ធនាគារនៅថៃប្រាប់អ្នកប្រើសេវាតាមទូរស័ព្ទឲ្យថតស្កែនមុខរបស់ខ្លួន ដើម្បីពង្រឹងសុវត្ថិភាពបន្ថែម
ធនាគារពាណិជ្ជធំៗនៅប្រទេសថៃបានរំឭកអតិថិជនរបស់ពួកគេដែលកំពុងតែប្រើប្រាស់កម្មវិធីសេវាធនាគារនិងហិរញ្ញវត្ថុតាមទូរសព្ទដៃ ឱ្យថតស្កែនរបស់ពួកគេដ…
ប្រទេសវៀតណាមបានទទួលភ្ញៀវទេសចរបរទេសប្រមាណជា ៣ លាន ៧ សែននាក់ ក្នុងរយៈពេល ៤ ខែដំបូងនៃឆ្នាំ ២០២៣។ នេះបើយោងតាមរដ្ឋបាលជាតិទេសចរណ៍វៀតណាម ដែលឱ្យដឹងទៀតថា ចំនួនភ្ញៀវទេសចរក្នុងស្រុកអំឡុងពេលនេះត្រូវបានគេប៉ាន់ប្រមាណថាមានចំនួន ៣៨ លាននាក់។ ប្រាក់ចំណូលពីវិស័យនេះគឺមានចំនួនជាង ៨ ពាន់លានដុល្លារ។
ប្រភពដដែលបានអះអាងថា ក្នុងចំណោមភ្ញៀវសរុប មានភ្ញៀវជិត ៨៩ % ធ្វើដំណើរតាមផ្លូវអាកាស, ភ្ញៀងជាង១០% តាមផ្លូវគោក និងជាង ១ % តាមសមុទ្រ។
មកដល់ពេលនេះ កូរ៉េខាងត្បូងនៅតែជាទីផ្សារទេសចរណ៍ដ៏ធំបំផុតរបស់វៀតណាម ដោយក្នុងរយៈពេល ៤ ខែដំបូងនៃឆ្នាំនេះ វៀតណាមបានទាក់ទាញអ្នកទេសចរកូរ៉េខាងត្បូងចំនួន ១ លាននាក់, ភ្ញៀវទេសចរអាមេរិកនៅលំដាប់ទី២ មានចំនួនជាង ២ សែន ៦ ម៉ឺននាក់, ហើយទេសចរចិនមានជាង ២ សែន ៥ ម៉ឺននាក់។
អ្នកទេសចរចិនទៅកាន់ប្រទេសវៀតណាមក្នុងខែមេសាមានចំនួនជាង ១ សែន ១ ម៉ឺននាក់ ពោលគឺកើនឡើងជាង ៦១ % ដោយសារព្រំដែនរបស់ប្រទេសចិនបានបើកឡើងវិញសម្រាប់ដំណើរទេសចរណ៍ជាក្រុមចាប់ពីថ្ងៃទី ១៥ ខែមីនា។
អាជ្ញាធរបានប៉ាន់ប្រមាណថា ប្រាក់ចំណូលពីសេវាកម្មស្នាក់នៅនិងអាហារ ក្នុងចន្លោះពីខែមករាដល់ខែមេសា អាចឈានដល់ជាង ៩ ពាន់លានដុល្លារ គឺកើនឡើង ២៥%។
តាមការរំពឹងទុកនៅក្នុងឆ្នាំនេះ វៀតណាមគ្រោងផ្តល់សេវាកម្មទេសចរណ៍ដល់ភ្ញៀវសរុប ១១០ លាននាក់ គិតទាំងភ្ញៀវទេសចរបរទេស ៨ លាននាក់ផង ហើយរំពឹងថានឹងបង្កើតប្រាក់ចំណូលបានប្រហែលជិត ២៨ ពាន់លានដុល្លារ។
រដ្ឋបាលជាតិទេសចរណ៍វៀតណាមបានអះអាងថា នៅពេលនេះ ភាពយន្តដែលមានចំណងជើងថា“មគ្គុទេសសេចក្តីស្នេហារបស់អ្នកទេសចរ” កំពុងតែបញ្ចាំងនៅលើបណ្តាញភាពយន្តកំសាន្ត ណិតផ្លិច (Netflix) ដែលថតនៅទីតាំងជាច្រើនក្នុងប្រទេសវៀតណាម ដូចជារដ្ឋធានីហាណូយ, ទីក្រុងហូជីមិញ, ដាណាង, ហ័រ អាន, ក្វាងណាម, និង ហាយ៉ាង គឺជាកត្តាឃោសនាអំពីប្រទេសវៀតណាម ទៅកាន់ពិភពលោក៕
