តើអ្នកនៅរាជធានីភ្នំពេញ និងក្រុងតាខ្មៅ នឹងត្រូវចាក់វ៉ាក់សាំង ស៊ីណូវ៉ាក់ និងស៊ីណូហ្វាម ដូសទី២ នៅពេលណា ទីកន្លែងណា?

គណៈកម្មការចំពោះកិច្ចចាក់វ៉ាក់សាំងកូវីដ១៩ បានចេញសេចក្តីជូនដំណឹង ដល់សាធារណៈ ជន មន្ត្រីរាជការ ដែលនឹងត្រូវទទួលការចាក់វ៉ាក់សាំងដូសទី២នៅថ្ងៃទី២០មេសា ស្អែកនេះ សម្រាប់រាជធានីភ្នំពេញ និងក្រុងតាខ្មៅខេត្តកណ្តាល ចំពោះប្រភេទវ៉ាក់សាំងស៊ីណូវ៉ាក់ និងស៊ីណូហ្វាម ដោយត្រូវប្តូរមកចាក់នៅក្នុងភូមិសាស្ត្រតាមខណ្ឌនានាដែលខ្លួនស្នាក់នៅវិញ ខណៈដែលអ្នកចាក់វ៉ាក់សាំងកូវីសែល ដូសទី២ត្រូវរងចាំការជូនដំណឹងពេលក្រោយ។

តើអ្នកនៅរាជធានីភ្នំពេញនិងក្រុងតាខ្មៅត្រូវចាក់វ៉ាក់សាំង ស៊ីណូវ៉ាក់ និងស៊ីណូហ្វាម ដូសទី២ នៅពេលណា ទីកន្លែងណា?

នៅក្នុងការជូនព័ត៌មាននោះបានបង្ហាញទៀតថា ខណ្ឌទាំង១៤ ក្នុងរាជធានីភ្នំពេញ បានបែងចែកទីតាំងចំនួន ៣៥ទីតាំងដែលរៀបចំដោយសាលារាជធានីភ្នំពេញ សម្រាប់អ្នកចាក់វ៉ាក់សាំងស៊ីណូហ្វាម (Sinopharm) និង២៧ទីតាំងទៀតសម្រាប់អ្នកចាក់ប្រភេទវ៉ាក់សាំងស៊ីណូវ៉ាក់(Sinovac)ខណៈដែលអ្នករស់នៅក្រុងតាខ្មៅ ត្រូវចាក់នៅមន្ទីរពេទ្យបង្អែកជ័យជំនះ ឬមណ្ឌលសុខភាពស្វាយរលំ ដាច់ខាតមិនអាចឆ្លងមករាជធានីភ្នំពេញបានទេ។

សម្រាប់ការចាក់ដូសទី២នេះ ដែរ គឺត្រូវធ្វើឡើងចំពោះអ្នកដែលបានចាក់ក់សាំងស៊ីណូហ្វាម (Sinopharm)និងវ៉ាក់សាំងស៊ីណូវ៉ាក់(Sinovac)ដូសទី១ ចាប់ពីថ្ងៃទី០១មេសា ដល់ថ្ងៃទី១៤ មេសា ឆ្នាំ២០២១ ដែលវ៉ាក់សាំងទាំង២ប្រភេទនេះ អាចចាក់អំឡុងពេលពី១៤ ទៅ២៨ថ្ងៃ បន្ទាប់ពីការចាក់វ៉ាក់សាំងដូសទី១។

ខាងក្រោមនេះ ជាតារាទីតាំងនិងពេលវេលា និងលេខទំនាក់ទំនងប្រសិនបើលោកអ្នកមានចម្ងល់ ដែលត្រូវចាក់វ៉ាក់សាំងស៊ីណូហ្វាម និងស៊ីណូវ៉ាក់ដូសទី២នៅរាជធានីភ្នំពេញ។