ចិន ជំរុញឱ្យអាម៉េរិក កែកំហុសរបស់ខ្លួន ចំពោះការរឹតបន្តឹងមិនឱ្យប្រើបន្ទះឈីបរបស់ខ្លួន
ប្រទេសចិន ដែលជាមហាអំណាចសេដ្ឋកិច្ចធំបំផុតទី២ នៅលើពិភពលោក បានជំរុញឱ្យមហាអំណាចសេដ្ឋកិច្ចលេខ១ លើពិភពលោកអាម៉េរិក កែតម្រូវកំហុសរបស់ខ្លួនជា…
រដ្ឋាភិបាលថៃ ដឹកនាំដោយលោកស្រី ផែថងថាន ស៊ីណាវ៉ាត្រា បានតាក់តែងសេចក្ដីព្រាងច្បាប់ ដើម្បីបើកផ្លូវឱ្យការសាងសង់ ឬបើកកាស៊ីណូក្នុងស្រុកដោយស្របច្បាប់ ប៉ុន្តែមកទល់ពេលនេះ សេចក្ដីព្រាងច្បាប់នេះ នៅមិនទាន់បានអនុម័តជាផ្លូវការពីរដ្ឋសភានៅឡើយទេ ចំពេលមានការព្រួយបារម្ភពីមហាជនកាន់តែច្រើន និងស្ថាប័នជាតិ ខ្លះថា ច្បាប់នេះ អាចធ្វើឱ្យខូចមុខមាត់ប្រទេសជាតិ ក៏ដូចជាទាញទម្លាក់ថៃ ឱ្យធ្លាក់ចូលពណ៌ប្រផេះ។
ទោះជាមានការព្រួយបារម្ភ និងការជំទាស់ចំពោះផែនការនេះក៏ដោយ ក្រសួងហិរញ្ញវត្ថុថៃ បានការពារផែនការនេះ ដោយអនុរដ្ឋមន្ត្រីហិរញ្ញវត្ថុថៃ លោក ជូឡាផាន អាម៉នវីវ៉ាត បានអះអាងថា ការរីកសាយភាយនូវល្បែងស៊ីសងខុសច្បាប់នៅទូទាំងប្រទេសថៃ ដែលគេមិនសូវចាប់អារម្មណ៍នោះ បានបង្ហាញពីហានិភ័យខ្ពស់នៃរូបភាពសេដ្ឋកិច្ចពណ៌ប្រផេះជាងការដាក់កាស៊ីណូឱ្យស្ថិតគ្រប់គ្រងដោយច្បាប់ និងការត្រួតពិនិត្យយ៉ាងតឹងរ៉ឹងទៅទៀត។
ជាមួយគ្នានេះលោក ជូឡាផាន បានបញ្ជាក់អំពីការប្ដេជ្ញាចិត្តរបស់រដ្ឋាភិបាលចំពោះគម្រោងបង្កើតកន្លែងកម្សាន្តនេះ បន្ទាប់ពីគណៈរដ្ឋមន្ត្រីបានអនុម័តរួចហើយ ហើយពេលនេះសេចក្ដីព្រាងច្បាប់នៃការបង្កើតកន្លែងកម្សាន្តនេះកំពុងដំណើរការបញ្ជូនទៅកាន់សភាផងដែរ។ លោកបានសង្កត់ធ្ងន់ថា ចក្ខុវិស័យរបស់រដ្ឋាភិបាល គឺគ្របដណ្តប់លើការអភិវឌ្ឍជាតិ ចម្រុះរួមទាំងកន្លែងថែទាំសុខភាពរួមជាមួយនឹងមជ្ឈមណ្ឌលកម្សាន្តផងដែរ។
រដ្ឋាភិបាលថៃ ជឿជាក់យ៉ាងមុតមាំថា គម្រោងនេះនឹងក្លាយជាចំណុចរបត់ដ៏សំខាន់មួយសម្រាប់សេដ្ឋកិច្ច និងទេសចរណ៍របស់ប្រទេសថៃ ដោយអាចទាក់ទាញការវិនិយោគអប្បបរមា ដែលត្រូវបានព្យាករថានឹងលើសពី១០០ពាន់លានបាត ប្រមាណជាង៣ពាន់លានដុល្លារ និងរួមចំណែកជួយជំរុញកំណើនសេដ្ឋកិច្ចយ៉ាងច្រើនសម្រាប់ថៃ៕
ដោយ៖ សុខ មង្គល
