តើការពង្រីកទីក្រុងហូជីមិញ បានបង្ហាញពីបញ្ហាប្រឈមនៃកំណែទម្រង់រដ្ឋឬយ៉ាងណា?
ទីក្រុងហូជីមិញ ដែលជាមជ្ឈមណ្ឌលផ្តល់សេវាកម្ម និងហិរញ្ញវត្ថុ និងជាមជ្ឈមណ្ឌលសេដ្ឋកិច្ច ពាណិជ្ជកម្មដ៏ធំរបស់វៀតណាម បានពង្រីកទំហំរបស់ខ្លួនដ៏គួរឱ្យភ្…
អគ្គលេខាធិការអង្គការសហប្រជាជាតិ លោក អង់តូនីញ៉ូ ហ្គូទើរ៉េស (Antonio Guterres) បានស្នើកាត់បន្ថយកញ្ចប់ថវិកាឆ្នាំ២០២៦ របស់អង្គការសហប្រជាជាតិ ចំនួន១៥% ដែលស្មើនឹងប្រមាណ៥០០លានដុល្លារអាម៉េរិក ដោយធ្វើឱ្យកញ្ចប់ថវិការបស់អង្គការនេះ មកនៅត្រឹម ៣,២ពាន់លានដុល្លារអាម៉េរិកប៉ុណ្ណោះ។ ទន្ទឹមនឹងនេះអង្គការសហប្រជាជាតិ ក៏គ្រោងកាត់បន្ថយបុគ្គិលចំនួន១៩% ឬស្មើនឹងបុគ្គលិកចំនួន២,៦៨១នាក់ ផងដែរ។
ការកាត់បន្ថយនេះ បានកើតឡើង ស្របពេលដែលអង្គការសហប្រជាជាតិ ប្រឈមមុខនឹងការខ្វះខាតសាច់ប្រាក់យ៉ាងធ្ងន់ធ្ងរ ហើយវិបត្តិនេះ កាន់តែធ្ងន់ធ្ងរឡើងដោយសារសហរដ្ឋអាម៉េរិក ក្រោមការដឹកនាំរបស់ប្រធានាធិបតី ដូណាល់ ត្រាំ បានជំពាក់វិភាគទានចំនួន១,៥ពាន់លានដុល្លារអាម៉េរិក ដែលលោក ដូណាល់ ត្រាំ មិនទាន់បានទម្លាក់ឱ្យអង្គការសហប្រជាជាតិ នៅឡើយទេ គិតមកទល់ពេលនេះ។
លោក អង់តូនីញ៉ូ ហ្គូទើរ៉េស (Antonio Guterres) បានលើកឡើងថា ការកាត់បន្ថយកញ្ចប់ថវិកានេះនឹងជះផលប៉ះពាល់ដល់វិស័យសំខាន់ៗរបស់អង្គការសហប្រជាជាតិ ដូចជា កិច្ចការរក្សាសន្តិភាព និងសន្តិសុខ កិច្ចការសិទ្ធិមនុស្ស និងកិច្ចការអភិវឌ្ឍន៍ប្រកបដោយចីរភាពផងដែរ។ ប៉ុន្តែកម្មវិធីសម្រាប់ប្រទេសក្រីក្របំផុតនឹងត្រូវរក្សាទុកដដែល។ ស្ថិតក្នុងស្ថានភាពដ៏លំបាកនេះ
បុគ្គលិករបស់អង្គការហសហប្រជាជាតិ អាចប្រឈមមុខនឹងការផ្លាស់ទីតាំងធ្វើការ ការផ្លាស់ប្តូរតួនាទី ឬការបាត់បង់ការងារ។ សូមបញ្ជាក់ថា សំណើថវិកានេះនឹងត្រូវបោះឆ្នោតអនុម័តដោយមហាសន្និបាតអង្គការសហប្រជាជាតិ នៅចុងឆ្នាំ២០២៥ នេះ៕
