ចិន ត្រូវបានគេវាយតម្លៃថា នឹងក្លាយជាអ្នកបង្កើតអគ្គិសនីដើរដោយថាមពលនុយក្លេអ៊ែ ដ៏ធំបំផុតលើពិភពលោក
ប្រទេសចិន បានអនុម័តផែនការសាងសង់ម៉ាស៊ីនរ៉េអាក់ទ័រនុយក្លេអ៊ែ ចំនួន១០ ក្នុងតម្លៃសរុប២០០ពាន់លានយន់ប្រហែលជិត២៨ពាន់លានដុល្លារ ដោយធ្វើឱ្យប្រ…
ដើម្បីពង្រីកសរសៃឈាមសេដ្ឋកិច្ច វៀតណាម កំពុងដាក់ផែនការអភិវឌ្ឈន៍ផ្លូវដែកល្បឿនលឿនដែលមានចម្ងាយប្រមាណ១ពាន់៥រយគីឡូម៉ែត្រ ភ្ជាប់ពីរដ្ឋធានីហាណូយ ទៅទីក្រុងហូជីមិញ នៅក្នុងតម្លៃប្រមាណជាង៦០ពាន់លានដុល្លារ។ ពាក់ព័ន្ធនឹងគម្រោងនេះ ក្រុមហ៊ុន VinSpeedដែលបង្កើតឡើងដោយមហាសេដ្ឋីមានជាងគេបំផុតរបស់ប្រទេសនេះ កំពុងចេញថ្លែយកគម្រោងនេះមកអនុវត្ត។
តាមការប៉ាន់ប្រមាណគម្រោងដែលក្រុមហ៊ុន VinSpeed ចាប់អារម្មណ៍នេះ វាមានតម្លៃប្រមាណ៦១ទៅ៦៧ពាន់លានដុល្លារ នឹងបញ្ចប់ការសាងសង់ក្នុងរង្វង់ឆ្នាំ២០៣០។ ក្រុមហ៊ុននេះគ្រោងបោះទុនវិនិយោគ២០% ស្មើនឹងជាង១២ពាន់លានដុល្លារ។ ដោយឡែកទឹកប្រាក់វិនិយោគនៅសល់៨០%ទៀត ដោយមិនរាប់បញ្ចូលការចំណាយទាក់ទងនឹងសំណង់ ក៏ដូចជាការគាំទ្រការផ្លាស់ទីលំនៅ គឺក្រុមហ៊ុនបានស្នើសុំកម្ចីពីថវិការដ្ឋតាមរយៈកម្ចីគ្មានការប្រាក់ ដែលអាចធ្វើប្រតិបត្តិការទូទាត់សងក្នុងរយៈពេល៣៥ឆ្នាំគិតចាប់ពីថ្ងៃដែលឥណទានធ្លាក់ដល់គម្រោង។
ក្រៅពីគម្រោងនេះ ក្រុមហ៊ុន VinSpeed ក៏កំពុងចាប់អារម្មណ៍អភិវឌ្ឈន៍គម្រោងផ្លូវដែកល្បឿនលឿនខ្នាតតូចមួយទៀតនៅទីក្រុងហូជីមិញ ដែលមានតម្លៃប្រមាណ៤ពាន់លានដុល្លារ៕
ដោយៈ សរ សុជាតិ
