Advertisement
ក្រុមហ៊ុន​ផ្ដល់​សេវា​កក់​សេវា​ធ្វើដំណើរ​តាម​អនឡាញ​

ក្រុមហ៊ុនវៀតណាម FastGo នឹងបញ្ចេញសេវា កក់សេវាធ្វើដំណើរតាមអនឡាញ ជាមួយនឹងឧទ្ធម្ភាគចក្រ លើកដំបូង


ក្រុមហ៊ុន FastGo ដែលជាក្រុមហ៊ុនផ្ដល់សេវាកក់ សេវាធ្វើដំណើរតាមអនឡាញ ឬគេច្រើនហៅថា ក្រុមហ៊ុនហៅតាក់ស៊ីអនឡាញនោះ (Ride-Hailing Firm) បានបង្ហាញពីផែនការរបស់ខ្លួន ជាមួយនឹងសេវាកម្មថ្មី និងលើកដំបូងក្នុងប្រទេសវៀតណាម ជាមួយនឹងការកក់សេវាធ្វើដំណើរតាម ឧទ្ធម្ភាគចក្រ នៅក្នុងរដ្ឋធានីហាណូយ។ សេវាកម្មថ្មីនេះ នឹងត្រូវដាក់ឲ្យប្រើប្រាស់នៅក្នុងខែនេះហើយ ដោយផ្តោតលើទេសចរណ៍ នៅក្នុងខេត្តភាគខាងជើង នៃប្រទេសវៀតណាម។
ក្រុមហ៊ុនវៀតណាម FastGo នឹងបញ្ចេញសេវា កក់សេវាធ្វើដំណើរតាមអនឡាញ ជាមួយនឹងឧទ្ធម្ភាគចក្រ លើកដំបូង (https://e.vnexpress.net)
ដោយ
Advertisement

ត្រូវបាន​ស្រង់​សម្ដី ដោយ​សារព័ត៌មាន​ VnExpress International លោក Nguyen Huu Tuat បាន​ឲ្យដឹងថា សេវាកម្ម​កក់​សេវា​ធ្វើដំណើរ​តាមអនឡាញ ជាមួយនឹង​ឧទ្ធម្ភាគចក្រ ដែលមានឈ្មោះថា FastSky នេះ គឺ​នឹងចាប់ផ្ដើមឡើង​នៅថ្ងៃទី ២៥ ខែមេសានេះហើយ។ ​ជាមួយនឹង​អ្នកដំណើរ​១២នាក់ ក្នុង​ឧទ្ធម្ភាគចក្រ​មួយគ្រឿង សេវាកម្ម​ FasSky នឹង​ប្រតិបត្តិការ​សេវា​ធ្វើដំណើរ​ចេញពីរដ្ឋធានី ​ហាណូយ ទៅកាន់​ទិសដៅ​ទេសចរណ៍ ភាគខាត់ជើង​នៃប្រទេស​វៀតណាម ដូចជា​ទន្លេ​ក្រហម និង​ឆ្នេរសមុទ្រ ហាឡុង បេ ជាដើម។

រីឯតម្លៃ​របស់វា គឺមាន​ផ្សេងៗគ្នា ដោយក្នុងនោះ ការធ្វើដំណើរ​មួយជើង មានតម្លៃទាប​បំផុត ១២៥ ដុល្លារ​សម្រាប់​ភ្ញៀវ​ម្នាក់ ដែលអាច​បង់​ជា​ដំណាក់កាល​ក្នុងរយៈពេល​១២ ខែ។ 

ក្រុមហ៊ុន FastGo បាន​ចាប់ផ្ដើម​ប្រតិបត្តិការ កាលពីខែមិថុនា​ ឆ្នាំ២០១៨ ពោលគឺ ប្រមាណ ជាង​៣​ខែ​ បន្ទាប់ពី ក្រុមហ៊ុន Uber បានប្រកាស​ដកខ្លួន​ចេញពី​តំបន់​អាស៊ី​គ្នេយ៍។

ក្រុមហ៊ុន FastGo គឺជាផ្នែមួយ​នៃក្រុមហ៊ុន បច្ចេកវិទ្យា​ NexTech Group ហើយក៏បាន​ពង្រីក​ប្រតិបត្តិការ​នៅប្រទេស​មីយ៉ាន់ម៉ា កាលពី​ខែធ្នូ​កន្លងទៅផងដែរ។

តាមផែនការ ក្រុមហ៊ុននេះ ក៏គ្រោង​​ពង្រីក​ប្រតិបត្តិការ​នៅប្រទេស​សិង្ហបុរី​នៅ​ខែនេះដែរ និង​៥​ប្រទេស​ក្នុងតំបន់ រួមមាន ឥណ្ឌូនេស៊ី និងភីលីពីន នៅចុងឆ្នាំនេះ។ 

ជាមួយនឹង​​​ការទទួលបាន​អ្នកបើកបរ​ជិត ​៦ម៉ឺននាក់ នាពេលបច្ចុប្បន្ន ក្រុមហ៊ុននេះ នឹងក្លាយជា​ក្រុមហ៊ុន​ផ្ដល់​សេវា​កក់​សេវា​ធ្វើដំណើរ​តាម​អនឡាញ ឬហៅថា សេវា​កក់​តាក់ស៊ីតាមអនឡាញ ពេញនិយម​បំផុត ទី២ បន្ទាប់ពី​ ក្រុមហ៊ុន Grab៕  ​ 

Advertisement
© 2019 រក្សាសិទ្ធិ​គ្រប់​បែប​យ៉ាង​ដោយ ខេមបូណូមីស។ សម្រាប់​ការ​ប្រើ​ប្រាស់ ឬ​ផ្សាយ​បន្ត សូមទាក់ទង​មក អ៊ីម៉េល sothea[at]cambonomist.com ឬទូរស័ព្ទលេខ​ 089 777 076។



អត្ថបទបន្ទាប់


១០ ឆ្នាំ ក្រុមហ៊ុន Smart Axiata វិនិយោគជាង ១,៤ ពាន់លានដុល្លារ នៅកម្ពុជា

ព័ត៌មាន
មួយទសវត្សរ៍កន្លមកនេះ ពោលគឺ ចាប់ពីឆ្នាំ២០០៨ ដល់ឆ្នាំ២០១៨ ក្រុមហ៊ុន Smart Axiata បានវិនិយោគក្នុងទីផ្សារកម្ពុជា ក្នុងទំហំទឹកប្រាក់ជាង១,...

រដ្ឋមន្ត្រីក្រសួងពាណិជ្ជកម្ម៖ កម្ពុជា មានតំបន់សេដ្ឋកិច្ចពិសេសចំនួន ១៩ កំពុងចំហទ្វាររង់ចាំការវិនិយោគ

ព័ត៌មាន
រដ្ឋមន្ត្រីក្រសួងពាណិជ្ជកម្ម កម្ពុជា ឯកឧត្តម ប៉ាន សូរស័ក្ដិ បានអះអាងប្រាប់អ្នកវិនិយោគបរទេសនាពេលថ្មីៗកន្លងទៅនេះ ថា កម្ពុជា មានតំបន់សេដ្ឋកិ...
ច្រើនទៀត

អត្ថបទស្រដៀង


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ