សេចក្តីសម្រេចរបស់ WHO បានឲ្យដឹងថា អ្វីៗគឺអាចធ្វើទៅបានអាស្រ័យលើអ្វីដែលគេមាន ពិសេសវ៉ាក់សាំង ប្រភេទ mRNA, Pfizer និង Moderna ជាដើម អាចត្រូវបានប្រើប្រាស់ជាដូសបន្ទាប់ ឬ ដូសជំរុញ បន្ទាប់ពីការចាក់ វ៉ាក់សាំង AstraZeneca ឬអាចយក AstraZeneca ជាដូសដំបូងក៏បាន រីឯថ្នាំវ៉ាក់សាំងផ្សេងទៀតជាដូសបន្ទាប់ក៏បាន។
ក្នុងនោះ WHO ក៏បានបញ្ជាក់ដែរថា វ៉ាក់សាំង AstraZeneca និងវ៉ាក់សាំងប្រភេទ mRNA ផ្សេងទៀត ក៏អាចប្រើបន្ទាប់ពីការចាក់វ៉ាក់សាំង Sinopharm របស់ចិនបានដែរ។
គួរជម្រាបថា ការណែនាំបណ្តោះអាសន្ន នេះធ្វើឡើងដោយផ្អែកលើក្រុមអ្នកជំនាញផ្នែកប្រឹក្សាយុទ្ធសាស្ត្ររបស់អង្គការសុខភាពពិភពលោកស្តីពី វ៉ាក់សាំង។
ការណែនាំនេះ ធ្លាក់មកដល់ បន្ទាប់ពីការសិក្សាដ៏សំខាន់មួយដោយអ្នកជំនាញ កាលពីសប្តាហ៍មុន បានបង្ហាញថា ការចាក់វ៉ាក់សាំង AstraZeneca ឬ Pfizer/BioNTech ដូសទី១ បន្ទាប់មកចាក់ដូសទី២ ដោយប្រើវ៉ាក់សាំង Moderna ក្នុងគម្លាត៩សប្តាហ៍ ធ្វើឲ្យប្រព័ន្ធភាពស៊ាំរបស់មនុស្សមានភាពល្អប្រសើរជាងមុន។អត្ថបទគួរអាន
ទន្ទឹមនឹងការនាំណែនេះ WHO បានគូសបញ្ជាក់ថា មុនការប្រើវ៉ាក់សាំងលាយបញ្ចូលគ្នា គេគួរតែគិតគូរលើស្ថានការណ៍ជាក់ស្តែងផងដែរ។ ក្នុងន័យនេះ WHO ចង់ឲ្យគេគិតគូរលើហានិភ័យនៃវ៉ាក់សាំង ដែលកំពុងត្រូវបានប្រើប្រាស់ និង ថាតើប្រទេសនីមួយៗមានវ៉ាក់សាំងប្រភេទណា ដែលអាចចាក់លាយគ្នាបាន ហើយថា តើវាមានគ្រប់គ្រាន់ដែរឬទេសម្រាប់លាយបញ្ចូលគ្នា ជៀសវាងការប្រើប្រាស់ច្រើនប្រភេទខុសៗគ្នាពេក។
មានប្រទេសជាច្រើនបានប្រើប្រាស់វ៉ាក់សាំងលាយបញ្ចូលគ្នារួចទៅហើយ មុនមានការណែនាំពី WHO ដោយសារតែគេត្រូវប្រឈមមុខខ្លាំង នឹងការកើនឡើងនៃចំនួនអ្នកឆ្លងកូវីដ១៩ គួបផ្សំនឹងការខ្វះខាតវ៉ាក់សាំងប្រភេទណាមួយ ធ្វើឲ្យយុទ្ធនាការចាក់មានល្បឿនយឺត៕None
