យោងតាម Big Bad Wolf Books ដែលជាអ្នករៀបចំពិព័រណ៍សៀវភៅនេះ ព្រឹត្តិការណ៍ដែលនឹងចាប់ផ្ដើមពីថ្ងៃទី១ ខែមករា ឆ្នាំ២០២០ ដល់ថ្ងៃទី២០ ខែមករា ឆ្នាំ២០២០នោះ គឺជាការតាំងពិព័រណ៍សៀវភៅដ៏ធំបំផុតនៅលើពិភពលោក។
ពិព័រណ៍នេះក៏នឹងជាលើកដំបូងផងដែរ នៅប្រទេសកម្ពុជា។ នេះបើយោងតាម Big Bad Wolf Books ដែលមានដើមកំណើតនៅប្រទេសម៉ាឡេស៊ី។
លោកស្រី Jacqueline Ng ដែលជាស្ថាបនិក Big Bad Wolf Books បាននិយាយនៅថ្ងៃព្រហស្បតិ៍ ទី១៩ ខែធ្នូនេះ ថា ការរៀបចំពិព័រណ៍បែបនេះគឺជាការបណ្តុះទម្លាប់អាន និងបង្កើតអ្នកជំនាន់ថ្មី។
លោកស្រី Jacqueline Ng បាននិយាយដូច្នេះថា ”សៀវភៅមានឥទ្ធិពលជំរុញទឹកចិត្ត និងផ្តល់អំណាចដល់មនុស្សជាមួយនឹងចំណេះដឹង ហើយយើងកំពុងផ្តល់ឱ្យពួកគេ នូវរបស់ទាំងអស់នេះ តាមរយ:ការពិព័រណ៍សៀវភៅ Big Bad Wolf។”
លោកស្រី Jacqueline Ng ដែលជាស្ថាបនិក Big Bad Wolf Books
អត្ថបទទាក់ទង
នៅកម្ពុជា មនុស្សមិនសូវចូលចិត្តអានសៀវភៅនោះទេ ជាទម្លាប់ ហើយបើសិនជាពួកគេអាន គឺភាគច្រើនអានកិច្ចការសាលា។
ទោះបីមានការគិតថា មានការកើនឡើងរបស់ក្មេងៗជំនាន់ក្រោយក្នុងការអានសៀវភៅក៏ដោយ ក៏មិនមានស្ថិតិពិតប្រាកដណាមួយបង្ហាញចំនួននោះដែរ។
លោកស្រី Jacqueline Ng បាននិយាយថា លោកស្រីមិនបានដឹងថា មានអ្នកអានចំនួនប៉ុន្មាននោះទេ នៅកម្ពុជា ក៏ប៉ុន្តែ តួលេខអ្នកអានអាចប្រហាក់ប្រហែល នឹងតួលេខនៅប្រទេសមីយ៉ាន់ម៉ា។
លោកស្រី Jacqueline Ng បាននិយាយដូច្នេះថា “ប្រទេសកម្ពុជា សម្រាប់ខ្ញុំ អ្នកអានមានចំនួនទាបណាស់ បើនិយាយពីសៀវភៅអង់គ្លេស គឺដោយសារតែវត្តមានរបស់ហាងលក់សៀវភៅអង់គ្លេស នៅទីនេះ គឺទាប។”
លោកស្រី Jacqueline Ng បន្តថា “ដូច្នេះ ដោយសារនេះជាលើកដំបូងនៅក្នុងប្រទេសកម្ពុជា វាគឺជាមេរៀនធំមួយសម្រាប់យើង”៕
