លោក ត្រាំ ព្រមានដកខ្លួនចេញពីសង្គ្រាមអ៊ីរ៉ង់ និងឌឺដងដាក់សម្ពន្ធមិត្តឱ្យទៅរកប្រភពប្រេងដោយខ្លួនឯងទៅ
ប្រធានាធិបតីអាម៉េរិក លោក ដូណាល់ ត្រាំ បានព្រមានថា អាម៉េរិកអាចនឹងដកខ្លួនចេញពីសង្គ្រាមប្រឆាំងនឹងអ៊ីរ៉ង់ក្នុងរយៈពេលពី២ទៅ៣សប្តាហ៍ខាងមុខនេ…
បើយោងតាមការចុះផ្សាយរបស់សារព័ត៌មានជប៉ុន នីកេ អេស៊ា ពាក្យបណ្តឹងដែលបានដាក់កាលពីថ្ងៃទី៣១ ខែមីនា គឺជាបញ្ហាប្រឈមផ្លូវច្បាប់ដ៏ក្តៅគគុកបំផុតមួយទៀតសម្រាប់លោក ដូណាល់ ត្រាំ ចាប់តាំងពីលោកត្រឡប់មកកាន់អំណាចវិញនៅដើមឆ្នាំ២០២៥។ អតីតភ្នាក់ងារ FBI ទាំង៣រូប ដែលមានបទពិសោធការងារចន្លោះពី៨ទៅ១៤ឆ្នាំបានអះអាងដូចគ្នាថា ការបញ្ចប់តំណែងរបស់ពួកគេ គឺជាការធ្វើទុក្ខបុកម្នេញ បន្ទាប់ពីពួកគេបានចូលរួមស៊ើបអង្កេតករណីចលាចលកាលពីឆ្នាំ២០២០។
អតីតមន្ត្រី FBI ទាំង៣រូបនេះ ធ្លាប់ត្រូវបានចាត់តាំងឱ្យជួយក្នុងក្រុមការងាររបស់លោក ជេក ស្មីត (Jack Smith) ដែលជាព្រះរាជអាជ្ញាឯករាជ្យក្នុងការតាមដានសកម្មភាពខុសច្បាប់ពាក់ព័ន្ធនឹងការព្យាយាមបដិសេធលទ្ធផលឆ្នោត ដែលលោក ត្រាំ បានចាញ់លោក ចូ បៃដិន។ នៅក្នុងពាក្យបណ្តឹងខាងលើ ពួកគេបានរំលេចថា លោក ត្រាំ ធ្លាប់បានបញ្ជាក់ថា នៅពេល លោក វិលត្រឡប់មកកាន់តំណែងជាថ្មី លោក នឹងប្រើប្រាស់មន្ត្រីជាន់ខ្ពស់ក្នុងស្ថាប័នអនុវត្តច្បាប់ ដើម្បីសងសឹកពួកគេជំនួសរូបលោក។
គួរកត់សម្គាល់ថា ចាប់តាំងពីពិធីស្បថចូលកាន់តំណែងកាលពីខែមករា ឆ្នាំ២០២៥ មន្ត្រី ដែលប្រកាន់ជំហរមិនលម្អៀងទាំងនៅក្នុង FBI និងក្រសួងយុត្តិធម៌ ដែលធ្លាប់មានចំណែកក្នុងសំណុំរឿងរបស់លោក ជេក ស្មីត ត្រូវបានដកចេញពីតំណែងជាបន្តបន្ទាប់។ ដោយឡែកលោក ជេក ខ្លួនឯង ក៏បានសម្រេចចិត្តលាលែងពីតំណែងមុនពេលលោក ត្រាំ ឡើងកាន់អំណាចជាផ្លូវការ ដើម្បីចៀសវាងការប៉ះទង្គិចដោយផ្ទាល់ផងដែរ៕
អត្ថបទៈ សួន ឡង់ទី
