ហេតុអ្វីធនាគារពិភពលោកប្រាប់ឱ្យវៀតណាម ដំឡើងពន្ធលើគ្រឿងស្រវឹងរហូតដល់១៥៥%?
ធនាគារពិភពលោកបានផ្តល់យោបល់ដល់ប្រទេសវៀតណាម ឱ្យពិចារណាដំឡើងពន្ធពី៦៥% ទៅ១៥៥% លើគ្រឿងស្រវឹង ដើម្បីឆ្លើយតបនឹងការកើនឡើងចំនួនអ្នកស្លាប់ និងអ្ន…
ក្រុមហ៊ុនផលិតរថយន្តអគ្គិសនីរបស់កំពូលមហាសេដ្ឋី អេឡុន ម៉ាស នៅសប្តាហ៍នេះបានប្រកាស ប្រមូលរថយន្តជាង១លាន៨សែនគ្រឿង នៅទូទាំងសហរដ្ឋអាម៉េរិកជាថ្មី ដើម្បីយកមកត្រួតពិនិត្យឡើងវិញ ដោយសារហានិភ័យនៃបញ្ហា របើកគម្របម៉ាស៊ីននៅក្នុងអំឡុងពេលបើកបរ។ រដ្ឋបាលសុវត្ថិភាពចរាចរណ៍ផ្លូវហាយវេជាតិសហរដ្ឋអាម៉េរិក បាននិយាយថា ការរបើកគម្របម៉ាស៊ីននេះ អាចបង្កើនហានិភ័យនៃគ្រោះថ្នាក់ចរាចរណ៍នៅពេលបើកបរ។ ស្ថាប័ននេះបាននិយាយថា ក្រុមហ៊ុន Tesla នៅពាក់កណ្តាលខែមិថុនា បានចាប់ផ្តើមដាក់ឱ្យដំណើរការអាប់ដេតកម្មវិធីមួយចំនួន ដើម្បីសុវត្ថិភាពរបស់រថយន្ត ហើយកម្មវិធីដែលបានអាប់ដេត ក៏បានរកឃើញបញ្ហានៅគន្លឹះបើកបិទគម្របម៉ាស៊ីននេះ។
រថយន្តដែលមានបញ្ហា គឺមានជាច្រើនម៉ូដែលដូចជា 2021-2024 Model 3, Model S, Model X, និងម៉ូដែល 2020-2024 Model Y។ ក្រុមហ៊ុន Tesla បាននិយាយថា រថយន្តទាំងនោះត្រូវបានបំពាក់ដោយគម្រប ដែលផលិតនៅប្រទេសចិន ដោយក្រុមហ៊ុន Magna Closures។
ក្រុមហ៊ុននេះបាននិយាយថា ខ្លួនបានចាប់ផ្តើមស៊ើបអង្កេតលើការត្អូញត្អែររបស់អតិថិជនអំពីករណីរបើកគម្របកើតមានលើរថយន្ត Model 3 និង Model Y មួយចំនួននៅក្នុងប្រទេសចិន ក្នុងខែមីនា ហើយក៏បានចាប់ផ្តើមត្រួតពិនិត្យឡើងវិញតែម្តង។
ក្រុមហ៊ុន Tesla បាននិយាយផងដែរថា ខ្លួនមានរបាយការណ៍តែ៣ករណីប៉ុណ្ណោះ ដែលបានកើតមានឡើងនៅក្នុងសហរដ្ឋអាម៉េរិក ប៉ុន្តែមិនមានរបាយការណ៍អំពីគ្រោះថ្នាក់ ឬរបួសដែលទាក់ទងនឹងបញ្ហានេះនៅឡើយទេ។
ការប្រមូលមកវិញនូវរថយន្តជិត២លានគ្រឿងនេះ គឺជាការប្រមូលរថយន្តធំបំផុតទី២របស់ Tesla ចាប់តាំងពីខែធ្នូមក ជាពេលដែលក្រុមហ៊ុននេះបានប្រមូលរថយន្តជាង២លានគ្រឿង ដើម្បីត្រួតពិនិត្យ និងដំឡើងប្រព័ន្ធការពារថ្មីនៅក្នុងប្រព័ន្ធបើកបរដោយស្វ័យប្រវត្តិ៕
ដោយៈ សរ សុជាតិ
None
