តើពិភពលោកកំពុងប្រឈមមុខនឹងការចាប់ផ្តើម នៃសង្រ្គាមពាណិជ្ជកម្ម ឬយ៉ាងណា?
ក្រោយសហរដ្ឋអាម៉េរិក ក្រោមរដ្ឋបាលដឹកនាំរបស់លោក ដូណាល់ ត្រាំ បានប្រកាសដាក់ពន្ធទៅវិញទៅមកលើប្រទេស និងដែនដីជាង១៨០ នៅលើពិភពលោក បានធ្វើឲ្យមាន…
ក្រោយត្រូវបានអ្នកសារព័ត៌មានចោទសួរថា តើអាម៉េរិកអាចផ្អាកការអនុវត្តពន្ធគយហើយអនុញ្ញាតឱ្យមានការចរចារដែរឬយ៉ាងណានោះ លោក ដូណាល់ ត្រាំ បានឆ្លើយតបយ៉ាងខ្លីថា អាម៉េរិកមិនរំពឹងដូច្នេះឡើយ។ ការឆ្លើយតបបែបនេះបានបង្ហាញឱ្យឃើញថាលោក ត្រាំ ហាក់មិនខ្វល់ពីទីផ្សារភាគហ៊ុន ដែលកំពុងដាំក្បាលយ៉ាងខ្លាំងនោះទេ។ មិនត្រឹមមិនដកថយចំពោះការអនុវត្តវិធានការពន្ធគយនោះទេ លោក ត្រាំ ថែមទាំងបានព្រមានថា លោកអាចនឹងដំឡើងពន្ធគយលើប្រទេសមួយចំនួនបន្ថែមទៀត ជាពិសេសចិនតែម្តង។
ផ្សារភាគហ៊ុនអាម៉េរិក S&P 500 បានធ្លាក់ចុះ០,២%នៅក្នុងការជួយដូរកាលពីថ្ងៃចន្ទ បន្ទាប់ពីក្រុមអ្នកវិនិយោគបានសម្រុកនាំគ្នាលក់ភាគហ៊ុនចេញ ក្រោយបារម្ភពីបញ្ហាសង្គ្រាមពន្ធអាចទាញសេដ្ឋកិច្ចពិភពលោកឱ្យធ្លាក់ចូលក្នុងវិបត្តិ។ ប៉ុន្តែផ្សារហ៊ុននេះបានកម្រើកឡើងវិញបន្តិច ក្រោយមានពាក្យចចាមអារ៉ាមថាលោក ត្រាំ កំពុងគិតពីការផ្អាកពន្ធរយៈពេល៩០ថ្ងៃ តែសេតវិមានបានចេញមកច្រានចោលថា វាជាព័ត៌មានក្លែងក្លាយ។
ប៉ុន្តែមិនយូរប៉ុន្មានផ្សារហ៊ុនបានធ្លាក់ចុះម្តងទៀតក្រោយលោក ត្រាំ បានបញ្ជាក់ជំហររបស់លោកឡើងវិញថា លោកអាចនឹងដំឡើងពន្ធ៥០%ថែមទៀតលើប្រទេសចិនជាការឆ្លើយតបទៅនឹងវិធានការសងសឹករបស់ប្រទេសចិនកាលពីសប្តាហ៍មុន៕
អត្ថបទ៖ សុខ មង្គល
