ទីភ្នាក់ងារគយ និងការការពារព្រំដែនសហរដ្ឋអាមេរិក បានឱ្យដឹងថា កាលពីថ្ងៃទី២៨ មករា ខ្លួនបានចាត់វិធានការ ដោយផ្អែកលើព័ត៌មានដែលបង្ហាញពីការប្រើប្រាស់កម្លាំងពលកម្មដោយបង្ខំនៅក្នុងប្រតិបត្តិការផលិតកម្មរបស់ក្រុមហ៊ុន YTY Group។
តែយ៉ាងណាមិញ YTY Group មិនបានឆ្លើយតបភ្លាមៗទេ សម្រាប់ការធ្វើអត្ថាធិប្បាយជុំវិញរឿងនេះនោះឡើយ។
សូមជម្រាបថា រោងចក្រនៅក្នុងប្រទេសម៉ាឡេស៊ី ដែលមានដូចជា អ្នកផ្គត់ផ្គង់ប្រេងដូង និងស្រោមដៃវេជ្ជសាស្រ្តសំខាន់ៗមួយចំនួនរបស់ពិភពលោក បានស្ថិតនៅក្រោមការត្រួតពិនិត្យកាន់តែខ្លាំងឡើង ជុំវិញការសង្ស័យថា មានការរំលោភបំពានលើកម្មករបរទេស ដែលជាផ្នែកសំខាន់នៃកម្លាំងពលកម្មផលិតរបស់ប្រទេសនេះ។
អត្ថបទគួរអាន
ទីភ្នាក់ងារគយ និងការការពារព្រំដែនសហរដ្ឋអាមេរិក បាននិយាយថា ខ្លួនបានរកឃើញសូចនាករចំនួន ៧ ក្នុងចំណោមសូចនាករទាំង ១១ របស់អង្គការពលកម្មអន្តរជាតិនៃពលកម្មដោយបង្ខំក្នុងអំឡុងពេលស៊ើបអង្កេតរបស់ខ្លួនទៅលើ YTY Group រួមមានការបំភិតបំភ័យ និងការគំរាមកំហែង ការជាប់បំណុល ការរំលោភបំពានលើលក្ខខណ្ឌការងារ ការរស់នៅ និងការថែមម៉ោងធ្វើការច្រើនពេក។
ទន្ទឹមនេះ ទីភ្នាក់ងារនេះក៏បានកំណត់កាលពីថ្ងៃទី២៨ មករានេះថា ក្រុមហ៊ុនផលិតប្រេងដូងម៉ាឡេស៊ី ប្រើប្រាស់កម្លាំងពលកម្មដោយបង្ខំក្នុងប្រតិបត្តិការរបស់ពួកគេ ហើយថា ទំនិញរបស់ក្រុមហ៊ុនក៏ត្រូវរឹបអូសផងដែរ។ ក្រៅពីនេះ គយអាមេរិកប្រកាសថា នឹងចាប់ទំនិញដែលផលិតក្នុងប្រទេសម៉ាឡេស៊ី ដោយ YTY Group និងក្រុមហ៊ុនស្ថិតក្រោមក្រុមហ៊ុននេះមួយចំនួនទៀតនៅគ្រប់ច្រកចូលរបស់សហរដ្ឋអាមេរិក៕
អត្ថបទ ស៊ើង និមល់
None
