បើតាមសេចក្តីប្រកាសព័ត៌មានផ្លូវការនៅថ្ងៃច័ន្ទនេះ ពីការិយាល័យកិច្ចការបរទេសរបស់អង់គ្លេស ហើយត្រូវបានយកមកចុះផ្សាយ ដោយសារព័ត៌មានរ៉យទ័របានឲ្យដឹងថា កិច្ចប្រជុំខាងលើនឹងធ្វើឡើងពីថ្ងៃទី១០ រហូតដល់ថ្ងៃ១២ ខែធ្នូឆ្នាំ២០២១ នៅទីក្រុង Liverpool។
បើតាមប្រភពពីការិយាល័យកិច្ចការបរទេសរបស់អង់គ្លេស កិច្ចប្រជុំនឹងជជែកពិភាក្សាពីបញ្ហារួមមួយចំនួនរួមមាន បញ្ហាសេដ្ឋកិច្ច ក្រោយកូវីដ១៩ បញ្ហាសុខាភិបាល និងសិទ្ធិមនុស្សអន្តរជាតិជាដើម។
ក្នុងចំណោមរដ្ឋមន្ត្រីដែលនឹងមកចូលរូមកិច្ចប្រជុំ មានរដ្ឋមន្ត្រីអាស៊ានមកពី៣ប្រទេសប៉ុណ្ណោះ ដែលនឹងត្រូវអញ្ជើញឲ្យចូលរួម ក្នុងនោះដូចជារដ្ឋមន្ត្រីប្រទេសម៉ាឡេស៊ី ប្រទេសថៃ និងឥណ្ឌូនេស៊ី។ នេះគឺជាលើកទៅមួយហើយ ដែលរដ្ឋមន្ត្រីប្រទេសមកពីតំបន់អាស៊ាន ត្រូវបានគេអញ្ជើញឲ្យចូលរួមក្នុងកិច្ចប្រជុំរដ្ឋមន្ត្រី G7។
ប្រការនេះបានឆ្លុះបញ្ចាំងពីកិច្ចខិតខំប្រឹងប្រែង និងភាពរីកចម្រើននៃយុទ្ធសាស្ត្រឥណ្ឌូប៉ាស៊ីហ្វិក របស់ចក្រភពអង់គ្លេស ក្រោយចាកចេញពីសហភាពអឺរ៉ុប។ ជាក់ស្តែង រដ្ឋមន្ត្រីការបរទេសអង់គ្លេស លោកស្រី Liz Truss បានអះអាងថា អង់គ្លេសនឹងធ្វើជាម្ចាស់ផ្ទះសម្រាប់មិត្តភាព និងភាពជាដៃគូរបស់ ដើម្បីពិភាក្សាអំពីការ បង្កើតទំនាក់ទំនងសេដ្ឋកិច្ច បច្ចេកវិទ្យា និងសន្តិសុខ កាន់តែជិតស្និទ្ធជាសកល។អត្ថបទគួរអាន
គួរជម្រាបថា សេចក្តីប្រកាសព័ត៌មានដដែលខាងលើ មិនបានបញ្ជាក់ពីការអញ្ជើញ មេដឹកនាំយោធាភូមា ឲ្យមកចូលរួមនោះទេ ហើយមន្ត្រីជាន់ខ្ពស់អង់គ្លេស ក៏បានគូសបញ្ជាក់ផងដែរ ពួកគេនឹងមិនអញ្ជើញលោក មីនអ៊ុង ឡាំង ឲ្យមកចូលរួមឡើយ។
សូមបញ្ជាក់ថា បន្ទាប់ពីបានចាកចេញរបស់អង់គ្លេសពីសហភាពអឺរ៉ុប (Brexit) បានខិតខំដណ្តើមទីផ្សារអាស៊ីជាមួយសហភាពអឺរ៉ុបខ្លាំមែនទែន ព្រមទាំងព្យាយាមពង្រីកឥទ្ធិពលរបស់ខ្លួននៅតំបន់អាស៊ីផងដែរ។ ជាក់ស្តែង ជំនួប G7 និងអាស៊ានដែលអង់គ្លេសធ្វើជាម្ចាស់ផ្ទះនៅចុងឆ្នាំនេះ នឹងក្លាយជាជំហានថ្មីមួយទៀតរបស់អង់គ្លេស ក្នុងការពង្រីកឥទ្ធិពលរបស់ខ្លួន នៅអាស៊ីអាគ្នេយ៍កាន់តែខ្លាំងក្លាយមួយកម្រិតទៀត៕© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
