារភ្ញៀវបរទេសនៅតែបិទភ្នែកបំភ្លេចមជ្ឈមណ្ឌលល្បែងស៊ីសងដ៏ធំបំផុតក្នុងពិភពលោកមួយនេះ ហើយភ្ញៀវសំខាន់ៗមកពីចិនដីគោក ក៏បានថយចុះផងដែរ ខណៈដែលទីក្រុងប៉េកាំងបានដាក់កំហិតជាថ្មីក្នុងការធ្វើដំណើរ ដើម្បីប្រយុទ្ធប្រឆាំងនឹងការរាលដាលជំងឺ COVID-19 នៅទូទាំងប្រទេស។
ក្រុងម៉ាកាវ គឺជាកន្លែងលេងល្បែងដែលស្របច្បាប់តែមួយគត់នៅក្នុងប្រទេសចិន ហើយទីក្រុងនេះត្រូវបានដាក់ឱ្យស្ថិតនៅក្រោមវិធានការបិទខ្ទប់ជិត ២ សប្តាហ៍កាលពីខែមុនដោយសារអាជ្ញាធរខំបឹ្រងដោះស្រាយការផ្ទុះឡើងនៃជំងឺរាតត្បាតកូវីដ១៩ដ៏អាក្រក់បំផុតនៅក្នុងទីក្រុងនេះ។
ការរឹតបន្តឹងទប់ស្កាត់ជំងឺកូវីដជាង២ឆ្នាំមកនេះ បានបង្កមហន្តរាយដល់ក្រុមហ៊ុនកាស៊ីណូជាច្រើន នៅក្នុងទីក្រុងម៉ាកាវ។ ដោយក្នុងនោះ ក្រុមហ៊ុន Galaxy Entertainment ដែលជាប្រតិបត្តិកររមណីយដ្ឋាន និងកាស៊ីណូ Galaxy Macau ដ៏ធំមួយនៅម៉ាកាវ បានរាយការណ៍ពីការខាតប្រាក់ប្រហែលជាង ១០០ លានដុល្លារអាមេរិកនៅចន្លោះខែមករា និងខែមិថុនា។
អំឡុងពេលដូចគ្នានេះ ក្រុមហ៊ុន Melco Resorts & Entertainment បាននិយាយថា ក្រុមហ៊ុននេះបានខាតប្រាក់រហូតដល់ជាង $៤៣០លានដុល្លារ។ រីឯ ក្រុមហ៊ុន Wynn Macau បានរាយការណ៍ពីការខាតបង់ប្រាក់ប្រមាណ ៤៦០លានដុល្លារអាមេរិក បន្ទាប់ពីក្រុមហ៊ុនជាគូប្រជែងរបស់ខ្លួន គឺក្រុមហ៊ុន MGM China បាននិយាយថាខ្លួនបានខាតបង់ជាង៣០០លានដុល្លារ
ទីក្រុងម៉ាកាវ កាលពីឆ្នាំ២០១៩ មុនពេលកូវីដ១៩ផ្ទុះរាតត្បាត ធ្លាប់ទទួលបានភ្ញៀវទេសចរទៅកម្សាន្ដ៣៩លាននាក់ ដោយបានបង្កើតប្រាក់ចំណូលពីវិស័យល្បែងបានដល់ទៅប្រមាណ ៣៦ពាន់លានដុល្លារអាមេរិក៕
