និយ័តករទូរគមនាគមន៍ កម្ពុជា ព្រមានលុបចោលគេហទំព័ររបស់ក្រុមហ៊ុនជាង ១០០ក្រុមហ៊ុន បើមិនព្រមទូទាត់សងបំណុល

សេក្ដីប្រកាសដដែលនេះ ផ្ដោតចំពោះក្រុមហ៊ុនដែលនៅជំពាក់បំណុលលើការប្រើប្រាស់សេវាគេហទំព័រសម្រាប់ឆ្នាំ២០១៣ រហូតដល់ឆ្នាំ២០១៤។ និយ័តករទូរគមនាគមន៍កម្ពុជា បានបញ្ជាក់នឹងផ្អាកដំណើរការគេហទំព័រជាង១០០ក្រុមហ៊ុនជាបណ្ដោះអាសន្ន ហើយនិងបន្តទុកពេលសម្រាប់ឲ្យក្រុមហ៊ុនទាំងអស់នោះចូលមកធ្វើការសងបំណុលរហូតទៅដល់ថ្ងៃផុតកំណត់ចុងក្រោយផងដែរនៅថ្ងៃទី ១៧ ខែកញ្ញា ឆ្នាំ២០២១ខាងមុខនេះ។ 

ក្នុងករណី ក្រុមហ៊ុនទាំងអស់នោះ នៅតែមិនទាន់សង ឬមានការគេចវេសនៅក្នុងទូទាត់ត្រឹមកាលដែលបានកំណត់ទេនោះ និយ័តករទូរគមនាគមន៍កម្ពុជា នឹងធ្វើការលុបឈ្មោះជាស្ថាពរពីប្រព័ន្ធ CCTLD សម្រាប់គេហទំព័រ .kh។

អត្ថបទ៖ ហួន ស្រីនីត