ក្រុមប្រទេស G20 សន្យាផ្តល់ការគាំទ្របន្ថែមដល់សេដ្ឋកិច្ចពិភពលោក និងជួយប្រទេសក្រីក្រឲ្យទទួលវ៉ាក់សាំងបានលឿន
មេដឹកនាំនៃក្រុមប្រទេសមានសេដ្ឋកិច្ចរីកច្រើនខ្លាំងទាំង២០ប្រទេស ឬហៅកាត់ដោយខ្លីថា G20 ក្នុងជំនួបកំពូលនៅចុងសប្ដាហ៍មុននេះ បានសន្យាលើការការគាំ…
អគ្គនាយក WHO លោក តេដ្រូស បាននិយាយថា ការចូលរួមពីក្រុមមេដឹកនាំប្រទេស G20 ដែលមានទាំងអំណាចនយោបាយ និងហិរញ្ញវត្ថុពិតជាសំខាន់ខ្លាំងណាស់ ដើម្បីបញ្ចប់ជំងឺរាតត្បាត ដោយផ្តល់ជាថវិកាតាមរយៈមូលនិធិ សម្រាប់គាំទ្រផែនការជួយសង្គ្រោះជីវិតមនុស្សប្រមាណ ៥ លាននាក់។
យ៉ាងណាមិញ បើតាមអង្គការ អែក អេ ( ACT-A) ដែលត្រូវបានបង្កើតឡើង ដើម្បីធានានូវមធ្យោបាយបញ្ចប់ជំងឺរាតត្បាតបាននិយាយថា ចាប់ពីពេលនេះរហូតដល់ខែកញ្ញា ឆ្នាំ ២០២២ គេបានគេរំពឹងថា នឹងមានការចូលរួមបរិច្ចាគក្នុងការទិញថ្នាំគ្រាប់ប្រឆាំងជំងឺកូវីដ ដែលផលិតដោយ ក្រុមហ៊ុន Merck សម្រាប់ការព្យាបាលកម្រិតស្រាល និង ករណីកម្រិតមធ្យមនៅបណ្ដាប្រទេសក្រីក្រ។ ចំពោះផែនការនេះ WHO បានប្រកាសនឹងជួយប្រទេសក្រីក្រអាចទិញថ្នាំគ្រាប់នេះ ក្នុងតម្លៃ ១០ ដុល្លារក្នុងមួយកញ្ចប់ផងដែរ។
យ៉ាងណាមិញ លោក ខែល បីល ( Carl Bildt) បេសកជនពិសេសរបស់អង្គការ WHO ប្រចាំអង្គការ ACT-A បាននិយាយថា សំណើរបស់ WHO ដែលមានតម្លៃជាង ២៣ពាន់លានដុល្លារ នេះជាចំនួនដ៏សមរម្យមួយ ប្រសិនបើប្រៀបធៀបជាមួយនឹងការខូចខាតសេដ្ឋកិច្ចពិភពលោក ដែលបង្កឡើងដោយជំងឺរាតត្បាតនាពេលបច្ចុប្បន្ន។ ក្នុងនោះ នាយករដ្ឋមន្ត្រី ន័រវេស ដែលជាសហប្រធានកិច្ចខិតខំប្រឹងប្រែងរៃអង្គាសថវិកាបាននិយាយថា នឹងជំរុញឱ្យប្រទេស G20 ធ្វើការប្តេជ្ញាចិត្តដើម្បីបញ្ចប់ជំងឺរាតត្បាតនេះ ។
សូមជម្រាបថា ប្រធានក្រុមអ្នកវិទ្យាសាស្ត្រ WHO និយាយថា យន្តការកូវ៉ាក់ COVAX បានចែកចាយវ៉ាក់សាំងកូវីដ១៩ប្រមាណ ៤០០ លានដូសហើយដល់ប្រទេសមានចំណូលទាប និងមធ្យមប្រមាណជាង ១៤០ ប្រទេស ដែលក្នុងនោះ សុទ្ធសឹងតែជាប្រទេសមានអត្រានៃការចាក់វ៉ាក់សាំងទាប៕
អត្ថបទ៖ ស៊ើង និមល់
None
