#ក្រុមហ៊ុន SpaceX

ក្រុមហ៊ុនបច្ចេកវិទ្យាអវកាសយក្ស SpaceX របស់កំពូលមហាសេដ្ឋី អេឡុន ម៉ាស់ (Elon Musk) បានបញ្ជាក់ជាផ្លូវការអំពីផែនការបោះផ្សាយលក់ភាគហ៊ុនជាសាធារណៈលើកដំបូង ឬហៅថា IPO ក្នុងគោលដៅកៀរគរទុនឱ្យបានរហូតដល់៧៥ពាន់លានដុល្លារអាម៉េរិក។ ទំហំទឹកប្រាក់ដ៏មហាសាលនេះ ត្រូវបានគេរំពឹងថា នឹងក្លាយជាការបោះផ្សាយ IPO ដ៏ធំបំផុតមិនធ្លាប់មាននៅក្នុងប្រវត្តិសាស្ត្រសកលលោក។ យោងតាមការចុះផ្សាយរបស់សារព័ត៌មានហិរញ្ញវត្ថុ Yahoo Finance ក្រុមហ៊ុន SpaceX គ្រោងនឹងដាក់លក់ភាគហ៊ុនប្រមាណជាង៥៥៥លានហ៊ុនក្នុងតម្លៃថេរ១៣៥ដុល្លារក្នុងមួយហ៊ុន។