ទីផ្សារផ្តល់សេវាកម្មពាក់ព័ន្ធសត្វចិញ្ចឹមលើពិភពលោកមានតម្លៃលើស៤០ពាន់លានដុល្លារក្នុង១ឆ្នាំ
ទីផ្សារផ្តល់សេវាកម្មពាក់ព័ន្ធនឹងសត្វចិញ្ចឹមនៅលើពិភពលោកជាពិសេសនៅសហភាពអឺរ៉ុប ត្រូវបានគេអះអាងថា មានទំហំដ៏មហាសាលរហូតដល់៤០ពាន់លានដុល្លារអ…
អគ្គនាយកដ្ឋានរ៉ែឥន្ធនៈ (DMF) នៃក្រសួងថាមពលថៃ បានប្រកាសកាលពីថ្ងៃពុធ ទី២៥ ខែធ្នូ ថា នៅឆ្នាំ២០២៥ ដ៏ខ្លីខាងមុខនេះ ខ្លួននឹងបើកដំណើរការដេញថ្លៃសុំសិទ្ធិរុករករ៉ែប្រេងកាតលើដីគោកក្នុងខេត្តចំនួន៩ផ្សេងគ្នា។ លោក វ៉ារ៉ាកន ព្រំមុបុល (Warakorn Prommobol) អគ្គនាយកនៃអគ្គនាយកដ្ឋានរ៉ែឥន្ធនៈថៃ (DMF) បានលើកឡើងថា ក្រុមហ៊ុនថាមពលណា ដែលមានចំណាប់អារម្មណ៍អាចទាញយក ឬដោនឡូតពាក្យស្នើសុំរបស់អគ្គនាយកដ្ឋានរ៉ែឥន្ធនៈថៃបាន ដើម្បីចូលរួមក្នុងដំណើរការដេញថ្លៃនេះ ដែលអាចនឹងរៀបចំឡើងនៅខែកក្កដា ឆ្នាំ២០២៥។
លោកបានគូសបញ្ជាក់ថា ទីតាំងរុករករ៉ែប្រេងកាតលើដីគោកទាំង៩ទីតាំងខាងលើនេះគ្របដណ្ដប់លើផ្ទៃដីជិត៣ម៉ឺន៣ពាន់៥រយគីឡូម៉ែត្រការ៉េ ហើយថា ទីតាំងចំនួន៧ ស្ថិតក្នុងបណ្ដាខេត្តភាគឦសាននៃប្រទេសថៃ រួមទាំងខេត្តសុរិន្ទ (Surin) ដែលជាប់ព្រំដែនកម្ពុជា យើងផងដែរ ខណៈដែល២ទីតាំងផ្សេងទៀតស្ថិតនៅខេត្តភាគកណ្ដាលនៃប្រទេសនេះ។
លោក វ៉ារ៉ាកន ព្រំមុបុល ជឿជាក់ថា ធនធានរ៉ែប្រេងកាតនៅ៩ទីតាំងខាងលើនេះនឹងអាចទាក់ទាញការវិនិយោគក្នុងទំហំទឹកប្រាក់ប្រមាណ៧០លានដុល្លារអាម៉េរិក និងជួយបង្កើតការងាថ្មីៗជូនពលរដ្ឋជាច្រើន។
សូមបញ្ជាក់ថា ផែនការរបស់ប្រទេសថៃ ក្នុងការសហការជាមួយភាគីកម្ពុជា លើការផលិតប្រេងរួមគ្នាក្នុងតំបន់មានជម្លោះ ឬតំបន់ទាមទារត្រួតស៊ីគ្នា (OCA) នៃឈូងសមុទ្រថៃ បានបង្កឱ្យមានភាពចម្រូងចម្រាសយ៉ាងខ្លាំង ដោយក្រុមអ្នករិះគន់ដែលជាជនជាតិថៃ បានបង្ហាញការព្រួយបារម្ភខ្លាចកិច្ចសហការលើការផលិតប្រេងរួមគ្នាក្នុងតំបន់ទាមទារត្រួតស៊ីគ្នា (OCA) នេះជះផលប៉ះពាល់លើអធិបតេយ្យភាពរបស់ថៃ។ នេះបើយោងតាមការចុះផ្សាយរបស់កាសែត បាងកក ប៉ុស្ដិ៍៕
ដោយ: តែម សុខុម
