ជម្លោះរវាងនិយោជិត និងណាហ្គាវ៉ាវើល បានចាប់ផ្តើមកាលពីឆ្នាំមុន បន្ទាប់ពីប្រធានសហជីពឈ្មោះឈឹម ស៊ីថរ ត្រូវបានគេព្យួរកាងារដោយគ្មានថ្ងៃកំណត់ ដោយសារតែបានការពារបុគ្គលិកម្នាក់ទៀត ដែលបានពាក់អាវយឺត សរសេរថា ក្រុមហ៊ុនរីកចម្រើន កម្មករត្រូវការប្រាក់ឈ្នួលសមរម្យ។
ការផលិតអាវយឺតនេះ នៅពេលនោះ គឺជាផ្នែកមួយនៃយុទ្ធនាការ ដើម្បីទាមទារឲ្យដំឡើងប្រាក់ឈ្នួល ឱ្យបាន៣០០ដុល្លារ ក្នុងមួយខែ សម្រាប់បុគ្គលិកផ្នែកសណ្ឋាគារ និង ៥០០ដុល្លារ សម្រាប់បុគ្គលិកខាងកាស៊ីណូ។
ការសម្រុះសម្រួលរវាងណាហ្គាវើល និងសហជីពកន្លងមក មិនបានឈានដល់មានដំណោះស្រាយនោះទេ ហើយក៏ផ្ទុះជាកូដកម្មនៅថ្ងៃព្រហស្បតិ៍ ទី៩ ខែមករាឆ្នាំ២០២នេះ ខណ:ដែលមានការដាក់ពង្រាយសន្តិសុខ និងនគរបាលយ៉ាងច្រើន។
អត្ថបទទាក់ទង!
បុគ្គលិកឈ្មោះប៊ី គន្ធា បាននិយាយប្រាប់អ្នកសារព័ត៏មាន នៅខាងមុខណាហ្គាវើលថា បុគ្គលិក
ចំនួន ៣ពាន់ បានផ្តិតមេដៃចូលរួមកូដកម្ម នៅថ្ងៃព្រហស្បតិ៍ ទី៩ ខែមករា ឆ្នាំ២០២នេះ ដោយរួមទាំងទាមទារឱ្យបញ្ឈប់បុគ្គលិកជាន់ខ្ពស់ម្នាក់ ជាជនជាតិអេស្ប៉ាញផងដែរ ដោយសារសម្ដីមិនសមរម្យ។
កាលពីខែមិថុនាឆ្នាំមុន បុគ្គលិកជិត ៤.០០០ នាក់បានចុះហត្ថលេខាលើញត្តិទាមទារដំឡើងប្រាក់ឈ្នួលដោយសារតែ ទំនិញនិងម្ហូបអាហារផ្សេងៗឡើងថ្លៃ។
ប៊ី គន្ធា បាននិយាយដូច្នេះថា «ពួកខ្ញុំជួបជុំគ្នាប្រហែលជាម៉ោង៦ព្រឹក អត់ទាន់ដំណោះស្រាយអ្វីទាំងអស់ គឺក្រុមហ៊ុនអត់មានដំណោះស្រាយ ក្រុមហ៊ុនមានតែរើសបុគ្គលិកថ្មី មកបញ្ឈឺពួកដែលគាត់ជាបុគ្គលិកតូចៗ។»
បុគ្គលិកណាហ្គាវើលដ រាប់ពាន់នាក់ ធ្វើកូដកម្មទាមទារដំឡើងប្រាក់ខែ និងលក្ខខណ្ឌការងារ ល្អប្រសើរជាងមុន (រូបភាព៖ ខេមបូណូមីស)
ប៊ី គន្ធា បានអះអាងថា នេះជាសម្ពាធការងារដោយសារបុគ្គលខ្លះត្រូវបង្ខំចិត្តចូលរួមកូដកម្ម។
ប៊ី គន្ធា បាននិយាយដូច្នេះថា «គាត់ធ្វើរូបភាពបែបហ្នឹងរាល់ថ្ងៃនេះ គឺធ្វើការក្នុងក្រុមហ៊ុន គឹមានការបែងចែកបុគ្គលិកថ្មី និងបុគ្គលិកចាស់។»
ណាហ្គាវើល មិនបានឆ្លើយតបសំណើរតាមអ៊ីម៉េល ដើម្បីសុំការអត្ថាធិប្យាយនោះទេ នៅព្រហស្បតិ៍
ទី៩ ខែមករា ឆ្នាំ២០២០នេះ។
អ្នកតវ៉ា តំណាងណាហ្គាវើល និងអាជ្ញាធរមូលដ្ឋានក្នុងខណ្ឌចំការមនបានជួបគ្នា ដើម្បីរកកិច្ចព្រមព្រៀង ក៏ប៉ុន្តែមិនបានទទួលជោគជ័យនោះទេ ដូច្នេះកម្មករនឹងបន្តកូដកម្មស្អែកទៀត នេះបើយោងតាមអង្គការសិទ្ធិមនុស្សលីកាដូ។
ក៏ប៉ុន្តែបើយោងតាមគេហទំព័រសារព័ត៏មាន Freshnew វិញ ណាហ្គាវើល បានយល់ព្រមដំឡើងប្រាក់ឈ្នួល ប៉ុន្តែមិនទាន់ព្រមព្រាងទទួលយកមេសហជីពឈ្មោះ ឈឹម ស៊ីថរ ចូលធ្វើការវិញនោះទេ។
កាស៊ីណូណាហ្គាខប បានរកប្រាក់ចំណេញសុទ្ធជាង ២៤៥ លានដុល្លារនៅឆមាសទីមួយនៃឆ្នាំ២០១៩ នេះយោងតាមលីកាដូដដែល៕
បុគ្គលិកណាហ្គាវើលដ រាប់ពាន់នាក់ ធ្វើកូដកម្មទាមទារដំឡើងប្រាក់ខែ និងលក្ខខណ្ឌការងារ ល្អប្រសើរជាងមុន (រូបភាព៖ ខេមបូណូមីស)
None
![ខេត្តកំពត«ក្លាយជាទីតាំងដ៏មានសក្ដានុពលសម្រាប់ការផលិតស៊ីម៉ងត៍របស់កម្ពុជា» [រូបភាព៖ ហ្វេសប៊ុក នាយករដ្ឋមន្ត្រី ហ៊ុន សែន]](https://cdn.cambonomist.com/media/images/canva-photo-editor_11_BFhsG9l.2e16d0ba.fill-380x214.png)
