អង្គការសុខភាពពិភពលោក បន្តអំពាវនាវយ៉ាងដូច្នេះ ដោយបានលើកហេតុផលថា ការទទួលបានការចាក់វ៉ាក់សាំង វាប្រសើរជាជាងមិនបានចាក់អ្វីទាំងអស់ ម្យ៉ាងទៀត ទោះបីជាមានផលរំខានខ្លះក៏ពិតមែន ក៏ប៉ុន្តែភាគរយដែលអាចធ្វើឲ្យប៉ះពាល់សុខភាពគឺនៅមានចំនួនតិចតួចណាស់ បើធៀបនឹងគុណប្រយោជន៍របស់វ៉ាក់សាំង AstraZeneca។
ទោះបីយ៉ាងណា ការអំពាវនាវម្តងជាពីរម្តង ពីសំណាក់អ្នកជំនាញឱសថអឺរ៉ុប និង អង្គការសុខភាពពិភពលោក មិនអាចហាមប្រាម ប្រទេសនៅអឺរ៉ុបភាគច្រើន និង ប្រទេសក្រៅតំបន់អឺរ៉ុបមួយចំនួនទៀត ពីការផ្អាកចាក់វ៉ាក់សាំងរបស់ពួកគេនោះទេ។
សារព័ត៌មានចិន Xinhua ឯណោះវិញក៏បានចុះផ្សាយដែរថា មកដល់ពេលនេះ មានជាង២០ប្រទេសហើយដែលបានសម្រេចផ្អាកប្រើប្រាស់វ៉ាក់សាំង AstraZeneca។ ដោយក្នុងនោះ មានប្រទេសខ្លះ បានផ្អាកទាំងស្រុង និង ប្រទេសខ្លះទៀត បានផ្អាកតាមចំនួនបាច់ (Batch)នៃវ៉ាក់សាំងខ្លះ ដែលគេសង្ស័យថា មានបញ្ហាប៉ុណ្ណោះ។
អត្ថបទទាក់ទង
ដោយឡែក ប្រទេសឥណ្ឌូនេស៊ី បានប្រកាសផ្អាកការចាក់វ៉ាក់សាំងរបស់អង់គ្លេសដែរនេះ កាលពីថ្ងៃច័ន្ទ ទី ១៥មីនាកន្លងទៅ ប្រការនេះធ្វើឲ្យឥណ្ឌូនេស៊ីបច្ចុប្បន្នកំពុងប្រើប្រាស់វ៉ាក់សាំងតែមួយប្រភេទប៉ុណ្ណោះ គឺប្រភេទ Sinovac របស់ប្រទេសចិន។ រីឯថៃ ក៏ធ្លាប់បានប្រកាសផ្អាកការចាក់វ៉ាក់សាំងរបស់អង់គ្លេសនេះម្តងរួចមកហើយដែរ ក៏ប៉ុន្តែបានប្រកាសចាក់វិញហើយកាលពីដើមសប្តាហ៍នេះដោយពីដូសទី១ គឺនាយករដ្ឋមន្ត្រីថៃលោកប្រាយុទ្ធចាន់អូចា។
សូមបញ្ជាក់ផងដែរថា ក្រោយកិច្ចប្រជុំដដែលកាលពីថ្ងៃពុធទី១៧មីនាកន្លងទៅ អង្គការសុខភាពពិភពលោកបានចេញអនុសាសន៍ដ៏គួរឲ្យភ្ញាក់ផ្អើលមួយ ណែនាំឲ្យប្រើវ៉ាក់សាំង Johnson &Johnson ដើម្បីទប់ទល់នឹងកូវីដ-១៩ បម្លែងខ្លួនថ្មី។ វ៉ាក់សាំងកូវីដ-១៩ របស់អាមេរិក Johnson &Johnson ប្រភេទនេះ តម្រូវឲ្យចាក់តែមួយដូសប៉ុណ្ណោះសម្រាប់មនុស្សម្នាក់៕
None
