Vietnam Airlines កំពុងប្រឈមនឹងការលុបឈ្មោះចេញពីផ្សារភាគហ៊ុន ក្រោយខាតបង់ប្រាក់ជិត១ពាន់លានដុល្លារនៅ២ឆ្នាំចុងក្រោយ
ក្រុមហ៊ុន Vietnam Airlines កំពុងប្រឈមនឹងការដកចេញពីផ្សារភាគហ៊ុននៅប្រទេសវៀតណាមមែនទែនហើយនាពេលនេះ ក្រោយពីក្រុមហ៊ុនបានប្រកាសពីការខាតបង់ប្…
នៅក្នុងបទសម្ភាសន៍ លោក David Berger បានបរិហារប្រទេសចិនចំពោះ «អាកប្បកិរិយាមិនអាចទទួលយកបាន» ដែលបានប្រើប្រាស់បាឡុងចារកម្មមកហោះឃ្លាំមើលលើទឹកដីអាមេរិក។ លោកបានមានប្រសាសន៍ថា៖ «នៅពេលដែលប្រទេសមួយរំលោភដែនអាកាសអធិបតេយ្យភាពរបស់អ្នក ឬដែនទឹករបស់អ្នក ហើយធ្វើវាជាប់លាប់ នោះមិនមែនជាអាកប្បកិរិយាដែលធ្វើឲ្យមានស្ថិរភាពនោះទេ»។
មុនឧបទ្ទវហេតុបាឡុង ទីក្រុងប៉េកាំងត្រូវបានគេមើលឃើញយ៉ាងយ៉ាងច្បាស់ថា កំពុងព្យាយាមរក្សាស្ថិរភាពទំនាក់ទំនងជាមួយក្រុងវ៉ាស៊ីនតោន។ ប៉ុន្តែ តាមទស្សនៈរបស់លោក Berger ឧប្បត្តិហេតុនេះបានរក្រើនរំឭកថា អាមេរិកគួរតែប្រុងប្រយ័ត្នចំពោះចេតនារបស់ចិនច្រើនជាងមុន។
កងម៉ារីនអាមេរិកនឹងពិចារណាលើការពង្រីកការប្រើប្រាស់គ្រាប់រំសេវ ឬយន្តហោះដ្រូនបំផ្ទុះដោយខ្លួនឯង នៅក្នុងតំបន់ឥណ្ឌូប៉ាស៊ីហ្វិក មេបញ្ជាការកងម៉ារីនលោក David Berger បានប្រាប់ Nikkei ដោយបង្ហាញថា អាវុធទាំងនេះអាចត្រូវបានដាក់ពង្រាយប្រឆាំងនឹងនាវាចម្បាំងចិននៅសមុទ្រក្នុងវិបត្តិតៃវ៉ាន់។
ប្រឈមមុខនឹងការគម្រាមកំហែងរបស់ចិន កងម៉ារីនអាមេរិកដែលជាកងទ័ពជើងគោក បាននិងកំពុងពង្រឹងកិច្ចសហប្រតិបត្តិការជាមួយកងកម្លាំងស្វ័យការពាររបស់ជប៉ុន ដើម្បីពង្រឹងការទប់ស្កាត់រួមបញ្ចូលគ្នាប្រឆាំងនឹងប្រទេសចិន។ ប្រទេសជប៉ុន និងសហរដ្ឋអាមេរិកបានព្រមព្រៀងគ្នាកាលពីខែមករា ដើម្បីរៀបចំឡើងវិញឱ្យមានវត្តមានរបស់កងម៉ារីនអាមេរិកនៅលើកោះអូគីណាវ៉ា ហើយក៏និងបង្កើតកងវរសេនាធំមួយថ្មីនៅឆ្នាំ២០២៥ ដែលមានភារកិច្ចការពារដែនកោះមួយនេះ។
កម្លាំងឆ្លើយតបរហ័សនេះនឹងអាចផ្លាស់ទីបានយ៉ាងលឿនពីកោះមួយទៅកោះមួយ ដើម្បីបំពេញបេសកកម្មនៅជួរមុខ ខណៈពេលដែលជៀសវាងការវាយប្រហារដោយមីស៊ីលរបស់ចិន។ ប្រតិបត្តិការរបស់វានឹងលាតសន្ធឹងលើផ្នែកជាច្រើន រួមទាំងការប្រមូលផ្តុំស៊ើបការណ៍លើទីតាំងសត្រូវ ប្រតិបត្តិការមីស៊ីលប្រឆាំងនាវា ការការពារដែនអាកាស និងសកម្មភាពដឹកជញ្ជូនផងដែរ។
ការដាក់ពង្រាយដ្រូនពិឃាតនៅលើកោះរបស់ជប៉ុននោះទៀតសោធ លោក Berger បាននិយាយថា យន្តហោះដ្រូនវាយប្រហារទាំងនេះអាចនឹងមានប្រសិទ្ធភាពសម្រាប់ការវាយប្រហារការពារលើនាវាចម្បាំងនៅឥណ្ឌូប៉ាស៊ីហ្វិក។ ជាមួយនឹងកងកម្លាំងកងម៉ារីនបានបែកខ្ញែកនៅទូទាំងកោះដាច់ស្រយាលផ្សេងៗគ្នា ផ្នែកខាងភស្តុភារនៃប្រតិបត្តិការក៏នឹងមានភាពកាន់តែមានភាពប្រកួតប្រជែង កិច្ចសហប្រតិបត្តិការរលូនរវាងសម្ព័ន្ធមិត្តទាំងពីរក្នុងគ្រាមានអាសន្ន។
ទន្ទឹមគ្នានេះដែរ ប្រទេសចិនកាលពីថ្ងៃព្រហស្បតិ៍ ទី ១៦ កុម្ភៈ បានដាក់ក្រុមហ៊ុនអាមេរិក Lockheed Martin និងអង្គភាពនៃក្រុមហ៊ុន Raytheon Technologies ទៅក្នុង «បញ្ជីអង្គភាពដែលមិនគួរឱ្យទុកចិត្ត» ជុំវិញការលក់អាវុធទៅឱ្យតៃវ៉ាន់ ដោយហាមឃាត់ពួកគេពីការនាំចូល និងការនាំចេញពាក់ព័ន្ធនឹងប្រទេសចិននៅក្នុងការដាក់ទណ្ឌកម្មចុងក្រោយរបស់ខ្លួនប្រឆាំងនឹងក្រុមហ៊ុនអាមេរិក។
វិធានការនេះកើតឡើងចំពេលមានភាពតានតឹងកាន់តែខ្លាំងឡើង ក្រោយយោធាអាមេរិកបានបាញ់ទម្លាក់នូវអ្វីដែលខ្លួននិយាយថា ជាបាឡុងចារកម្មរបស់ចិន ហើយមួយថ្ងៃបន្ទាប់ពីទីក្រុងប៉េកាំងបានព្រមានពី «វិធានការណ៍ប្រឆាំងនឹងអង្គភាពពាក់ព័ន្ធនឹងបាឡុងរបស់សហរដ្ឋអាមេរិក ដែលបានហោះលើដែនអាកាសរបស់ខ្លួន ព្រោះវាបានរំលោភលើអធិបតេយ្យភាព និងសន្តិសុខរបស់ចិន»។
ជាការឆ្លើយតប អ្នកនាំពាក្យសេតវិមានលោកស្រី Karine Jean-Pierre បានប្រាប់អ្នកយកព័ត៌មានកាលពីថ្ងៃព្រហស្បតិ៍ទី១៦ខែកុម្ភៈថា «ទាំងនេះគឺជាវិធានការដែលលអាមេរិកងត្រូវចាំទុក ប៉ុន្តែទីក្រុងវ៉ាស៊ិនតោន មើលឃើញថាវាគ្មានអ្វីសំខាន់ណាស់ណាទេ»។
