ភូមិសាស្រ្តនយោបាយ

វៀតណាមចាប់អាម៉េរិក ដើម្បីពន្លឿនសេដ្ឋកិច្ចនិងនយោបាយ ប៉ុន្តែមិនព្រលែងចិនឡើយ


រវាងចិនដែលជាមហាអំណាចទី២ ហើយសហរដ្ឋអាម៉េរិក ដែលជាមហាអំណាចទី១ វៀតណាមនៅតែបន្តគោលនយោបាយអោបក្រសោបទាំងពីរដើម្បីបន្តលើកកំពស់និងជំរុញសេដ្ឋកិច្ចទោះបីជាវៀតណាមនិងចិន កំពុងតែមានភាពល្អក់កករខាងនយោបាយនិងយោធាដោយសារតែបញ្ហានៅសមុទ្រចិនខាងត្បូងក៏ដោយ ។ មកដល់ពេលនេះចិនមានគម្រោងវិនិយោគដ៏សកម្មនៅវៀតណាមរហូតដល់ទៅ៤ពាន់៤រយគម្រោងគិតជាទឹកប្រាក់ ជិត២៨ពាន់លានដុល្លារ ខណៈដែលអាម៉េរិក មានប្រមាណជាជាង ១ពាន់៣រយគម្រោង មានទឹកប្រាក់ជិត១២ពាន់លានដុល្លារ ។
ភូមិសាស្រ្តនយោបាយ
ដោយ

តាមសេចក្តីរាយការណ៍របស់ Vietnam Express លោក ផាម មិញជិញ នាយករដ្ឋមន្ត្រីវៀតណាម នៅតែបន្តជំរុញនិងគាំទ្រឱ្យក្រុមហ៊ុនចិន មកវិនិយោគលើគម្រោងធំៗនៅក្នុងប្រទេសវៀតណាម ។

លោក ផាម មិញជិញ បានប្រាប់គណប្រតិភូធុរជនចិន កាលពីថ្ងៃអង្គារ៍ថា វៀតណាមនៅតែបន្តផ្តល់អាទិភាពដល់ការច្នៃប្រឌិត ការផ្លាស់ប្តូរឌីជីថល ថាមពលកកើតឡើងវិញ ទីក្រុងឆ្លាតវៃ និង ហេដ្ឋារចនាសម្ព័ន្ធដឹកជញ្ជូន ដូច្នេះវៀតណាមនៅតែបន្តស្វាគមន៍ អាជីវកម្មប្រកបដោយនិរន្តរភាព ដើម្បីជំរុញធុរកិច្ចវៀតណាមទៅក្នុងខ្សែសង្វាក់តម្លៃ និងការផ្គត់ផ្គង់នៃសាជីវកម្មក្នុងតំបន់ និងពិភពលោក។

យោងតាមក្រសួងផែនការ និងវិនិយោគវៀតណាម បានឱ្យដឹងថា ពាណិជ្ជកម្មរវាងវៀតណាម និងចិន ឈានដល់ទំហំ ១៧២ពាន់លានដុល្លារកាលពីឆ្នាំមុន ហើយប្រទេសចិន គឺជាវិនិយោគិនបរទេសធំជាងគេទី៦ ដែលមានទំហំប្រមាណជាជិត២៨ពាន់លានដុល្លារ នៅក្នុង គម្រោងដ៏សកម្មរហូតដល់៤ពាន់៤រយគម្រោង ។

ដោយឡែកជាមួយ​អាម៉េ​រិកដែលវៀតណាមបានកំពុងតែរិតបន្តឹងខ្លាំងបំផុតនោះ ទំនាក់ទំនងពាណិជ្ជកម្មរវាងប្រទេសទាំងពីរបានស្ទុះឡើងរហូតដល់ប្រមាណជា ១២០ ពាន់លានដុល្លារ កាលពីឆ្នាំ២០២២ ស្របពេលដែលទំហំវិនិយោគអាម៉េរិក គឺមានទំហំប្រមាណជា ១២ ពាន់លានដុល្លារ នៅក្នុងគម្រោងប្រមាណជាជាង ១ពាន់៣រយគម្រោង ប៉ុន្តែភាគីទាំងពីររំពឹងថា នឹងជំរុញពាណិជ្ជកម្មឲ្យកើនឡើងដល់២០០ពាន់លានដុល្លារ នៅក្នុងពេលអនាគតដ៏ខ្លី ខណៈដែលវិនិយោគក៏រំពឹងថា នឹងស្ទុះឡើងខ្លាំងដែរ ស្របពេលដែលក្រុមហ៊ុន អាម៉េ​រិក នៅចិនមួយចំនួនបានរើទីតាំងផលិតចេញពីចិន មកតាំងនៅវៀតណាមជំនួសវិញ៕

ដោយៈ សរ សុជាតិ

© 2024 រក្សាសិទ្ធិ​គ្រប់​បែប​យ៉ាង​ដោយ ខេមបូណូមីស។ សម្រាប់​ការ​ប្រើ​ប្រាស់ ឬ​ផ្សាយ​បន្ត សូមទាក់ទង​មក អ៊ីម៉េល sothea[at]cambonomist.com ឬទូរស័ព្ទលេខ​ 089 777 076។



អត្ថបទបន្ទាប់


ប្រទេសចិន គ្រោងនឹងទទួលស្វាគមន៍លោក ពូទីន ខណៈទំនាក់ទំនងសេដ្ឋកិច្ចទ្វេភាគីកើនឡើងក្រោមសម្ពាធពីបស្ចិមលោក

ព័ត៌មាន
ប្រទេសចិនគ្រោងនឹងស្វាគមន៍ដំណើរទស្សនកិច្ចរបស់ប្រធានាធិបតីរុស្ស៊ី លោក ពូទីន ទៅកាន់ក្រុងប៉េកាំង នៅថ្ងៃទី១៦-១៧ ខែឧសភាខាងមុខនេះ ក្នុងបំណងរឹ…

ម៉ាឡេស៊ីវ៉ាដាច់ប្រទេសថៃ ក្លាយជាទីផ្សាររថយន្តធំបំផុតទីពីររបស់តំបន់អាស៊ាន

ព័ត៌មាន
ប្រទេសម៉ាឡេស៊ី បានវ៉ាដាច់ប្រទេសថៃ ក្លាយជាទីផ្សាររថយន្តធំជាងគេបំផុតទីពីរនៅតំបន់អាស៊ីអាគ្នេយ៍ បន្ទាប់ពីប្រទេសឥណ្ឌូនេស៊ី ខណៈដែលប្រទេសម៉ាឡ…
More

Related Stories


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ