កិច្ចព្រមព្រៀងដែលក្រុមហ៊ុនរបស់ប្រទេសន័រវេបានប្រកាសកាលពីថ្ងៃទី ១៩ វិច្ឆិកា បានឲ្យដឹងថា ក្រុមហ៊ុនថៃ CP Group និងក្រុមហ៊ុន Telenor របស់ន័រវេ នឹងរួមបញ្ចូលគ្នានូវប្រតិបត្តិការទូរគមនាគមន៍នៃក្រុមហ៊ុនប្រតិបត្តិករទូរស័ព្ទចល័តធំជាងគេទីបីនៅក្នុងប្រទេសថៃ ដែលហៅកាត់ថា ឌីថេក (Dtac) របស់ Telenor ជាមួយក្រុមហ៊ុន True ដែលស្ថិតនៅក្រោមក្រុមហ៊ុន CP Group និងជាក្រុមហ៊ុនផ្តល់សេវាទូរទស្សន៍ខ្សែកាបធំបំផុតក្នុងប្រទេសថៃ។
កិច្ចព្រមព្រៀងនេះ នឹងក្លាយជាការចងសម្ព័ន្ធទីពីររបស់ក្រុមហ៊ុនន័រវេសនៅអាស៊ីអាគ្នេយ៍នៅឆ្នាំនេះ បន្ទាប់ពីការចុះកិច្ចព្រមព្រៀងរួមបញ្ចូលគ្នានូវប្រតិបត្តិការទូរស័ព្ទកាលខែមិថុនាជាមួយក្រុមហ៊ុន អេសៀតតា គ្រុប (Axiata Group) នៅក្នុងប្រទេសម៉ាឡេស៊ីដែលតម្លៃ ១៥ ពាន់លានដុល្លារ។
អត្ថបទគួរអាន
ការព្យាយាមពង្រីកទីផ្សាររបស់ក្រុមហ៊ុនន័រវេរ Telenor នៅតំបន់អាស៊ីអាគ្នេយ៍នេះ គឺស្របពេលគ្នានឹងប្រតិបត្តិករទូរស័ព្ទចល័តកំពុងប្រឈមមុខនឹងសម្ពាធលើប្រាក់ចំណេញនៅក្នុងបរិយាកាសឧស្សាហកម្មដែលមានការប្រកួតប្រជែង និងចំណាយលើការវិនិយោគកាន់តែកើនឡើងនៅពេលដែលមានការលេចឡើងនូវបច្ចេកវិទ្យាថ្មីៗដូចជា 5G ជាដើម។
សូមជម្រាបថា បច្ចុប្បន្ននេះ ក្រុមហ៊ុន Telenor បានបម្រើអតិថិជនចំនួន ១៧២ លាននាក់ ខណៈប្រាក់ចំណូលប្រហែល ៥០ ភាគរយ បានមកពីតំបន់អាស៊ី និង ៥០ភាគរយទៀតបានមកពីបណ្ដាប្រទេសអឺរ៉ុបខាងជើង៕None
