មន្រ្តីនៃការិយាល័យច្រករបៀងសេដ្ឋកិច្ចខាងកើតថៃបានធ្វើការកែសម្រួលផែនការវិនិយោគរយៈពេល ៥ឆ្នាំ ដែលចាប់ផ្តើមពីឆ្នាំ ២០២០នេះតទៅ ហើយគម្រោងថ្មីនេះ នឹងត្រូវបានដាក់ជូន ឧបនាយករដ្ឋមន្រ្តី ដើម្បីអនុម័តក្នុងរយៈពេល ២សប្តាហ៍ខាងមុខ។
បើតាម អគ្គលេខាធិការនៃការិយាល័យច្រកនេះ បានគូសបញ្ជាក់ថា គ្រប់គ្នាអាចមើលឃើញពី ការប្រែប្រួលនៃបរិយាកាស នៅក្នុងសេដ្ឋកិច្ចសកល បន្ទាប់ពីលោក ចូ បៃដិនឈ្នះលើការបោះឆ្នោត ដូច្នេះហើយ វិនិយោគិនបរទេសជាច្រើន នឹងស្វែងរកឱកាសវិនិយោគថ្មីៗ និងទីផ្សារថ្មីៗ សម្រាប់ផលិតផល និងសេវាកម្មរបស់ពួកគេ ហើយក្នុងនោះ ប្រទេសថៃគឺជាគោលដៅដ៏ទាក់ទាញ និងមានសក្តានុពល។
អត្ថបទទាក់ទង!
នៅក្នុងគោលដៅទាក់ទាញវិនិយោគនេះ ១២ពាន់លានដុល្លារអាមេរិក គឺសម្រាប់ការអភិវឌ្ឍហេដ្ឋារចនាសម្ព័ន្ធ ខណៈ ៤០ពាន់លានដុល្លារផ្សេងទៀត គឺសម្រាប់ការវិនិយោគលើ វិស័យឧស្សាហកម្មបច្ចេកវិទ្យាទំនើប រាប់បញ្ចូលទាំងការផលិតឡានជំនាន់ចុងក្រោយ ផលិតមនុស្សយន្ត និងបច្ចេកវិទ្យាលើវេជ្ជសាស្រ្តជាដើម។
គួររម្លឹកបន្តិចថា ឧបនាយករដ្ឋមន្រ្តីថៃ បានប្រកាសរួចហើយថា នឹងជំរុញ ច្រករបៀងសេដ្ឋកិច្ចខាងកើត ឲ្យក្លាយទៅជា មជ្ឈមណ្ឌលសេដ្ឋកិច្ច និងវិនិយោគពិសេស ដែលប្រមូលផ្តុំទៅដោយ បច្ចេកវិទ្យាទំនើប ឧស្សាហកម្មផលិតយក្សយក្ស និងសេវាកម្មដ៏សម្បូរបែប ដើម្បីបម្រើដល់បណ្តាប្រទេសអាស៊ាន៕
None
