រដ្ឋមន្ត្រីក្រសួងដឹកជញ្ជូនវៀតណាម បានគូសបញ្ជាក់ថា ការទទួលពាក្យស្នើសុំបង្កើតក្រុមហ៊ុនអាកាសចរណ៍ថ្មី នឹងចាប់ផ្តើមដំណើរការឡើងវិញ នៅក្រោយពេលដែលវិបត្តិកូវី-ដ១៩ បានចប់រលត់ផុតទៅ។
លោក បន្តថា កិច្ចការជាអាទិភាពនាពេលបច្ចុប្បន្ន គឺផ្តោតសំខាន់ទៅលើ ការបើកជើងហោះហើរក្នុងស្រុក និងអន្តរជាតិឡើងវិញ និងគាំទ្រដល់ក្រុមហ៊ុនអាកាសចរណ៍ដែលមានស្រាប់។
បច្ចុប្បន្ននេះ ប្រទេសវៀតណាមមាន ក្រុមហ៊ុនអាកាសចរណ៍ពាណិជ្ជកម្មចំនួន ៥ ដែលកំពុងតែដំណើរការ ខណៈក្រុមហ៊ុនអាកាសចរណ៍ថ្មីចំនួន ២ គឺ ក្រុមហ៊ុន Kite Air និងក្រុមហ៊ុន Vietravel Airlines ត្រូវបន្តរង់ចាំសេចក្តីសម្រេចនៅពេលក្រោយ។
អត្ថបទគួរអាន
គួររម្លឹកដែរថា ជាការឆ្លើយតបទៅនឹង ការទប់ស្កាត់មេរោគកូវីដ១៩នោះ វៀតណាម បានផ្អាកដំណើរការជើងហោះហើរទាំងក្នុងស្រុក និងអន្តរជាតិសឹងតែទាំងស្រុង កាលពីខែមីនា និងខែមេសាកន្លងទៅ ដែលបានធ្វើឲ្យខាតបង់ ប្រាក់រាប់រយលានដុល្លារអាមេរិក។ ទោះយ៉ាងណា មកទល់ពេលនេះ វៀតណាម បានចាប់ផ្តើមដំណើរការជើងហោះហើរក្នុងស្រុកជាបណ្តើរៗហើយ ខណៈជើងហោះហើរអន្តរជាតិ នៅតែមានការហាមឃាត់ លើកលែងតែករណីពិសេស សម្រេចយល់ព្រមដោយ រដ្ឋាភិបាលវៀតណាមប៉ុណ្ណោះ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
