តើប្រធានាធិបតីថ្មីរបស់វៀតណាម ដែលទើបត្រូវបានតែងតាំងជានរណា?
សភាវៀតណាម បានបោះឆ្នោតជ្រើសតាំងឧត្តមសេនីយ៍យោធាលោក លឿង កឿង ឱ្យធ្វើជាប្រធានាធិបតីថ្មីរបស់វៀតណាម ជាការផ្លាស់ប្តូរមួយដែលគេរំពឹងទុកយ៉ាងទូលំ…
លោក វ៉្លាឌីមៀ ពូទីន ប្រធានាធិបតីរុស្ស៊ីកំពុងរៀបចំកិច្ចប្រជុំកំពូលនៃប្លុកប្រទេស BRICS ដែលប្រព្រឹត្តទៅចាប់ពីថ្ងៃទី២២-២៤ ខែតុលា នៅក្នុងទីក្រុងកាហ្សាន (Kazan) ប្រទេសរុស្ស៊ីនៅក្រោមស្រមោលនៃសង្គ្រាមនៅប្រទេសអ៊ុយក្រែន។ លោក ស៊ី ជីនពីង ប្រធានាធិបតីចិន និងនាយករដ្ឋមន្ត្រីឥណ្ឌាលោក ណារិនដ្រា ម៉ូឌី បានចូលរួមកិច្ចប្រជុំនេះ ប៉ុន្តែប្រធានាធិបតីប្រេស៊ីល លោក ល្វីស អ៊ីណាស៊ីយ៉ូ លូឡា ដា ស៊ីលវ៉ា (Luiz Inacio Lula da Silva) មិនបានចូលរួមនោះទេដោយសារមានបញ្ហាសុខភាព។
បច្ចុប្បន្នក្រុមប្រទេសប្រ៊ីក (BRICS) មានសមាជិក១០ប្រទេសហើយ ដែលមានចំនួនប្រជាជនសរុបស្មើនឹង៤៥% នៃចំនួនប្រជាជនសរុបក្នុងពិភពលោក និងមានទំហំសេដ្ឋកិច្ចស្មើនឹង៣៥% នៃសេដ្ឋកិច្ចពិភពលោក ក្នុងនោះប្រទេសចិន មានចំណែកច្រើនជាងគេ។ ដោយមើលឃើញពីសក្តានុពលទីផ្សារ និងសេដ្ឋកិច្ច លោក ពូទីន បានជំរុញឱ្យក្រុមប្រទេស BRICS បង្កើនឥទ្ធិពលរបស់ខ្លួន ដោយមិនចាំបាច់ពឹងផ្អែកលើបស្ចិមលោក ប៉ុន្តែនៅមានការខ្វែងគំនិតគ្នានៅក្នុងក្រុមនេះនៅឡើយដោយសារចិន និងឥណ្ឌាមានទំនាក់ទំនងមិនចុះសម្រុងគ្នា ហើយវានឹងមានការខាតបង់បន្តិចបន្ដួចរវាងពិភពអារ៉ាប់ និងអ៊ីរ៉ង់។
លោក ពូទីន ត្រូវបានចោទសួរដោយអ្នកសារព័ត៌មានមកពីក្រុមប្រទេស BRICS ពីក្ដីរំពឹងនៃបទឈប់បាញ់គ្នានៅអ៊ុយក្រែន ហើយលោកបានឆ្លើយយ៉ាងខ្លីថា ក្រុងម៉ូស្គូនឹងមិនបោះបង់តំបន់ទាំងបួននៅភាគខាងកើតនៃប្រទេសអ៊ុយក្រែនឡើយ ព្រោះវាជាផ្នែកមួយនៃទឹកដីរបស់រុស្ស៊ី។
ប្រភពពីប្រទេសរុស្ស៊ីចំនួនពីរបាននិយាយថា នៅពេលនេះមានការពិភាក្សាគ្នាកាន់តែខ្លាំងឡើងនៅទីក្រុងមូស្គូ អំពីកិច្ចព្រមព្រៀងបទឈប់បាញ់ដែលអាចកើតមាននាពេលខាងមុខ ប៉ុន្តែមកដល់ពេលនេះ មិនទាន់មានអ្វីច្បាស់លាស់នៅឡើយទេ ព្រោះពិភពលោកកំពុងរង់ចាំមើលលទ្ធផលនៃការបោះឆ្នោតប្រធានាធិបតីអាម៉េរិក នៅថ្ងៃទី៥ ខែវិច្ឆិកា ខាងមុខនេះ៕
អត្ថបទ៖ សុខ មង្គល
