កម្ពុជានឹងអភិវឌ្ឍន៍ហេដ្ឋារចនាសម្ព័ន្ធចំនួន៤៤គម្រោងប្រវែងជាង៣ពាន់គីឡូម៉ែត្រ
រាជរដ្ឋាភិបាលកម្ពុជា នៅតែបន្តផ្តល់អាទិភាពខ្ពស់លើការអភិវឌ្ឍន៍ហេដ្ឋារចនាសម្ព័ន្ធ ដោយក្រសួងសាធារណការ និងដឹកជញ្ជូន កំពុងរៀបចំផែនការលើកកម្ពស់…
សមាជិកព្រឹទ្ធសភាមកពីគណបក្សប្រជាធិបតេយ្យ លោកស្រី អេលីហ្សាបេត វ៉ារេន (Elizabeth Warren) និងលោក អ៊ែនឌី គីម (Andy Kim) បានផ្ញើលិខិតទៅកាន់រដ្ឋមន្ត្រីក្រសួងការពារជាតិអាម៉េរិក លោក ភីត ហេកសេត (Pete Hegseth) ដោយសម្តែងការព្រួយបារម្ភយ៉ាងខ្លាំងថា ការវិនិយោគរបស់ចិន នៅក្នុងក្រុមហ៊ុន SpaceX អាចជាការគំរាមកំហែងដល់សន្តិសុខជាតិ ដែលអាចបង្កគ្រោះថ្នាក់ដល់ហេដ្ឋារចនាសម្ព័ន្ធខាងយោធា ចារកម្ម និងស៊ីវិលសំខាន់ៗ។
ផ្អែកតាមសក្ខីកម្ម និងរបាយការណ៍សម្ងាត់បានបង្ហាញថា វិនិយោគិនដែលមានទំនាក់ទំនងជាមួយប្រទេសចិន បានប្រើប្រាស់ក្រុមហ៊ុនស្រមោល នៅលើកោះ សាយម៉ាន (Cayman) និងកោះ ប្រ៊ីធីស វើរជីន (British Virgin) ដើម្បីធ្វើជាខែលបិទបាំងការបញ្ចូនលុយមកទិញភាគហ៊ុនរបស់ក្រុមហ៊ុន SpaceX។
សមាជិកព្រឹទ្ធសភាទាំង២រូបបានព្រមានថា ការដែលក្រុមហ៊ុនចិនណាមួយក្លាយជាម្ចាស់កម្មសិទ្ធិ វាជាការបំពានច្បាប់របស់សហរដ្ឋអាម៉េរិក ព្រោះទិន្នន័យបច្ចេកវិទ្យាសម្ងាត់អាចនឹងត្រូវលេចធ្លាយទៅដល់ដៃគូប្រកួតប្រជែង។ ជាមួយគ្នានេះពួកគេទុកពេលឱ្យមន្ទីរបញ្ចកោណឆ្លើយតបយ៉ាងយូរត្រឹមថ្ងៃទី២០ ខែកុម្ភៈ។
សូមបញ្ជាក់ថា ក្រុមហ៊ុន SpaceX របស់កំពូលមហាសេដ្ឋី អេឡិន ម៉ាស់ (Elon Musk) មានតួនាទីយ៉ាងសំខាន់ក្នុងហេដ្ឋារចនាសម្ព័ន្ធផ្នែកសន្តិសុខជាតិ របស់សហរដ្ឋអាម៉េរិក តាមរយៈការបាញ់បង្ហោះផ្កាយរណបចារកម្ម និងការផ្តល់ប្រព័ន្ធទំនាក់ទំនង Starlink ដែលកំពុងប្រើប្រាស់យ៉ាងសកម្មក្នុងសមរភូមិនៅអ៊ុយក្រែន និងកិច្ចការយោធាអាម៉េរិកជុំវិញពិភពលោក៕
អត្ថបទៈ សួន ឡង់ទី
