ការគំរាមកំហែងពន្ធរបស់លោក ត្រាំ កំពុងរុញឱ្យមេដឹកនាំ G7 ងាកទៅពង្រឹងពាណិជ្ជកម្មជាមួយចិន
សម្ពាធសេដ្ឋកិច្ច និងនយោបាយ ដែលរដ្ឋបាលលោក ដូណាល់ ត្រាំ បានដាក់លើក្រុមប្រទេស G7 ក្នុងរយៈពេល១ឆ្នាំកន្លងមកនេះ កំពុងជំរុញឱ្យមេដឹកនាំ នៃក្រុមប្…
លោកស្រី ចូសេហ្វីន តេវ (Josephine Teo) រដ្ឋមន្ត្រីក្រសួងអភិវឌ្ឍន៍ឌីជីថល និងព័ត៌មាន បានបញ្ជាក់ថា ខ្លួនកំពុងវិនិយោគក្នុងទំហំទឹកប្រាក់ជាង៧៨៦លានដុល្លារលើការស្រាវជ្រាវ និងអភិវឌ្ឍន៍ AI ថ្នាក់ជាតិ ដើម្បីពង្រឹងសមត្ថភាពស្រាវជ្រាវបញ្ញាសិប្បនិម្មិតក្នុងវិស័យសាធារណៈសម្រាប់រយៈពេល៥ឆ្នាំ ចាប់ពីឆ្នាំ២០២៥-២០៣០។ សម្រាប់រដ្ឋមន្ត្រីរូបនេះ សិង្ហបុរី ចាំបាច់ត្រូវតែបង្កើនការវិនិយោគបន្ថែម ដើម្បីធ្វើទំនើបកម្មកម្មវិធី AI ទោះបីជាខ្លួនបានដាក់ចេញយុទ្ធសាស្ត្រ AI តាំងពីឆ្នាំ២០១៩ លើវិស័យសំខាន់ៗដូចជា ការអប់រំ, សុខាភិបាល, ភស្តុភារកម្ម, សន្តិសុខ និងសេវាសាធារណៈរួចហើយក៏ដោយ។
លោកស្រីបានបន្ថែមថា កញ្ចប់មូលនិធិថ្មីនេះ នឹងក្លាយជាកម្លាំងចលករក្នុងការជំរុញនវានុវត្តន៍ AI ឱ្យកាន់តែរឹងមាំ និងឆ្លើយតបទៅនឹងតម្រូវការជាក់ស្តែង។ ទោះជាយ៉ាងណា លោកស្រី រដ្ឋមន្ត្រី ក៏បានទទួលស្គាល់ផងដែរថា បើទោះបីជាមានការរីកចម្រើនគួរឱ្យកត់សម្គាល់ ប៉ុន្តែសិង្ហបុរី នៅតែប្រឈមនឹងដែនកំណត់ជាមូលដ្ឋានមួយចំនួនក្នុងការអភិវឌ្ឍ AI ដែលទាមទារឱ្យមានការសិក្សាស្រាវជ្រាវបន្ថែមទៀត ដែលមិនអាចខ្វះបាន។
គួរជម្រាបថា កញ្ចប់ថវិកាជាង៧៨៦លានដុល្លារនេះ គឺជាផ្នែកមួយនៃកញ្ចប់មូលនិធិស្រាវជ្រាវជាតិសរុប ដែលមានតម្លៃរហូតដល់ដល់ទៅជាង២៨ពាន់លានដុល្លារ ដែលសិង្ហបុរី បានសម្រេចដាក់ចេញកាលពីខែធ្នូ ឆ្នាំ២០២៥កន្លងទៅ ដើម្បីគាំទ្រដល់ការស្រាវជ្រាវ ការច្នៃប្រឌិត និងការអភិវឌ្ឍសហគ្រិនភាពរបស់ជាតិ ឱ្យឈានដល់កម្រិតកំពូល៕
ដោយៈ សរ សុជាតិ
