តើវិស័យអចលនទ្រព្យនៅឆ្នាំ២០២២ នឹងមានការប្រែប្រួលយ៉ាងណាខ្លះ?
ព័ត៌មាន
•
ក្រុមអ្នកជំនួញ និងវិនិយោគិនធំៗក្នុងវិស័យអចលនទ្រព្យមានសុទិដ្ឋិនិយមខ្ពស់ចំពោះភាពរីកចម្រើននៃវិស័យអចលនទ្រព្យរបស់កម្ពុជានៅឆ្នាំក្រោយនេះ ក្រោយរា…
កម្មវិធីស្បៀងអាហារពិភពលោក World Food Programme (WFP) ដែលជាភ្នាក់ងារមួយរបស់អង្គការសហប្រជាជាតិ បានអះអាងថា ចំនួនមនុស្សដែលកំពុងប្រឈមនឹងភាពអត់ឃ្លានបានកើនឡើងពី ៤២លាននាក់ នៅដើមឆ្នាំ២០២១ មកដល់ ៤៥លាននាក់នៅចុងឆ្នាំដដែល។
ប្រការនេះ ក៏ដោយសារតែគេមើលឃើញពី អសន្តិសុខស្បៀងអាហារសម្រាប់មនុស្សប្រមាណ៣លាននាក់នៅអាហ្វហ្គានីស្ថាន ដែលកំពុងប្រឈមមុខនឹងភាពអត់ឃ្លាន ក្រោយវិបត្តិនយោបាយនៅក្នុងប្រទេស។
នាយកប្រតិបត្តិ នៃកម្មវិធីស្បៀអាហារពិភពលោក លោក David Beasley បាននិយាយថា មនុស្សប្រហែល១០លាននាក់ទៀត កំពុងផុងខ្លួនកាន់តែជ្រៅនៅក្នុងវិបត្តិ រួមមានជម្លោះនយោបាយ បញ្ហាអាកាសធាតុប្រែប្រួល និងកូវីដ១៩ជាដើម។
លោក David បានបន្ថែមថា នៅមានកត្តាជាច្រើទៀត ដែលរុញច្រានឲ្យចំនួនមនុស្សប្រឈមនឹងគ្រោះអត់ឃ្លានកើនឡើងកាន់តែច្រើន នោះក៏ដោយសារតែ បច្ចុប្បន្នថ្លៃសាំងឡើងថ្លៃ ស្បៀងអាហារពិភពលោក ក៏ឡើងថ្លៃ បញ្ហាទាំងអស់នេះ នាំឱ្យមនុស្សធ្លាក់ខ្លួនទៅក្នុងវិបត្តិថ្មីមួយទៀត។
ជាក់ស្តែង បើតាមរបាយការណ៍ អង្គការស្បៀងអាហារ និងកសិកម្មពិភពលោកកាលពីពេលថ្មីៗនេះ បានឲ្យដឹងថា នៅអំឡុងពេលមួយឆ្នាំចុងក្រោយ តម្លៃស្បៀងអាហារបានហក់ឡើងជាង ៣១%។ ខណៈតម្លៃស្បៀងអាហារនៅបីខែចុងក្រោយរាប់ពីខែសីហា ដល់ខែតុលា នៅបន្តឡើងថ្លៃមិនស្រាកស្រាន្ដ ពោលគឺបានកើនឡើង ៣%បន្ថែមទៀតនៅខែតុលា បើធៀបនឹងខែកញ្ញា។
សូមជម្រាបថា បើតាមកម្មវិធីស្បៀងអាហារពិភពលោក ការចំណាយលើការទប់ទល់នឹងគ្រោះអត់ឃ្លាននៅទូទាំងពិភពលោកបច្ចុប្បន្ននេះមានចំនួន ៧ពាន់លានដុល្លារ កើនឡើងពី ៦,៦ពាន់លានដុល្លារកាលពីដើមឆ្នាំនេះ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
