តើមានកត្តាអ្វីជំរុញឱ្យក្រុមហ៊ុនផលិតបន្ទះឈីបធំៗនៅលើពិភពលោកកាត់បន្ថយទុនវិនិយោគរហូតដល់ជាង៩ពាន់លានដុល្លារ?
ក្រុមហ៊ុនផលិតបន្ទះឈីបឈានមុខគេទាំង១០ នៅលើពិភពលោក បានកាត់បន្ថយទំហំវិនិយោគរហូតដល់ជាង៩ពាន់លានដុល្លារពីផែនការវិនិយោគរបស់ខ្លួន ដោយសារតម្…
ក្រសួងពាណិជ្ជកម្មម៉ាឡេស៊ី បានអះអាងនៅដើមសប្តាហ៍នេះថា ម៉ាឡេស៊ីបានសាកល្បងយកពន្ធប្រឆាំងនឹងការលក់បង្ខូចថ្លៃចន្លោះពី២,៥២% ដល់៣៦,៨០% លើផលិតផលដែក និងដែកថែប ដែលនាំចូលពីប្រទេសចិន ជប៉ុន ឥណ្ឌា និងកូរ៉េខាងត្បូង ដែលអនុវត្តចាប់ពីថ្ងៃទី១១ ខែមករា សម្រាប់រយៈពេល១២០ថ្ងៃ។
ក្រសួងនេះបានបន្ថែមថា ការសម្រេចចិត្តជាចុងក្រោយលើការយកពន្ធប្រឆាំងការលក់បង្ខូចថ្លៃជាបណ្ដោះអាសន្ននេះនឹងធ្វើឡើងនៅត្រឹមថ្ងៃទី១០ ខែឧសភា ខណៈដែលមតិកែលម្អលើការកំណត់ពន្ធជាបឋមនេះអាចត្រូវបានធ្វើនៅត្រឹមថ្ងៃទី២០ ខែមករា។
ការសម្រេចចិត្តយកពន្ធនេះបានធ្វើឡើងបន្ទាប់ពីការស៊ើបអង្កេតដែលបានចាប់ផ្តើមធ្វើក្នុងខែសីហា លើផលិតផលមកពីប្រទេសចិន ឥណ្ឌា ជប៉ុន និងកូរ៉េខាងត្បូង ក្រោយរដ្ឋាភិបាលបានទទួលញត្តិពីផលិតករក្នុងស្រុកដោយពួកគេបានអះអាងថា ផលិតផលដែកនាំចូលត្រូវបានដាក់លក់នៅក្រោមតម្លៃទីផ្សារនៅក្នុងប្រទេសទាំងបួននេះ ដែលធ្វើឱ្យប៉ះពាល់ដល់ឧស្សាហកម្មផលិកដែកនៅម៉ាឡេស៊ី។
ដោយឡែក មន្ត្រីជាន់ខ្ពស់រដ្ឋាភិបាលម្នាក់ បាននិយាយថា ការនាំចេញដែកថែបរបស់ឥណ្ឌា ទំនងជាមិនរងផលប៉ះពាល់ពីពន្ធប្រឆាំងការលក់បង្ខូចថ្លៃនេះនោះទេ ព្រោះបរិមាណនាំចេញរបស់ឥណ្ឌា ទៅកាន់ប្រទេសម៉ាឡេស៊ី មានកម្រិតទាបខ្លាំងណាស់។
ការនាំចេញដែករបស់ឥណ្ឌា ទៅកាន់ប្រទេសម៉ាឡេស៊ី ក្នុងឆ្នាំ២០២៣ និង២០២៤ មានចំនួន៣ម៉ឺន៦ពាន់តោន ធ្លាក់ចុះ៧៨% បើធៀបនឹងឆ្នាំ២០១៩ និង២០២០ ហើយថា ទោះជាពន្ធប្រឆាំងការលក់បង្ខូចតម្លៃនេះនឹងប៉ះពាល់ដល់ពាណិជ្ជកម្មទ្វេភាគីក៏ពិតមែន ប៉ុន្តែវាទំនងជាមិនប៉ះពាល់ដល់ការនាំចេញដែករបស់ទីក្រុងញូវដេលីទាំងមូលនោះទេ៕
អត្ថបទ៖ សុខ មង្គល
